President Election: आज दुपारी ३ वाजता जाहीर होणार राष्ट्रपती निवडणुकीच्या तारखा

 राष्ट्रपतींच्या निवडणुकीसंदर्भात मोठी बातमी समोर आली आहे. निवडणूक आयोग आज दुपारी ३ वाजता पत्रकार परिषद घेणार आहे. यादरम्यान राष्ट्रपती निवडणुकीची तारीख जाहीर केली जाईल. राष्ट्रपती रामनाथ कोविंद यांचा कार्यकाळ २४ जुलै रोजी संपत आहे. त्यापूर्वी निवडणूक आयोग राष्ट्रपतीपदाची निवडणूक घेईल. 

Presidential election dates will be announced at 3 pm today
आज दुपारी ३ वाजता जाहीर होणार राष्ट्रपती निवडणुकीच्या तारखा   |  फोटो सौजन्य: Times Now
थोडं पण कामाचं
  • राष्ट्रपती रामनाथ कोविंद यांचा कार्यकाळ २४ जुलै रोजी संपत आहे.
  • २०१७ मध्ये राष्ट्रपती निवडणुकीसाठी १७ जुलै रोजी मतदान झाले होते आणि २० जुलै रोजी मतमोजणी झाली होती.

President Election 2022: नवी दिल्ली :  राष्ट्रपतींच्या निवडणुकीसंदर्भात मोठी बातमी समोर आली आहे. निवडणूक आयोग आज दुपारी ३ वाजता पत्रकार परिषद घेणार आहे. यादरम्यान राष्ट्रपती पदाच्या निवडणुकीची तारीख जाहीर केली जाईल. राष्ट्रपती रामनाथ कोविंद यांचा कार्यकाळ २४ जुलै रोजी संपत आहे. त्यापूर्वी निवडणूक आयोग राष्ट्रपतीपदाची निवडणूक घेईल. 

मुदत २४ जुलै रोजी संपली

संविधानाच्या अनुच्छेद ६२ नुसार राष्ट्रपती राम नाथ कोविंद यांचा कार्यकाळ २४ जुलै रोजी संपत आहे. त्यामुळे पुढील राष्ट्रपती निवडण्यासाठीची निवडणूक त्यापूर्वी पूर्ण होणे आवश्यक आहे. 

हे लोक मतदान करू शकतात

संसदेच्या दोन्ही सभागृहांच्या सदस्यांव्यतिरिक्त, सर्व राज्यांच्या विधानसभांचे निवडून आलेले आमदार, राष्ट्रीय राजधानी प्रदेश दिल्ली आणि केंद्रशासित प्रदेश पुद्दुचेरीमधील आमदार राष्ट्रपतीपदाच्या निवडणुकीत मतदान करू शकतात. राज्यसभा, लोकसभा किंवा विधानसभेच्या नामनिर्देशित सदस्यांना राष्ट्रपतीपदाच्या निवडणुकीत मतदान करण्याचा अधिकार नाही.

२०१७ मध्ये झाली शेवटची निवडणूक 

त्याचप्रमाणे राज्यांच्या विधान परिषदेच्या सदस्यांनाही राष्ट्रपतीपदाच्या निवडणुकीत भाग घेण्याचा अधिकार नाही. २०१७ मध्ये राष्ट्रपती निवडणुकीसाठी १७ जुलै रोजी मतदान झाले होते आणि २० जुलै रोजी मतमोजणी झाली होती.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी