COVAXIN कोविशिल्ड पाठोपाठ कोवॅक्सिनला WHOची मंजुरी

WHO has granted emergency use listing COVAXIN भारतात तयार झालेल्या कोविशिल्ड (Covishield) पाठोपाठ कोवॅक्सिन (COVAXIN) या कोरोना प्रतिबंधक लसला जागतिक आरोग्य संघटनेची मंजुरी मिळाली.

WHO has granted emergency use listing COVAXIN
COVAXIN कोविशिल्ड पाठोपाठ कोवॅक्सिनला WHOची मंजुरी 
थोडं पण कामाचं
  • COVAXIN कोविशिल्ड पाठोपाठ कोवॅक्सिनला WHOची मंजुरी
  • गरीब देशांना भारताकडून लसीकरण मोहिमेसाठी लसच्या स्वरुपात मदत मिळू शकेल
  • ज्या देशांना पैसे मोजणे शक्य आहे असे देश भारतीय लस खरेदी करू शकतील

WHO has granted emergency use listing COVAXIN । नवी दिल्ली: भारतात तयार झालेल्या कोविशिल्ड (Covishield) पाठोपाठ कोवॅक्सिन (COVAXIN) या कोरोना प्रतिबंधक लसला जागतिक आरोग्य संघटनेची मंजुरी मिळाली. या मंजुरीमुळे आता भारतात तयार झालेल्या कोविशिल्ड आणि कोवॅक्सिन या दोन्ही लस जगभर निर्यात करणे तसेच गरीब देशांना लसीकरण कार्यक्रमासाठी मदत करणे भारताला सोपे होणार आहे. 

ज्या देशांना अद्याप लसचे डोस मिळालेले नाही अशा अनेक गरीब देशांना भारताकडून लसीकरण मोहिमेसाठी लसच्या स्वरुपात मदत मिळू शकेल. तसेच ज्या देशांना पैसे मोजणे शक्य आहे असे देश वाजवी दरात उपलब्ध असलेल्या भारताच्या कोविशिल्ड आणि कोवॅक्सिन या लसची खरेदी करू शकतील. जगात उपलब्ध असलेल्या कोरोना प्रतिबंधक लसच्या पर्यायांपैकी भारतीय पर्याय वाजवी दरात उपलब्ध आहेत. काही लसच्या साठवणुकीचा खर्च मोठा आहे. या तुलनेत भारतीय कंपन्यांच्या लसची साठवणूक करणेही सोपे आणि कमी खर्चिक आहे. यामुळे जगातील अनेक देशांचा कल भारतीय लस उत्पादनांकडे आहे.

पंतप्रधान नरेंद्र मोदी यांनी मार्च २०२१ मध्ये कोवॅक्सिन लसचे दोन डोस घेतले आहेत. आतापर्यंत ऑस्ट्रेलिया, मॉरिशस, ओमान, फिलिपीन्स, नेपाळ, मेक्सिको, इराण, श्रीलंका, ग्रीस, इस्टोनिया, झिम्बाब्वे या देशांनी कोवॅक्सिनला मंजुरी दिली आहे. या पार्श्वभूमीवर कोवॅक्सिनला आपत्कालीन मंजुरी देण्यासाठी जागतिक आरोग्य संघटनेच्या बुधवार ३ नोव्हेंबर २०२१ रोजी झालेल्या बैठकीत आपत्कालीन वापरासाठी कोवॅक्सिनला मंजुरी देण्यात आली. 

हैदराबादच्या भारत बायोटेक कंपनीने कोवॅक्सिन ही कोरोना प्रतिबंधक लस विकसित केली आहे. या लसच्या निर्मिती प्रक्रियेदरम्यान झालेल्या चाचण्यांमध्ये इंडियन काउन्सिल ऑफ मेडिकल रिसर्च (आयसीएमआर / Indian Council of Medical Research / ICMR) आणि नॅशनल इन्स्टिट्युट ऑफ व्हायरॉलॉजी (एनआयव्ही / National Institute of Virology / NIV) या संस्था सहभागी झाल्या होत्या. 

जागतिक आरोग्य संघटनेने इंग्लंड-भारत-दक्षिण कोरियाच्या कोविशिल्ड, चीनच्या कोरोनावॅक आणि बीबीआयबीपी-कोरवी तसेच अमेरिकेतील फायझर आणि जॉन्सन या दोन्ही कंपन्यांच्या लसना मंजुरी दिली होती. यात आता कोवॅक्सिन या भारतीय लसची भर पडली. 

भारतात लसीकरणाने ओलांडला १०७ कोटींचा टप्पा

भारत सरकारने जानेवारी २०२१ मध्येच पुण्याच्या सीरम इन्स्टिट्युट ऑफ इंडियाने (Serum Institute of India - SII) तयार केलेल्या कोविशिल्ड आणि हैदराबादच्या भारत बायोटेक (Bharat Biotech) कंपनीने विकसित केलेल्या कोवॅक्सिन या दोन्ही कोरोना प्रतिबंधक लसना आपत्कालीन वापराची मंजुरी दिली. देशात १६ जानेवारी २०२१ पासून लसीकरण सुरू आहे. आतापर्यंत १०७ कोटी ६३ लाख ५ हजार २९३ कोरोना प्रतिबंधक लसचे डोस टोचण्यात आले आहेत. देशातील ७३ कोटी ९० लाख ३९ हजार ९४१ जणांना लसचा पहिला डोस तर ३३ कोटी ७२ लाख ६५ हजार ३५२ जणांना लसचा दुसरा डोस टोचण्यात आला आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी