दिवसभरातील ५ जबरदस्त बातम्या, १५ जानेवारी २०२१: ५वी ते ८वीच्या शाळा सुरू होणार ते अपघातात ११ जणांचा मृत्यू

दिवसभरातील ५ जबरदस्त बातम्या  |  फोटो सौजन्य: Times Now

मुंबई: Top 5 News of the Day 15 January 2021: आज दिवसभरामध्ये अनेक मोठ्या घडामोडी घडल्या. त्यावर आपण दिवसभरातील ५ जबरदस्त बातम्या (Top 5 News) या विशेष सदरातून एक नजर टाकूयात... आज सगळ्यात महत्त्वाची आणि पहिली बातमी विद्यार्थ्यांसाठी खूपच महत्वाची आहे कारण राज्यातील पाचवी ते आठवी पर्यंतच्या शाळा सुरू होणार आहेत. मुख्यमंत्री आणि शिक्षण विभागाच्या बैठकीत हा निर्णय घेण्यात आला आहे. दुसरी बातमी गोव्याला जाणाऱ्या पर्यटकांच्या गाडीला भीषण अपघात झाला आहे. या अपघातात ११ जणांचा मृत्यू झाला आहे. तिसरी बातमी धनंजय मुंडे प्रकरणाची चौकशी महिला एसपी करणार असल्याचे संकेत राष्ट्रवादी काँग्रेस पक्षाचे अध्यक्ष शरद पवारांनी दिले आहेत. चौथी बातमी राज्यातील विविध भागांत पक्षी मृतावस्थेत आढळण्याचे अनेक प्रकार समोर येत आहेत. यानंतर आता राज्य सरकारने एक टोल फ्री क्रमांक सुरू केला आहे. पाचवी आणि शेवटची बातमी म्हणजे शेतकरी संघटना आणि केंद्र सरकार यांच्यातील चर्चेच्या आज झालेल्या फेरीतही कोणताही तोडगा निघालेला नाहीये.

बातमीची भावकी

उद्या कोरोना लसीकरणाचा शुभारंभ, राज्यात २८५ लसीकरण केंद्रावर तयारी पूर्ण

Covid-19 Maharashtra Report: आज ३,५०० रुग्ण कोरोनामुक्त, रिकव्हरी रेट ९४.७८%

कोविन अॅप डाऊनलोड करणे टाळा - आरोग्यमंत्री

1. विद्यार्थ्यांसाठी महत्वाची बातमी, राज्यातील ५वी ८वीचे वर्ग 'या' तारखेपासून सुरू होणार : राज्यातील शाळा कधी सुरू होणार असा प्रश्न सातत्याने विचारण्यात येत होता. आता अखेर शिक्षण मंडळ आणि राज्य सरकारने शाळा सुरू करण्याचा निर्णय घेतला आहे. महाराष्ट्रात कोरोनाचा प्रादुर्भाव कमी होत असून राज्य कोरोनामुक्तीकडे वाटचाल करत आहे. ही परिस्थिती लक्षात घेऊन आता राज्यातील पाचवी ते आठवी पर्यंतचे वर्ग सुरू करण्याचा निर्णय घेण्यात आला आहे. सविस्तर बातमीसाठी या लिंकवर क्लिक करा.
2. गोव्याला जाणाऱ्या पर्यटकांवर काळाचा घाला, भीषण अपघातात ११ जण जागीच ठार : पुणे- बंगळुरू राष्ट्रीय महामार्गावर भीषण दुर्घटना घडली आहे. धारवाड राष्ट्रीय महामार्गावर मिनी बस आणि ट्रकचा भीषण अपघात झाला आहे.  या अपघातात ११ जण जागीच ठार झाल्याचे वृत्त समोर आले आहे. तर आणखी काही प्रवासी जखमी झाले आहे. सविस्तर बातमीसाठी या लिंकवर क्लिक करा.
3. धनंजय मुंडे प्रकरणी महिला SP चौकशी करेल, पवारांनी दिले संकेत : महाराष्ट्राचे सामाजिक न्यायमंत्री आणि राष्ट्रवादी काँग्रेस पक्षाचे नेते धनंजय मुंडे यांच्यावर गंभीर आरोप झाले आहेत. हे आरोप करणाऱ्या इतर काही गोष्टी पुढे आल्या आहेत. आता हे प्रकरण पोलिसांत गेले आहे. यामुळे पोलीस चौकशी नंतरच धनंजय मुंडे यांच्या राजीनाम्याबाबत योग्य तो निर्णय होईल असं शरद पवारांनी म्हटलं आहे. सविस्तर बातमीसाठी या लिंकवर क्लिक करा.
4. मृत पक्षी आढळल्यास टोल फ्री नंबरवर फोन करा! : कोरोना संकटातून सावरत असलेल्या महाराष्ट्रात बर्ड फ्लू या आजाराने प्रवेश केला आहे. बर्ड फ्लू दाखल झाल्याचे लक्षात येताच राज्याची यंत्रणा सावध झाली आहे. राज्यातील कोणत्याही गावांत पक्षी जमीनीवर मृतावस्थेत पडलेले आढळले तर स्थानिकांनी टोल फ्री नंबरवर संपर्क साधावा, असे आवाहन सरकारी यंत्रणेने केले आहे. सविस्तर बातमीसाठी या लिंकवर क्लिक करा.   
5. आजच्या बैठकीतही तोडगा नाहीच, १९ जानेवारीला पुन्हा बैठक होणार : शेतकरी आंदोलनावर तोडगा काढण्यासाठी सरकारचे प्रयत्न सुरू आहेत. यासाठी शेतकरी संघटनांसोबत केंद्र सरकारच्या बैठका सुरू आहेत. आज शेतकरी संघटना आणि केंद्र सरकार यांच्यात बैठकीची ९वी फेरी पार पडली मात्र, ही बैठकही निष्फळ ठरली. शेतकरी आणि सरकार यांच्यात झालेल्या बैठकीत तोडगा निघू शकलेला नाहीये. सविस्तर बातमीसाठी या लिंकवर क्लिक करा.