Rahul Gandhi यांची खासदारकी जाणार का?, मानहाणी केसप्रकरणी दोन वर्षांची शिक्षा

Rahul Gandhi यांची खासदारकी जाणार का?, मानहाणी केसप्रकरणी दोन वर्षांची शिक्षा  |  फोटो सौजन्य: BCCL

मुंबई : सूरत न्यायालयाने गुरुवारी (23 मार्च) काँग्रेस खासदार राहुल गांधी यांना 'मोदी' आडनावाबाबत बदनामी प्रकरणात दोन वर्षांच्या तुरुंगवासाची शिक्षा सुनावली. हा निकाल देताना न्यायालयाने राहुल गांधी यांना गुन्हेगारी मानहानीच्या प्रकरणात दोषी ठरवले आहे. या निर्णयामुळे राहुल गांधी यांची खासदारकी धोक्यात आली आहे. (Will Rahul Gandhi's MP be revoked?, two years in the defamation case)

अधिक वाचा : राज ठाकरेंचा इशारा अन् 12 तासांत अनधिकृत बांधकामावर हातोडा

सुनावणीदरम्यान राहुल गांधी यांनी न्यायालयाला सांगितले की, माझा हेतू चुकीचा नव्हता. त्यांच्या वक्तव्यामुळे कोणाचेही नुकसान झालेले नाही. या प्रकरणी त्यांनी स्वत:ला कमी शिक्षा देण्याची मागणी केली आहे. राहुल गांधी त्यांच्या एका आक्षेपार्ह टिप्पणीबद्दल गुन्हा दाखल करण्यात आला होता. मात्र, आता या प्रकरणात राहुललाही जामीन मिळाला आहे. सुनावणीदरम्यान त्यांनी आपल्या वक्तव्याबद्दल माफी मागण्यास नकार दिला.

अधिक वाचा : ट्रेनमधील AC-3 इकॉनॉमी तिकीट झाले स्वस्त

काय आहे संपूर्ण प्रकरण?

2019 च्या लोकसभा निवडणुकीत कर्नाटकातील कोलार येथे एका सभेत राहुल गांधी म्हणाले होते की सर्व चोरांचे आडनाव मोदी का आहे? या कमेंटवरून बराच गदारोळ झाला होता. त्यानंतर भाजपचे आमदार आणि गुजरातचे माजी मंत्री पूर्णेश मोदी यांनी या टिप्पणीवर मानहानीचा गुन्हा दाखल केला आहे. राहुल गांधींचे वक्तव्य संपूर्ण मोदी समाजाचा अपमान करणारे असून संपूर्ण मोदी समाजाची बदनामी करणारे आहे, असे म्हटले होते.

अधिक वाचा : भारतात कोरोनाचा नवा वॅरिएंट XBB1.16 पसरतोय पाय

संसदेच्या नियमानुसार जर एखाद्या खासदाराला किंवा आमदाराला दोन वर्षांपेक्षा जास्त शिक्षा सुनावली गेल्यास त्याचे सदस्यत्व रद्द होते. परंतू राहुल गांधी यांना दोन वर्षेच शिक्षा झाल्याने त्यांची खासदारकी वाचली आहे. जर राहुल गांधी यांना एक दिवसही अधिकची शिक्षा झाली असती तर खासदारकी जाऊ शकली असती. न्यायालयाने त्यांना जामिन दिला आहे. तसेच न्यायालयाने शिक्षेला ३० दिवसांची स्थगिती दिली आहे. या शिक्षेविरोधात राहुल गांधी उच्च न्यायालयात जाऊ शकणार आहेत.