Rahul Gandhi : उस्मानिया यूनिवर्सिटीत राहुल गांधींना नो एंट्री, गैर-राजकीय' दौऱ्यास मनाई, परवानगीसाठी विद्यार्थ्यांची न्यायालयात धाव

उस्मानिया यूनिवर्सिटीत राहुल गांधींना नो एंट्री  |  फोटो सौजन्य: Times Now

नवी दिल्ली : भारतातील (India) सर्वात जुन्या विद्यापीठांमध्ये (universities) उस्मानिया (Osmania) विद्यापीठाचे (University) नाव समाविष्ट आहे. या विद्यापीठाने देशातील सर्वात जुन्या राजकीय पक्षाच्या नेत्याला म्हणजेच  काँग्रेस नेते (Congress leader) राहुल गांधींच्या (Rahul Gandhi) दौऱ्याला नकार दिला आहे. राहुल गांधी यांच्या कॅम्पसमधील 'गैर-राजकीय' दौऱ्याला परवानगी नाकारली आहे. याबाबत अद्याप अधिकृतपणे काहीही सांगण्यात आले नसले तरी या कथित निर्णयामुळे तेलंगणात नवा राजकीय वाद निर्माण झाला आहे.

इंडियन एक्स्प्रेसच्या वृत्तानुसार, विद्यापीठाने कार्यक्रमाच्या आयोजकांना कार्यकारी समितीच्या कथित निर्णयाबाबत लेखी माहिती दिलेली नाही.  याप्रकरणी काँग्रेसने तेलंगणा राष्ट्र समितीच्या राज्य सरकारवर निशाणा साधला आहे. तर राहुल गांधींच्या दौऱ्याला परवानगी द्यावी यासाठी  विद्यापीठाला आदेश देण्यासाठी काही विद्यार्थ्यांनी उच्च न्यायालयात धाव घेतली आहे. काँग्रेस नेत्यांनी रविवारी सांगितले की त्यांनी 23 एप्रिल रोजी कार्यक्रमासाठी परवानगी मागितली होती आणि सांगण्यात आले की हा कार्यक्रम "गैर-राजकीय" असेल.

बातमीची भावकी

काॅंग्रेसमध्ये प्रवेशाचे घोडे कुठे अडले ?, दस्तुरखुद PK यांनीच सांगितलं कारण   

Shweta Singh Gaur : रशियन, आफ्रिकन मुली असेल तर पाठवा; भाजप महिला नेत्याच्या पतीचा कॉल रेकॉर्ड व्हायरल

Prashan Kishor: प्रशांत किशोर आता नव्या वाटेवर; बिहारमधून होणार नव्या मोहिमेची सुरूवात 

अहवालानुसार, एका अधिकाऱ्याने सांगितले की, 2017 पासून, कार्यकारी परिषदेने एक ठराव मंजूर केला होता, ज्यामध्ये कॅम्पसमध्ये राजकीय बैठकांसह गैर-शैक्षणिक क्रियाकलापांवर बंदी घालण्यात आली होती. असा प्रस्ताव जून 2017 मध्ये स्वीकारण्यात आल्याचे अधिकाऱ्याने सांगितले. ते म्हणाले की, वर्षभरापूर्वी उच्च न्यायालयाने राज्य सरकारला विद्यापीठ परिसरात राजकीय आणि जाहीर सभांना परवानगी देऊ नये, असे आदेश दिले होते. किंबहुना त्या काळात राजकीय घडामोडींमुळे सतत त्रास होत असल्याने याचिका दाखल करण्यात आली होती. 

विद्यापीठाने घेतलेल्या या कथित निर्णयामुळे कॅम्पसमध्ये संतापाची लाट उसळली आहे. युथ काँग्रेसचे अनेक नेते आणि समर्थकांनी शनिवारी ओयू कला महाविद्यालयात निदर्शने केली.  त्याचवेळी याला प्रत्युत्तर म्हणून अखिल भारतीय विद्यार्थी परिषद आणि टीआरएसशी संलग्न विद्यार्थी संघटनांनी मोर्चा काढत याला प्रत्युत्तर दिले. वृत्तानुसार, तेलंगणा निरुद्योग विद्यार्थी संयुक्त कृती समितीच्या मानवता रॉय यांनी सांगितले की, प्रशासनाने या निर्णयाची लेखी माहिती दिलेली नाही. सोमवारी प्रशासनाकडून आम्हाला काहीतरी अपेक्षित आहे, असे ते म्हणाले.