DRDO's Anti-Covid Drug : '2-डीऑक्सी-डी-ग्लूकोज' औषध दोन-तीन दिवसात बाजारात उपलब्ध होणार

डीआरडीओच्या (DRDO) अँटी-कोविड औषध (Anti-Covid Drug)  '2-डीऑक्सी-डी-ग्लूकोज'ला (2-deoxy-D-glucose) अलीकडेच आपत्कालीन वापरासाठी डीसीजीआयने मंजुरी देण्यात आली आहे.

The drug '2-deoxy-D-glucose' will be available in the market
'2-डीऑक्सी-डी-ग्लूकोज' औषध २-३ दिवसात बाजारात उपलब्ध होणार  |  फोटो सौजन्य: Indiatimes

थोडं पण कामाचं

  • 2-deoxy-D-glucose हे औषध रूग्णांच्या जलद रिकव्हरीसाठी मदत करते.
  • 2-deoxy-D-glucose मुळे रुग्णाचे ऑक्सिजनवर निर्भर राहणे कमी होते.
  • सुरुवातीला किमान १० हजार औषधाचे डोस बाजारात येणार

नवी दिल्ली : डीआरडीओच्या (DRDO) अँटी-कोविड औषध (Anti-Covid Drug)  '2-डीऑक्सी-डी-ग्लूकोज'ला (2-deoxy-D-glucose) अलीकडेच आपत्कालीन वापरासाठी डीसीजीआयने मंजुरी देण्यात आली आहे. या औषधामुळे सध्या चालू असलेल्या ऑक्सिजन तुटवड्यावर मोठा फरक पडणार आहे. दरम्यान या औषधांच्या उपलब्धतेबाबत बोलाताना डीआरडीओचे अध्यक्ष डॉ. सतीश रेड्डी  (DRDO President Dr. Satish Reddy) यांनी सांगितले की, ११ किंवा १२ मेपासून हे कोविड औषध बाजारात उपलब्ध होऊ शकेल. सुरुवातीला किमान १० हजार औषधाचे डोस बाजारात येऊ शकतात. इंडिया टीव्हीच्या एका कार्यक्रमात त्यांनी ही माहिती दिली आहे. कोरोनाशी लढण्यासाठी हे औषध खूप उपयुक्त ठरू शकते.

क्लिनिकल चाचण्यांमधून असे दिसून आले आहे की हे औषध रुग्णालयात दाखल झालेल्या रूग्णांच्या जलद रिकव्हरीसाठी मदत करते. रुग्णाचे ऑक्सिजनवर निर्भर राहणे कमी होते. त्यामुळे कोरोनाबाधित रुग्णांसाठी हे औषध फायदेशीर ठरणार आहे. डीआरडीओच्या इन्स्टिट्यूट ऑफ न्युक्लियर मेडिसिन अँड अलाईड सायन्सेस (INMAS) आणि हैदराबाद सेंटर फॉर सेल्यूरल अॅंड मॉलिक्युलर बायोलॉजी (CCMB) यांनी एकत्र येत या औषधांची निर्मिती केली आहे. या औषधाला सध्या 2-deoxy-D-glucose (2-DG) असे नाव देण्यात आले आहे. या औषधाच्या उत्पादनाची जबाबदारी हैदराबाद येथील डॉ. रेड्डीज लॅबरोटरिजवर देण्यात आली आहे. 

एका वृत्तवाहिनीच्या कार्यक्रमात बोलताना सतीश रेड्डी यांनी म्हटलं की, डीआरडीओ आणि डॉ. रेड्डीज लॅब यांनी बनवलेले हे औषध डीसीजीआयच्या मंजुरीनंतर वापरात येणार आहे. या औषधामुळे ऑक्सिजनवर अवलंबून असलेले कोरोनाबाधित रूग्ण दोन ते तीन दिवसांत ऑक्सिजनचा सपोर्टविना उपचार घेऊ शकतील, त्यामुळे रुग्ण लवकरच बरे होतील. लवकरच हे औषध रूग्णालयात उपलब्ध होईल. मात्र रुग्णांनी हे औषध फक्त डॉक्टरांच्या सल्ल्यानुसार घ्यावे, असेही सतीश रेड्डी यांनी सांगितले. 

सध्या कोरोनाबाधित रुग्णांची ऑक्सिजन लेवल झपाट्याने कमी होणे ही मोठी समस्या आहे. यामुळे रुग्णांचे मृत्यूचे प्रमाण अधिक आहे. यासाठी  2-DG हे औषध फायदेशीर ठरणार आहे. कारण क्लिनिकल ट्रायलमधील परिणामांनुसार, कोरोनाबाधित रुग्ण कमी वेळेत रिकव्हर होतात. तसेच रुग्णांना रुग्णांलयात ऑक्सिजनचा वापरही कमी करावा लागत आहे. इतर उपचार पद्धतीच्या तुलनेने 2-DG च्या वापराने रुग्ण कमी वेळेत कोरोनावर मात करत आहेत, म्हणजे कोरोनोबाधित रुग्ण कमी वेळेत बरे होत आहेत. 
यशस्वी निकालांच्या आधारे डीसीजीआयने नोव्हेंबर २०२० मध्ये तिसऱ्या टप्प्यातील क्लिनिकल चाचण्यांना परवानगी दिली. डिसेंबर २०२० ते मार्च २०२१ दरम्यान दिल्ली, उत्तर प्रदेश, पश्चिम बंगाल, गुजरात, राजस्थान, महाराष्ट्र, आंध्र प्रदेश, तेलंगणा, कर्नाटक आणि तामिळनाडू मधील २७  कोविड रुग्णालयात २२० रुग्णांवर तिसऱ्या टप्प्यातील क्लिनिकल चाचणी घेण्यात आली. तिसऱ्या टप्प्यातील क्लिनिकल चाचणीचा सविस्तर डेटा डीसीजीआयकडे सादर करण्यात आला. 2-डीजी आर्ममध्ये, रुग्णांचे प्रमाण जास्त प्रमाणात लक्षणानुसार सुधारले गेले आणि एसओसीच्या तुलनेत तिसऱ्या दिवसापर्यंत पूरक ऑक्सिजनवरील अवलंबित्व (४२% च्या तुलनेत ३१%) कमी झाले जे ऑक्सिजन थेरपी / अवलंबित्व यापासून लवकर सुटका दर्शवते.
औषध पावडर स्वरुपात मिळणार
DRDO ने विकसित केलेले हे औषध गोळी, सिरप किंवा इंजेक्शन नाही तर पावडर स्वरुपात पाकिटामध्ये मिळते, जे पाण्यात विरघळवून पिता येते. हे विषाणू, संक्रमित पेशींमध्ये जमा होऊन व्हायरल संश्लेषण आणि उर्जा उत्पादन थांबवून विषाणू वाढीस प्रतिबंधित करते. विषाणूंनी संक्रमित पेशींमध्ये त्याचे निवडक संग्रह हे औषध उत्कृष्ट बनवते. जेव्हा देशभरात रुग्णांची संख्या सातत्याने वाढत असते आणि रुग्णांना ऑक्सिजनची गरज असते अशावेळी हे औषध खूप प्रभावी सिद्ध होऊ शकते. असा दावा केला जात आहे. 
 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी