Pakistan Airstrike : पाकिस्तानचा अफगाणिस्तानवर एअरस्ट्राईक, लहान मुले आणि महिलांसह ३० जणांचा मृत्यू

पाकिस्तानने अफगाणिस्तानवर एअरस्ट्राईक केला आहे. त्यात ३० हून अधिक नागरिकांचा मृत्यू झाला असून त्यात महिला आणि लहान मुलांचाही समावेश आहे. अफगाणिस्तानच्या खोस्त आणि कुनार प्रांतातील स्थानिक अधिकार्‍यांनी या बातमीला दुजोरा दिला आहे. पाकिस्ताने शुक्रवारी रात्री पेसा मिला आणि मीर सफर भागात एअरस्ट्राईक केला आहे.

air strike
एअरस्ट्राईक  |  फोटो सौजन्य: BCCL
थोडं पण कामाचं
  • पाकिस्तानने अफगाणिस्तानवर एअरस्ट्राईक केला आहे.
  • त्यात ३० हून अधिक नागरिकांचा मृत्यू झाला
  • त्यात महिला आणि लहान मुलांचाही समावेश आहे.

Pakistan Airstrik : इस्लामाबाद : पाकिस्तानने अफगाणिस्तानवर एअरस्ट्राईक केला आहे. त्यात ३० हून अधिक नागरिकांचा मृत्यू झाला असून त्यात महिला आणि लहान मुलांचाही समावेश आहे. अफगाणिस्तानच्या खोस्त आणि कुनार प्रांतातील स्थानिक अधिकार्‍यांनी या बातमीला दुजोरा दिला आहे. पाकिस्ताने शुक्रवारी रात्री पेसा मिला आणि मीर सफर भागात एअरस्ट्राईक केला आहे. तसेच खोस्त प्रांताच्या स्पेरा जिल्ह्यातही हवाई हल्ला केल्याचे स्थानिक नागरिकांनी दिले आहे. या हल्ल्यात एकाच कुटुंबातील अनेक लोक मारल्याचे वृत्त आहे. (pakistan air strike afghanistan more than 30 people died include women and children's)


कुनार प्रांताच्या शाल्ट जिल्ह्यातेले स्थानिक नागरिकांनी दिलेल्या माहितीनुसार पाकिस्तानच्या हल्ल्यात पाच लहान मुले आणि एक महिलेचा मृत्यू झाला आहे. असे असएल तरी पाकिस्तानच्या सरकारने आणि अफगाणिस्तानच्या तालिबानी सरकारने याबाबत कुठलीही अधिकृत माहिती दिलेली नाही. परंतु पाकिस्तानी माध्यमांनी या प्रांतातील तहरीक ए तालिबान आणि पश्तून इस्लामी दहशतवाद्यांना लक्ष्य केल्याचे म्हटले आहे. तहरिक ए तालिबान ही दहशतवादी संघटना आहे. ही संघटना पाकिस्तानच्या वजिरीस्तान भागात सक्रिय असून २००७ पासून या संघटनेचे आणि पाकिस्तानी सैन्यासोबत झटापटी सुरू आहे. 

मिळालेल्या माहितीनुसार पाकिस्तानी सैनिकांनी अफगाणिस्तानच्या काही गाडी चालकांवर अंदाधुंद गोळीबार केला आहे. त्यात एका गाडी चालकाचा मृत्यू झाला आहे. तर दुसरीकडे पाकिस्तानच्या परराष्ट्र मंत्रालयाने अफगाणिस्तानातील आपल्या राजदुताला परत बोलावले आहे. पाकिस्तान आणि अफगाणिस्तान सीमेवर दोन्ही देशांच्या सैनिकांमध्ये गोळीबार झाला. यावरून पाकिस्तानने नाराजी दर्शवली असून यावर कडक कारवाई व्हावी अशी मागणी केली आहे. 


पाकिस्तानमध्ये आठ सैनिकांचा मृत्यू

पाकिस्तानच्या वजिरीस्तानमध्ये झालेल्या दहशतवादी हल्ल्यात पाकिस्तानचे ८ सैनिक मारले गेले अहएत. गुरूवारी दहशतवाद्यांनी सैनिकांच्या मार्गावर दबा धरून हल्ला केला. दहशतवाद्यांनी पाकिस्तानी सैनिकांवर अंदाधुंद गोळीबा केला आणि त्यात पाकिस्तानचे ८ सैनिकांचा जागीच मृत्यू झाला. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी