Al Zawahiri Killed: अमेरिकेच्या ड्रोन हल्ल्यात अल-कायदा प्रमुख अल-जवाहिरी ठार, बायडेन म्हणाले, "आता खरा न्याय झाला"

ड्रोन हल्ल्यात दहशतवादी अल-जवाहिरी ठार; बायडेन झाले खूश   |  फोटो सौजन्य: Twitter

Al-Qaeda Leader Killed In Drone Strike: अमेरिकेने (US) अफगाणिस्तानमध्ये (Afghanistan) केलेल्या दहशतवादविरोधी कारवाईत अल-कायदाचा प्रमुख अयमान अल-जवाहिरी (Ayman al-Zawahiri) याला ठार केले आहे. अमेरिकेचे राष्ट्राध्यक्ष जो बायडेन (Joe Biden) यांनी या बातमीला दुजोरा दिला आहे. अफगाणिस्तानात अमेरिकेने ड्रोन स्ट्राईक करून मोठी कारवाई केल्याची घोषणा व्हाईट्स हाऊसने केल्याचं अमेरिका मीडियाच्या आऊटलेट्सने म्हटलं आहे.

ओसामा बिन लादेन याला मारल्यानंतरची ही सर्वात मोठी कारवाई असल्याचा दावा अमेरिकेच्या अधिकाऱ्यांनी केला. तसेच या कारवाईमुळे दहशतवादी संघटनांना मोठा झटका बसला आहे. अल जवाहिरीवर अमेरिकेने 25 मिलियन डॉलरचं बक्षिस ठेवलं होतं. 

बातमीची भावकी

Owaisi on Modi : श्रीलंकेच्या राष्ट्रपतींप्रमाणे आता जनता आपल्या पंतप्रधानांच्या घरात घुसेल, ओवेसींची मोदी सरकारवर कडाडून टीका

Vande Bharat: वंदे भारत ट्रेनमध्ये लागणार FRPच्या या खास सीट्स, विंडोसीटचा सर्व प्रवाशांना घेता येणार आनंद

Nirmala Sitharaman: 'कोरोना, लॉकडाऊन.. युद्ध तरीही आम्ही महागाई 'कंट्रोल'मध्ये ठेवलीय', अर्थमंत्री निर्मला सीतारामनांचा दावा

युनायटेड स्टेट्समधील हल्ल्यामागे ऑपरेशनल मेंदू होता जवाहिरी

इजिप्तच्या इस्लामिक जिहाद दहशतवादी गटाची स्थापना करण्यात मदत करणारे नेत्रचिकित्सक (Eye Surgeon) जवाहिरीने मे 2011 मध्ये लादेनला अमेरिकन सैन्याने मारल्यानंतर अल-कायदाचे नेतृत्व हाती घेतले. याआधी, जवाहिरीला अनेकदा बिन लादेनचा उजवा हात आणि अल-कायदाचा मुख्य विचारवंत म्हटले जायचे. 11 सप्टेंबर 2001 रोजी युनायटेड स्टेट्समध्ये झालेल्या हल्ल्यामागे त्याचा "ऑपरेशनल मेंदू" होता असे काही तज्ञांचे मत आहे. 1980 च्या दशकात तुरुंगात असलेल्या जवाहिरीने त्याच्या सुटकेनंतर देश सोडला आणि हिंसक आंतरराष्ट्रीय जिहादी चळवळींमध्ये सामील झाला. अखेर तो अफगाणिस्तानात स्थायिक झाला, यावेळी तो ओसामा बिन लादेनबरोबर दहशतवादी संघटनेत सामील झाला. त्यांनी एकत्रितपणे अमेरिकेविरुद्ध युद्ध घोषित केले आणि 11 सप्टेंबर 2001 रोजी हल्ला केला.

आता खरा न्याय मिळाला..- अमेरिका राष्ट्राध्यक्ष जो बायडेन 

अफगाणिस्तानची राजधानी काबूलमध्ये (Kabul) सीआयएने केलेल्या ड्रोन हल्ल्यात जवाहिरी मारला गेला. बीबीसीच्या वृत्तानुसार बायडेन म्हणाले की, "आता खरा न्याय मिळाला आहे आणि हा दहशतवादी मास्टरमाईंड आता जिवंत राहिलेला नाही," 

 9/11 हल्ल्याचा सूत्रधार, अमेरिकेचा ‘मोस्ट वॉन्टेड टेररिस्ट

अधिकाऱ्यांनी सांगितले की, ड्रोनने दोन क्षेपणास्त्रे डागली तेव्हा जवाहिरी एका सुरक्षित घराच्या बाल्कनीत होता. ते म्हणाले की, कुटुंबातील इतर सदस्य घटनास्थळी उपस्थित होते, परंतु त्यांना कोणतीही इजा झाली नाही आणि फक्त जवाहिरी मारला गेला. 2011 मध्ये ओसामा बिन लादेनच्या मृत्यूनंतर जवाहिरीने अल-कायदाला आपल्या ताब्यात घेतले. जवाहिरी आणि लादेन हे अमेरिकेवरील 9/11 च्या हल्ल्याचे सूत्रधार होते. जवाहिरी हा अमेरिकेच्या ‘मोस्ट वॉन्टेड टेररिस्ट’पैकी एक होता.