'थरकाप' उडवणारा प्रसंग ... ! गरोदर महिलेला डंपरने चिरडले, जखमी बापाच्या डोळ्यासमोर रस्त्यावरच चिमुरडीचा जन्म

Pregnant woman dies in accident : उत्तर प्रदेशातील आग्रा येथे दुचाकीच्या धडकेने गर्भवती महिला रस्त्यावर पडली. पाठीमागून येणाऱ्या डंपरने तिला चिरडले की मुलगी पोटातून बाहेर आली. या वेदनादायक अपघातात आईला आपला जीव गमवावा लागला असून तिला नवजात बालकाचा चेहराही पाहता आला नाही.

 'थरकाप' उडवणारा प्रसंग ... ! गरोदर महिलेला डंपरने चिरडले, जखमी बापाच्या डोळ्यासमोर रस्त्यावरच चिमुरडीचा जन्म
Painful: The dumper trampled the pregnant woman like this, the girl was born on the road itself  |  फोटो सौजन्य: BCCL
थोडं पण कामाचं
  • गर्भवती महिलेला डंपरने चिरडले
  • रस्त्यातच बाळाचा जन्म
  • मुलीचा चेहरा न पाहता तिने जगाचा निरोप घेतला.

Accident : उत्तर प्रदेशातील आग्रा येथे पतीसोबत माहेरी जाणाऱ्या आठ महिन्यांच्या गरोदर महिलेला डंपरने अशी धडक दिली की, तिच्या बाळाला बघण्यापूर्वीच तिचा मृत्यू झाला. रस्त्यात एका महिलेला डंपरने चिरडले, त्यामुळे बाळाचा जन्म रस्त्याच्या मधोमध झाला. सध्या नवजात मुलीला शासकीय वैद्यकीय महाविद्यालयाच्या ट्रॉमा सेंटरमध्ये दाखल करण्यात आले आहे. (Painful: The dumper trampled the pregnant woman like this, the girl was born on the road itself)

Draupadi Murmu

अधिक वाचा : Sidhu Moose Wala: 'पुढचा नंबर तुमचा' सिद्धू मुसेवालाच्या वडिलांना पाकिस्तानी नंबरवरुन धमकीचा मेसेज

ही घटना आग्राच्या धनौली गावातील आहे, जिथे २४ वर्षीय महिला कामिनी (८ महिन्यांची गरोदर) फिरोजाबादच्या नारखी पोलीस स्टेशन हद्दीतील बरतारा गावात जात होती. पती रामकुमार उर्फ ​​रामू याच्यासोबत दुचाकीवरून जात असलेल्या महिलेला बायपास रोडवर विरुद्ध दिशेने येणाऱ्या दुसऱ्या मोटारसायकलने धडक दिली. असंतुलित झाल्याने दुचाकीवर मागे बसलेले रामकुमार आणि कामिनी रस्त्यावर पडले.

अधिक वाचा : Punjab CM stomach : पंजाबच्या मुख्यमंत्र्यांचे बिघडले पोट, हा नदीचे पाणी पिण्याचा परिणाम तर नव्हे? ‘या’ व्हिडिओवरून रंगलीय चर्चा

दरम्यान, पाठीमागून येणाऱ्या डंपरने कामिनीच्या शरीराच्या वरच्या भागाला चिरडल्याने खालच्या भागावर दबाव आला आणि रस्त्यावरच बाळाचा जन्म झाला. यादरम्यान महिलेचाही मृत्यू झाला. डंपरने चिरडल्याने कामिनीचे हातपाय फ्रॅक्चर झाले होते, या घटनेतील सर्वात वेदनादायक बाब म्हणजे कामिनीने एका मुलीला जन्म दिला, पण मुलीचा चेहरा न पाहता तिने जगाचा निरोप घेतला. जेव्हा लोकांनी हा अपघात रस्त्यात पाहिला तेव्हा ते हादरले, कारण आईचा मृत्यू झाला होता. त्याचवेळी शेजारी नवजात मुलगी रडत होती. कामिनीचा नवराही रस्त्यावर जखमी अवस्थेत पडला होता. लोकांनी तात्काळ कामिनीच्या नवजात मुलीला शासकीय वैद्यकीय महाविद्यालयात दाखल केले जेथे तिची प्रकृती धोक्याबाहेर आहे. कामिनीचा मृतदेह पोस्टमॉर्टमसाठी पाठवण्यात आला आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी