Gyanvapi Mosque Case: ज्ञानवापी संकुलात शिवलिंग सापडलेल्या भागाला सील करा, कोणालाही प्रवेश देऊ नका, वाराणसी न्यायालयाचे आदेश
Varanasi court : वाराणसीच्या एका न्यायालयाने सोमवारी काशी विश्वनाथ मंदिर (Kashi Vishwanath Temple) Temple)-ज्ञानवापी मशीद संकुलात (Gyanvapi Complex)"जिथे शिवलिंग सापडले आहे ते तात्काळ सील करण्याचे" आदेश दिले. न्यायालयाने म्हटले आहे की सील केलेल्या परिसरात कोणालाही प्रवेश करण्याची परवानगी देऊ नये. जागा सील करण्याच्या देखरेखीची जबाबदारी यूपीचे पोलीस महासंचालक (डीजीपी) आणि यूपीचे मुख्य सचिव (प्रशासन) यांची असेल.
ज्ञानवापी मशीद परिसरासंदर्भात वाराणसी न्यायालयाचे ताजे आदेश
थोडं पण कामाचं
- ज्ञानवापी संकुलासंदर्भात वाराणसी न्यायालयाचा ताजा आदेश
- ज्ञानवापी संकुल परिसरात शिवलिंग सापडलेल्या परिसराला सील करण्याचे आदेश
- ज्ञानवापी संकुलाचे सर्वेक्षण झाले पूर्ण
Gyanvapi Mosque Case update:वाराणसी : वाराणसीच्या एका न्यायालयाने सोमवारी काशी विश्वनाथ मंदिर (Kashi Vishwanath Temple) Temple)-ज्ञानवापी मशीद संकुलात (Gyanvapi Complex)"जिथे शिवलिंग सापडले आहे ते तात्काळ सील करण्याचे" आदेश दिले. न्यायालयाने म्हटले आहे की सील केलेल्या परिसरात कोणालाही प्रवेश करण्याची परवानगी देऊ नये. हिंदू याचिकाकर्त्यांकडून वकिलाचा अर्ज स्वीकारताना, दिवाणी न्यायाधीश (वरिष्ठ विभाग) रवी कुमार दिवाकर यांच्या न्यायालयाने सांगितले, “जिल्हा दंडाधिकारी, वाराणसी यांना शिवलिंग सापडले आहे ते ठिकाण तात्काळ सील करण्याचे निर्देश दिले आहेत. सील केलेल्या ठिकाणी कोणत्याही व्यक्तीला प्रवेश देऊ नये. सील केल्या जाणाऱ्या ठिकाणाच्या सुरक्षेची आणि देखरेखीची जबाबदारी वाराणसीचे जिल्हा दंडाधिकारी, वाराणसीचे पोलीस आयुक्त आणि सीआरपीएफ कमांडंट, वाराणसी यांच्या वैयक्तिकरित्या अखत्यारित समजले जाईल.” (Varanasi court orders to seal the area where ‘shivling’ found in Gyanvapi Mosque)
या अर्जावर सुनावणी करताना वाराणसी न्यायालयाने असेही सांगितले की, जागा सील करण्याच्या देखरेखीची जबाबदारी यूपीचे पोलीस महासंचालक (डीजीपी) आणि उत्तर प्रदेशचे मुख्य सचिव (प्रशासन) यांची असेल.
हिंदू याचिकाकर्त्यांचा दावा
पाच हिंदू महिला याचिकाकर्त्यांचे प्रतिनिधित्व करणारे वकील हरी शंकर जैन यांनी सोमवारी वाराणसी न्यायालयात एक अर्ज दाखल केला, ज्यामध्ये म्हटले होते की, “ज्या ठिकाणी वजू खाना आहे त्या ठिकाणी मशिदीच्या संकुलात एक शिवलिंग सापडले आहे”.
ज्ञानवापी मशीद संकुलाचे सर्वेक्षण झाले पूर्ण
आयोगाने केलेल्या संकुलाचे तीन दिवसीय सर्वेक्षण सोमवारी दुपारी संपले आणि अधिकाऱ्यांनी सर्वेक्षणाचे निष्कर्ष "गोपनीय" असल्याचे सांगितले. काशी विश्वनाथ मंदिर-ज्ञानवापी मशीद परिसराचे न्यायालयाने आदेश दिलेले व्हिडिओग्राफिक सर्वेक्षण सोमवारी पूर्ण झाले. न्यायालयाने नियुक्त केलेले वकील आयुक्त, दोन्ही बाजूचे वकील, सर्व संबंधित पक्षकार आणि अधिकारी यांच्या उपस्थितीत तीन दिवसांच्या पाहणीनंतर दुपारच्या सुमारास परिसराचे सर्वेक्षण पूर्ण झाले.
पाच महिलांनी दाखल केलेल्या दाव्यात सरकारचे प्रतिनिधित्व करणारे जिल्हा सरकारी वकील (सिव्हिल) महेंद्र पांडे यांनी प्रसार माध्यमांशी बोलताना पुष्टी दिली की वाराणसी कोर्टाने सोमवारी सकाळी हा आदेश दिला.
अधिक वाचा : कर्नाटकवर टिपू सुलतान राज्य करत असताना श्रीरंगपट्टणच्या हनुमान मंदिराचे जामिया मशिदीत रुपांतर
वाराणसीतील (Varanasi) ज्ञानवापी (Gyanvapi) मशिदीतील (Mosque) सर्वेक्षणाचे काम सोमवारी पूर्ण झाले. सोमवारी सर्वेक्षणाचा तिसरा दिवस होता. आता हा पाहणी अहवाल मंगळवारी न्यायालयात सादर केला जाणार आहे. हिंदू पक्षाला (Hindu party) मंदिराच्या दाव्याला पुष्टी देण्यासाठी काही ठोस पुरावे सापडले आहेत. सोहनलाल आर्याच्या दाव्यावर मुस्लिम बाजूने असे काहीही आढळले नसल्याचे म्हटले आहे. सूत्रांनी दिलेल्या माहितीनुसार, सर्वेक्षणात सहभागी असलेल्या एका व्यक्तीला आतल्या बातम्या लीक केल्याच्या आरोपावरून काढून टाकण्यात आले. त्याचबरोबर ज्ञानवापीच्या आत तलावातील पाणी काढून व्हिडिओग्राफी केली जाऊ शकते. हिंदू पक्षानेही तलावाच्या तळाची पाहणी करण्याची मागणी केली होती.