Weather Update : उत्तर भारतात थंडीचा कडाका , महाराष्ट्रातील पारा घसरला
हवामान विभागानं (Meteorology Department) दिलेल्या अंदाजानुसार पुढील तीन दिवस उत्तर भारतात थंडीचा जोर कायम राहणार आहे. तसेच धुके पडण्याची शक्यता देखील हवामान विभागानं वर्तवली आहे. त्याचबरोबर महाराष्ट्रातील तापामानाचा पारा ही घसरणार आहे.
उत्तर भारतात सर्वाधिक हुडहुडी, राज्याातील तापमानही झालं कमी | फोटो सौजन्य: Times Now
थोडं पण कामाचं
- पुढील चार दिवस विविध भागात दाट धुके राहण्याची शक्यता आहे.
- पूर्व भारतात किमान तापमानात दोन ते चार अंश सेल्सिअसची वाढ
- महाराष्ट्रातही तापमानाचा पारा चांगलाच घसरला आहे.
Weather Update : देशात कुठे थंडीचा कडाका तर कुठे ढगाळ वातावरण असल्याचे पाहायला मिळत आहे. सध्या उत्तर भारतात थंडीचा कडाका (cold Weather) वाढला आहे. त्याचबरोबर महाराष्ट्रातही (maharashtra) तापमानाचा (Temperature)पारा चांगलाच घसरला आहे. हवामान विभागानं (Meteorology Department) दिलेल्या अंदाजानुसार पुढील तीन दिवस उत्तर भारतात थंडीचा जोर कायम राहणार आहे. तसेच धुके पडण्याची शक्यता देखील हवामान विभागानं वर्तवली आहे. त्याचबरोबर महाराष्ट्रातील तापामानाचा पारा ही घसरणार आहे. (Weather Update : Cold weather in North India, mercury in Maharashtra falls)
अधिक वाचा : अनिल कपूर कोट्यवधींच्या संपत्तीचा मालक
वायव्य मैदानी भागात कमी उष्णकटिबंधीय पातळीमध्ये जास्त आर्द्रता असणार आहे. त्याचा परिणाम हवामानावर दिसून येणार आहे. याचमुळे पुढील चार दिवस उत्तर भारताच्या विविध भागात दाट धुके राहण्याची शक्यता आहे. तर पूर्व भागात पुढील तीन दिवस किमान तापमानात दोन ते चार अंश सेल्सिअसची वाढ होईल. वायव्य भारतातील बहुतांश भागांमध्ये किमान तापमानात सुमारे दोन अंश सेल्सिअसची घट होऊ शकते. त्यानंतर फारसा बदल होण्याची शक्यता नाही.
अधिक वाचा : नाताळ, नवीन वर्षाचे स्वागत धुमधडाक्यात करा-आरोग्य मंत्री
दरम्यान, आज सकाळी पंजाब, हरियाणा आणि चंदीगडमध्ये अनेक ठिकाणी दाट धुके पडल्याचे पाहायला मिळाले. आज (25 डिसेंबर) पहाटे हिमाचल प्रदेश, दिल्ली, बिहार, पश्चिम बंगाल, सिक्कीम, ओरिसा, आसाम आणि त्रिपुरामध्ये आणखी धुके पडण्याची शक्यता हवामान विभागानं वर्तवली आहे. उत्तर प्रदेश आणि उत्तर राजस्थानमध्ये 25 आणि 26 डिसेंबर रोजी दिवसा आणि रात्री धुके कमी होईल. तर पुढील तीन दिवस पंजाब हरियाणा, चंदीगड आणि दिल्लीच्या काही भागात थंडीची लाट येण्याची शक्यता हवामान विभागाने वर्तवली आहे.
महाराष्ट्रातही तापमानाचा पारा चांगलाच घसरला आहे. कमाल तापमानात घट झाल्यामुळं हुहहुडी वाढली आहे. मुंबईतही थंडी वाढली आहे. याचबरोबर मराठवाड्यासह विदर्भ पश्चिम महाराष्ट्रात तापमानात घट झाल्यानं थंडीचा कडाका वाढला आहे. थंडी वाढल्यानं ठिकठिकाणी शेकोट्या पेटवल्या आहेत. पुढील दोन दिवसांत महाराष्ट्रातील किमान तापमानात दोन ते तीन अंश सेल्सिअसची घसरण होण्याची शक्यता आहे.
बातमीची भावकी
