दिवसभरातील ५ जबरदस्त बातम्या, २१ फेब्रुवारी २०२१: लॉकडाऊनबाबत मुख्यमंत्र्यांचं भाष्य ते कोरोनाचा संसर्ग वाढला

दिवसभरातील ५ जबरदस्त बातम्या 

मुंबई: Top 5 News of the Day 21 February 2021: आज दिवसभरामध्ये अनेक मोठ्या घडामोडी घडल्या. त्यावर आपण दिवसभरातील ५ जबरदस्त बातम्या (Top 5 News) या विशेष सदरातून एक नजर टाकूयात... आज सगळ्यात महत्त्वाची आणि पहिली बातमी राज्यात कोरोना बाधितांची वाढती संख्या लक्षात घेता अनेक जिल्ह्यांत निर्बंध लावण्यात आले आहेत. याच दरम्यान मुख्यमंत्री उद्धव ठाकरे यांनी जनतेशी संवाद साधला आहे. दुसरी बातमी अमरावतीमध्ये कोरोना बाधितांची वाढती संख्या लक्षात घेत एका आठवड्याचा लॉकडाऊन जाहीर करण्यात आला आहे. तिसरी बातमी पुणे जिल्ह्यातील कोरोना बाधितांच्या संख्येत वाढ होत असल्याने तेथे नाईट कर्फ्यूसह इतर निर्बंध लावण्यात आले आहेत. चौथी बातमी राज्यात आज पुन्ही कोरोना बाधितांच्या संख्येत मोठी वाढ झाली आहे. पाचवी आणि शेवटची बातमी गेल्या सहा महिन्यांत सोने आणि चांदीच्या भावात मोठी घसरण झाली आहे.

1. राज्यात लॉकडाऊन लावणार का? पाहा मुख्यमंत्री काय म्हणाले... : मुख्यमंत्री उद्धव ठाकरे जनतेला संबोधित केलं. यावेळी मुख्यमंत्र्यांनी सर्व नागरिकांना नियमांचे पालन करण्याचे आणि शिस्त पाळण्याचे आवाहन केले आहे. तसेच पुढील आठ दिवसांत परिस्थिती पाहून लॉकडाऊन संदर्भात निर्णय घेण्यात येणार असल्याचंही मुख्यमंत्री म्हणाले. सविस्तर बातमीसाठी या लिंकवर क्लिक करा. 
2. अमरावतीमध्ये एका आठवड्यासाठी लॉकडाऊन : मरावती महानगरपालिका क्षेत्र आणि अचलपूर नगरपालिका क्षेत्रात २२ फेब्रुवारी २०२१ रोजीच्या रात्री आठ वाजल्यापासून ते १ मार्चच्या सकाळी सहावाजेपर्यंत ही संचारबंदी लागू असणार आहे. वैद्यकीय आणि जीवनावश्यक सेवांना यामधून सूट देण्यात आली आहे.  अमरावतीच्या पालकमंत्री यशोमती ठाकूर यांनी ही माहिती दिली आहे. सविस्तर बातमीसाठी या लिंकवर क्लिक करा.
3. पुणे जिल्ह्यातील शाळा, कॉलेज २८ फेब्रुवारीपर्यंत बंद, नाईट कर्फ्यू लागू : पुणे जिल्ह्यात कोरोनाच्या वाढत्या रुग्णांमुळे २८ फेब्रुवारीपर्यंत शाळा, कॉलेजेस बंद ठेवण्याचा निर्णय घेण्यात आला आहे. तसेच रात्री ११ ते सकाळी ६ वाजेपर्यंत संचारबंदी लागू करण्यात आली आहे. सविस्तर बातमीसाठी या लिंकवर क्लिक करा.
4. आज राज्यात ६,९७१ नवीन रुग्णांचे निदान : महाराष्ट्रात आज २,४१७ रुग्ण बरे होऊन घरी, राज्यात आजपर्यंत एकूण १९,९४,९४७ करोना बाधित रुग्ण बरे होऊन घरी.  यामुळे राज्यातील रुग्ण बरे होण्याचे प्रमाण ९४.९६% एवढे झाले आहे. आज राज्यात ६,९७१ नवीन रुग्णांचे निदान झाले आहे. राज्यात आज ३५ करोना बाधित रुग्णांच्या मृत्यूंची नोंद झाली आहे. सविस्तर बातमीसाठी या लिंकवर क्लिक करा.
5. सोने, चांदी सहा महिन्यांत झाले स्वस्त : सोने आणि चांदी हे दोन्ही मौल्यवान धातू सहा महिन्यांत स्वस्त झाले आहेत. वायदे बाजारात सोने आणि चांदी या दोन्ही मौल्यवान धातूंच्या किंमतीत घट झाली आहे. सविस्तर बातमीसाठी या लिंकवर क्लिक करा.