दिवसभरातील ५ जबरदस्त बातम्या, १९ जुलै २०१९: आदित्य ठाकरेंचे विधान ते टीम इंडियाच्या निवडीची तारीख जाहीर

लोकल ते ग्लोबल
Updated Jul 19, 2019 | 22:01 IST | टाइम्स नाऊ डिजीटल

Headlines of the day: दिवसभरात अनेक घडामोडी घडतात अशावेळी जर आपल्याला महत्त्वाच्या घडामोडी जाणून घ्यायच्या असतील तर टाइम्स नाऊ मराठीच्या दिवसभरातील ५ जबरदस्त बातम्या पाहा. फक्त एका क्लिकवर...

divasbharatil batmya
दिवसभरातील ५ बातम्या 

मुंबई: आज दिवसभरामध्ये अनेक मोठ्या घडामोडी घडल्या. त्यावर आपण दिवसभरातील ५ जबरदस्त बातम्या या विशेष सदरातून एक नजर टाकूयात. शिवसेनेचे युवासेना अध्यक्ष आदित्य ठाकरे यांनी मुख्यमंत्रीपदाबाबत महत्त्वाचे विधान केले आहे. दरम्यान ते ही यासाठी उत्सुक असल्याचे संकेतच त्यांनी यावेळी दिले. एनकाऊंटर स्पेशालिस्ट प्रदीप शर्मा यांनी आपल्या नोकरीचा राजीनामा दिला आहे. मोबाईल फोनच्या वेडापायी एका तरूणाने आत्महत्या केल्याची खळबळजनक घटना घडली आहे. राजस्थानच्या अल्वरमध्ये मॉब लिंचिंगची घटना घडली आहे. येथील एका दलित तरूणाला गावातील जमावाने जबर मारहाण केली. या मारहाणीत त्याचा मृत्यू झाला. आगामी वेस्ट इंडिज दौऱ्यासाठी टीम इंडियाची २१ जुलैला घोषणा केली जाणार आहे. वेस्ट इंडिजचा दौरा ३ ऑगस्टपासून सुरू होणार आहे. 

  1. 'मला कोणतंही पद नको', म्हणणाऱ्या आदित्य ठाकरे यांचं मुख्यमंत्रीपदाबाबत मोठं विधान - शिवसेनेच्या युवासेना अध्यक्ष आदित्य ठाकरेने मुख्यमंत्रीपदाबाबत मोठे विधान केले आहे. राज्याचा मुख्यमंत्रीनिवडीची जबाबदारी शिवसेना आणि लोकांवर आहे. लोक जी जबाबदारी माझ्यावर सोपवतील ती मला मान्य असेल. त्यामुळे लोकांनी आता ठरवायचं आहे. असं विधान आदित्य ठाकरेंनी केले आहे. यावरून ते मुख्यमंत्रीपदीसाठी उत्सुक असल्याचे एक प्रकारे संकेतच दिले आहेत. आदित्य ठाकरे यांनी जन आशीर्वाद यात्रेची सुरूवात जळगावमधून केली आहे. वाचा संपूर्ण बातमी
  2. एन्काऊंटर स्पेशालिस्ट प्रदीप शर्मांचा राजीनामा, 'या' पक्षाकडून विधानसभा निवडणूक लढविण्याची शक्यता - मुंबई पोलीस विभागातील एनकाऊंटर स्पेशालिस्ट अशी ओळख असलेले जिगरबाज अधिकारी प्रदीप शर्मा यांनी आपल्या नोकरीचा राजीनामा दिला आहे. त्यांनी ४ जुलैला आपला राजीनामा सुपूर्द केला होता. मात्र अद्याप तो स्वीकारला नसल्याची माहिती मिळाली आहे. प्रदीप शर्मा भाजप अथवा शिवेसेनेच्या तिकीटावरून निवडणूक लढवण्यासाठी उत्सुक असल्याचेही कळते. सविस्तर बातमी वाचा.
  3. मोबाईल फोनचा नाद भोवला, केली तरूणाने आत्महत्या - मोबाईल फोनच्या वेडापायी हवेली तालुक्यातील पेरणेफाटा येथे एका तरूणाने आत्महत्या केल्याची धक्कादायक घटना घडली आहे. दिवाकर उर्फ संतोष माळी असं या तरूणाचे नाव आहे. त्याला मोबाईल गेमचे वेड होते. तो सतत मोबाईलवर गेम खेळत असे. तो कॉलेजलाही जात नसे. यातूनच त्याने ही आत्महत्या केल्याचे समजते. संपूर्ण बातमी वाचण्यासाठी क्लिक करा.
  4. राजस्थान: अल्वरमध्ये आणखी एक मॉब लिंचिंगची घटना, तरूणाची हत्या - राजस्थानच्या अल्वरमध्ये मॉब लिंचिंगची आणखी एक दुर्घटना घडली आहे. जिल्ह्यातील थलसा गावात हरीश जाटव नावाच्या व्यक्तीला गावातील जमावाने इतकी मारहाण केली की उपचारादरम्यान त्याचा मृत्यू झाला. राजस्थानात घडलेली ही काही पहिलीच घटना नाही. याआधीही अनेक घटना घडल्या आहेत. सविस्तर वाचण्यासाठी क्लिक करा
  5. या दिवशी होणार टीम इंडियाची वेस्ट इंडिज दौऱ्यासाठी घोषणा - वेस्ट इंडिज दौऱ्यासाठी टीम इंडियाची २१ जुलैला घोषणा केली जाणार आहे. याआधी ही निवड १९ जुलैला होणार होती. मात्र बीसीसीआयची निवड समिती २१ जुलैला याची घोषणा करणार आहे. ३ ऑगस्टपासून टीम इंडिया वेस्ट इंडिज दौऱ्यावर जाणार आहे. यात ३ टी-२०, ३ वनडे आणि दोन कसोटी सामने खेळवले जाणार आहेत. दरम्यान, धोनीच्या निवडीबाबतही साऱ्यांनाच उत्सुकता लागून राहिली आहे. वाचा सविस्तर बातमी

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी
दिवसभरातील ५ जबरदस्त बातम्या, १९ जुलै २०१९: आदित्य ठाकरेंचे विधान ते टीम इंडियाच्या निवडीची तारीख जाहीर Description: Headlines of the day: दिवसभरात अनेक घडामोडी घडतात अशावेळी जर आपल्याला महत्त्वाच्या घडामोडी जाणून घ्यायच्या असतील तर टाइम्स नाऊ मराठीच्या दिवसभरातील ५ जबरदस्त बातम्या पाहा. फक्त एका क्लिकवर...
loadingLoading...
loadingLoading...
loadingLoading...