Twin Towers पाडल्यामुळे आमचे 500 कोटी रुपयांचे नुकसान, Supertech च्या बिल्डर बिल्डरच्या डोळ्यात आश्रू
Supertech Chairman Reaction:सर्वोच्च न्यायालयाच्या आदेशानंतर सुपरटेकचे ट्विन टॉवर पाडण्यात आले आहेत. कंपनीचे चेअरमन आरके अरोरा यांनी यानंतर सांगितले की, कंपनीचे सुमारे 500 कोटी रुपयांचे नुकसान झाले आहे. तो पाडण्याचा खर्चही त्यांना सहन करावा लागला.
Twin Towers पाडल्यामुळे आमचे 500 कोटी रुपयांचे नुकसान, Supertech च्या बिल्डर बिल्डरच्या डोळ्यात आश्रू | फोटो सौजन्य: BCCL
थोडं पण कामाचं
- सुपरटेकचे ट्विन टॉवर पाडण्यात आले
- वास्तू पाडण्यासाठी प्रदीर्घ लढा देणारे एमराल्ड कोर्टातील रहिवासी या मोठ्या विजयाने आनंदी
- आता सुपरटेकचे मालक आरके अरोरा यांचे वक्तव्यही समोर आले
मुंबई: प्रस्थापित मानकांचे उल्लंघन करून या 100 मीटर उंच निवासी इमारतीचे बांधकाम बेकायदेशीर असल्याचे मानून सर्वोच्च न्यायालयाने स्फोटकांचा वापर करून नोएडामधील ट्विन टॉवर इमारत पाडण्याचे आदेश दिले होते. याच आदेशानंतर रविवारी दुपारी अडीच वाजता या इमारतीचे दोन्ही टॉवर अवघ्या काही सेकंदात जमीनदोस्त करण्यात आले. (We lost Rs 500 crore due to demolition of Twin Towers, the pain of Supertech Chairman spilled)
अधिक वाचा : Twin Tower: काहींच्या मनात भीती तर काहींसाठी पिकनिक पॉइंट
दुसरीकडे भ्रष्टाचाराच्या पायावर उभी असलेली ही वास्तू पाडण्यासाठी प्रदीर्घ लढा देणारे एमराल्ड कोर्टातील रहिवासी या मोठ्या विजयाने आनंदी दिसत आहेत. दरम्यान, आता सुपरटेकचे मालक आरके अरोरा यांचे वक्तव्यही समोर आले आहे, ज्यामध्ये त्यांनी त्यांच्या इतर प्रकल्पांबद्दल आणि त्यांच्याशी संबंधित खरेदीदारांबद्दल अनेक गोष्टी सांगितल्या आहेत.
अधिक वाचा : Supertech Twin Tower Demolition: भ्रष्टाचाराची माती झाली.. भारतातील ट्विन टॉवर पाडले, पाहा ऐतिहासिक Video
रियल्टी फर्म सुपरटेक लिमिटेडचे अध्यक्ष आरके अरोरा यांनी रविवारी सांगितले की, सर्वोच्च न्यायालयाच्या आदेशानंतर नोएडामधील ट्विन टॉवर इमारत पाडल्यामुळे कंपनीचे सुमारे 500 कोटी रुपयांचे नुकसान झाले आहे. अरोरा म्हणाले की इमारत पाडल्यामुळे कंपनीचे बांधकाम खर्च आणि कर्जावर देय व्याजाच्या रूपात सुमारे 500 कोटी रुपयांचे नुकसान झाले आहे.
बातमीची भावकी
हे दोन्ही टॉवर नोएडा येथील सेक्टर 93A मधील एक्सप्रेसवेवर असलेल्या सुपरटेकच्या एमराल्ड कोर्ट प्रकल्पाचा भाग होते. या टॉवर्समध्ये बांधलेल्या 900 हून अधिक फ्लॅट्सच्या सध्याच्या बाजारमूल्यानुसार किंमत सुमारे 700 कोटी रुपये होती. न्यायालयाने हे टॉवर पाडण्याचे आदेश दिले असले तरी, सुपरटेकने ते नोएडा विकास प्राधिकरणाने मंजूर केलेल्या इमारत आराखड्यानुसार बांधले होते, असे अरोरा म्हणाले.