दिवसभरातील ५ जबरदस्त बातम्या, १९ फेब्रुवारी २०२१: सोने-चांदी झाले स्वस्त ते राज्यातील रुग्णांच्या संख्येत वाढ

Headlines of the 19 February 2021: दिवसभरात अनेक घडामोडी घडतात अशावेळी जर आपल्याला महत्त्वाच्या घडामोडी जाणून घ्यायच्या असतील तर टाइम्स नाऊ मराठीच्या दिवसभरातील ५ जबरदस्त बातम्या पाहा. फक्त एका क्लिकवर...

big headline jabardast 5 news of day
दिवसभरातील ५ जबरदस्त बातम्या  |  फोटो सौजन्य: Times Now

थोडं पण कामाचं

  • दिवसभरातील पाच महत्त्वाच्या बातम्या खास आपल्यासाठी
  • मोठ्या घडामोडींचा आढावा फक्त ५ जबरदस्त बातम्यांमधून
  • जगभरातील बातम्यांसह राज्यातील घडामोडींवर एक नजर

मुंबई: Top 5 News of the Day 19 February 2021: आज दिवसभरामध्ये अनेक मोठ्या घडामोडी घडल्या. त्यावर आपण दिवसभरातील ५ जबरदस्त बातम्या (Top 5 News) या विशेष सदरातून एक नजर टाकूयात... आज सगळ्यात महत्त्वाची आणि पहिली बातमी राज्यातील कोरोना बाधितांच्या संख्येत गेल्या अनेक दिवसांपासून वाढ होत आहे. आज राज्यात कोरोना बाधितांच्या संख्येत मोठी वाढ झाल्याचं पहायला मिळालं. दुसरी बातमी राज्यात कोरोनाचा वाढता प्रादुर्भाव लक्षात घेता आता अनेक जिल्ह्यांत, शहरांत कोविड नियमांची कडक अंमलबजावणी करण्यास सुरुवात करण्यात आली आहे. तिसरी बातमी पूजा चव्हाण आत्महत्या प्रकरणावरुन भाजप नेत्या चित्रा वाघ यांनी आक्रमक होत पुन्हा एकदा सरकारवर निशाणा साधला आहे. चौथी बातमी मोदी सरकारने लाखो सरकारी कर्मचारी आणि पेन्शनधारकांच्या हितामध्ये एक महत्त्वाचा निर्णय घेतला आहे. पाचवी आणि शेवटची बातमी सोने आणि चांदीच्या भावात घसरण सुरूच असल्याचं पहायला मिळत आहे.

  1. राज्यातील रुग्णांच्या संख्येत मोठी वाढ : महाराष्ट्रात आज २,१५९ रुग्ण बरे होऊन घरी, राज्यात आजपर्यंत एकूण १९,८९,९६३ करोना बाधित रुग्ण बरे होऊन घरी.  यामुळे राज्यातील रुग्ण बरे होण्याचे प्रमाण ९५.३२% एवढे झाले आहे. आज राज्यात ६,११२ नवीन रुग्णांचे निदान झाले. राज्यात आज ४४ करोना बाधित रुग्णांच्या मृत्यूंची नोंद झाली आहे. सविस्तर बातमीसाठी या लिंकवर क्लिक करा.
  2. अमरावतीनंतर आता 'या' जिल्ह्यात शनिवारी रात्री ८ ते सोमवारी सकाळी ८ पर्यंत संचारबंदी : वर्धा शहर आणि ग्रामीण भागांमध्ये दिवसेंदिवस कोरोना विषाणूचा प्रादुर्भाव मोठ्या प्रमाणात वाढत असल्याने आणि त्यांची रुग्णसंख्या नियंत्रणासाठी तसेच कोरोना विषाणूच्या संक्रमणाची साखळी तोडण्याकरीता कोरोना चाचणी, लक्षणे असलेल्या व्यक्तीबाबत विलगीकरण, दंडात्मक कारवाई करण्याची कार्यवाही सुरू आहे. उपाययोजना म्हणून आठवड्यातील शनिवारी रात्री ८ वाजल्यापासून ते सोमवारी सकाळी ८ वाजेपर्यंत संचारबंदी लागू केली आहे. सविस्तर बातमीसाठी या लिंकवर क्लिक करा.
  3. 'मुख्य आरोपी बेपत्ता आहेत' तर अहवाल बनलाच कसा? : पूजा चव्हाण आत्महत्या प्रकरणाचा अहवाल पोलिसांनी पोलीस महासंचालकांनी राज्य सरकारकडे आणि महिला आयोगाकडे पाठवला आहे. यावर भाजप नेत्या चित्रा वाघ यांनी ट्विटरवर एक व्हिडिओ शेअर करत प्रश्न उपस्थित केला आहे. चित्रा वाघ म्हणाल्या, संजय राठोड यांची चौकशी न करता अहवाल अहवाल सादर झालाच कसा? किंवा अहवाल बनलाच कसा? असा सवाल त्यांनी उपस्थित केलां आहे. सविस्तर बातमीसाठी या लिंकवर क्लिक करा.
  4. 7th Pay Commission: मोदी सरकारने बदलला पेन्शनचा हा नियम : मोदी सरकारने लाखो सरकारी कर्मचारी आणि पेन्शनधारकांच्या हितामध्ये एक महत्त्वाचा निर्णय घेतला आहे. केंद्र सरकारने फॅमिली पेन्शन भरण्याच्या नियमांमध्ये सुधारणा करताना फॅमिली पेन्शन भरणा मर्यादा ४५ हजार रूपयांवरून वाढवून १,२५,००० रूपये प्रति महिना केली आहे. याची माहिती केंद्रीय राज्य मंत्री जितेंद्र सिंग यांनी दिली. सविस्तर बातमीसाठी या लिंकवर क्लिक करा.
  5. सोने झाले स्वस्त, चांदीची किंमत घसरली, जाणून घ्या संध्याकाळचा भाव : शुक्रवारी सोन्या-चांदीच्या किंमती खाली आल्या. एचडीएफसी सिक्युरिटीजच्या म्हणण्यानुसार दिल्लीतील 24 कॅरेट सोन्याच्या किंमतीत प्रति 10 ग्रॅम 239 रुपयांनी घट झाली आहे. यामुळे राष्ट्रीय राजधानीत सोन्याचे दर प्रति 10 ग्रॅम 45,568 रुपये राहिले. सिक्युरिटीजच्या म्हणण्यानुसार मागील सत्रात सोन्याची किंमत प्रति 10 ग्रॅम 45,807 रुपये होती. सविस्तर बातमीसाठी या लिंकवर क्लिक करा.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी