International Yoga Day 2022 : "योग पार्ट ऑफ लाइफ नाही, वे ऑफ लाइफ बनत आहे', म्हैसूर पॅलेसमधून पंतप्रधान मोदींचा संदेश
देशासह जगभरात आज 21 जून रोजी आंतरराष्ट्रीय योग दिवस (International Yoga Day) अतिशय उत्साहात साजरा केला जात आहे. या आंतरराष्ट्रीय योग दिनानिमित्त पंतप्रधान नरेंद्र मोदी कर्नाटकात आहेत. म्हैसूरमधील (Mysore) एका कार्यक्रमात सहभागी होऊन त्यांनी जनतेला संबोधित केले.
योग पार्ट ऑफ लाइफ नाही, वे ऑफ लाइफ बनत आहे-पंतप्रधान मोदी | फोटो सौजन्य: ANI
थोडं पण कामाचं
- योग दिनाचा कार्यक्रम सकाळी 6.30 वाजता सुरू झाला, पंतप्रधान नरेंद्र मोदी (PM Modi Yoga Day) सकाळी 6.30 वाजता येथे पोहोचले.
- 8 व्या आंतरराष्ट्रीय योग दिनानिमित्त पंतप्रधान मोदींनी लोकांना शुभेच्छा दिल्या.
PM Modi Speech: देशासह जगभरात आज 21 जून रोजी आंतरराष्ट्रीय योग दिवस (International Yoga Day) अतिशय उत्साहात साजरा केला जात आहे. या आंतरराष्ट्रीय योग दिनानिमित्त पंतप्रधान नरेंद्र मोदी कर्नाटकात आहेत. म्हैसूरमधील (Mysore) एका कार्यक्रमात सहभागी होऊन त्यांनी जनतेला संबोधित केले. 8 व्या आंतरराष्ट्रीय योग दिनानिमित्त पंतप्रधान मोदींनी लोकांना शुभेच्छा दिल्या. यावेळी पीएम मोदींनी योगाचे महत्त्व सांगितले. योगामुळे जगात शांतता नांदते, असे ते म्हणाले.
बातमीची भावकी
योग दिनाचा कार्यक्रम सकाळी 6.30 वाजता सुरू झाला, पंतप्रधान नरेंद्र मोदी (PM Modi Yoga Day) सकाळी 6.30 वाजता येथे पोहोचले. त्यांच्यासोबत केंद्रीय मंत्री सर्बानंद सोनोवाल आणि कर्नाटकचे मुख्यमंत्री बसवराज बोम्मई यांच्यासह अनेक मान्यवरही येथे पोहोचले. या कार्यक्रमातील आपल्या भाषणात पंतप्रधान मोदी म्हणाले की, म्हैसूरसारख्या भारतातील आध्यात्मिक केंद्रांनी शतकानुशतके जो योग-ऊर्जा जोपासली आहे, ती योग ऊर्जा आज जागतिक आरोग्याला दिशा देत आहे. आज योग हा जागतिक सहकार्याचा परस्पर आधार बनत आहे. आज योगामुळे मानवाला निरोगी जीवनाचा विश्वास मिळत आहे.
'योगामुळे जगात शांतता'
पंतप्रधान म्हणाले की, यावेळी आंतरराष्ट्रीय योग दिनाची थीम #YogaForHumanity आहे. या थीमद्वारे योगाचा संदेश संपूर्ण मानवजातीपर्यंत पोहोचवल्याबद्दल मी संयुक्त राष्ट्र आणि सर्व देशांचे मनःपूर्वक आभार मानतो. योगाचे महत्त्व सांगताना पीएम मोदी म्हणाले की योगामुळे आपल्याला शांती मिळते. योगाद्वारे शांती केवळ व्यक्तींनाच मिळते असे नाही, तर योगामुळे आपल्या समाजात शांतता येते. योगामुळे आपल्या राष्ट्रांना आणि जगाला शांती मिळते. योगामुळे आपल्या विश्वाला शांती मिळते.
“Guardian Ring of Yoga” चा असा अभिनव वापर आंतरराष्ट्रीय स्तरावर जगभरात केला जात असल्याचे पंतप्रधान यावेळी म्हणाले. सूर्योदयासह, सूर्याच्या हालचालीसह, जगातील विविध देशांमध्ये लोक योग करत आहेत. सर्वे भवन्तु सुखिनः, सर्वे संतु निरामया या भावनेने योगाद्वारे आम्ही निरोगी आणि शांत जगाला गती देऊ. शाश्वत भविष्याच्या दिशेने योगाचा हा शाश्वत प्रवास असाच सुरू राहील, असेही पंतप्रधान यावेळी म्हणाले.