मुजफ्फरपुर : बोचनमध्ये आरजेडीच्या अमर पासवान यांनी भाजपच्या बेबी कुमारी यांचा ३६६५३ मतांनी पराभव केला. अमर पासवान यांनी भाजपच्या बेबी कुमारी यांचा ३६,००० हून अधिक मतांनी पराभव केला, व्हीआयपीच्या गीता कुमारी तिसऱ्या स्थानावर, तर काँग्रेस सहाव्या स्थानावर आहे. येथे मतमोजणीच्या एकूण 25 फेऱ्या पार पडल्या, ज्यामध्ये आरजेडीचे उमेदवार अमर पासवान यांना 82562 मते मिळाली. भाजपच्या बेबी कुमारी यांना 45909 आणि व्हीआयपीच्या गीता कुमारी यांना 29279 मते मिळाली.

कोलकात्ता :  बंगालच्या पोटनिवडणुकीत तृणमूल काँग्रेसची आघाडी होताना दिसत आहे. आसनसोलमधून शत्रुघ्न सिन्हा आघाडीवर आहेत. त्याचबरोबर माजी केंद्रीय मंत्री बाबुल सुप्रियो यांनीही बल्लीगंगे विधानसभा मतदारसंघातून आघाडी कायम ठेवली आहे. तर डाव्या उमेदवार सायरा शाह हलीम बल्लीगंगे मतदारसंघातून दुसऱ्या क्रमांकावर आहेत. दुपारी 1 च्या सुमारास आसनसोल लोकसभा मतदारसंघातून शत्रुघ्न सिन्हा 1 लाख 35 हजारांहून अधिक मतांनी आघाडीवर होते. त्याच वेळी, दुपारी 1 नंतर मतमोजणीच्या 17 व्या फेरीनंतर बाबुल सुप्रियो 15,386 मतांनी पुढे होते. आसनसोलमध्ये सातपैकी पाच विधानसभा मतदारसंघांत तृणमूल आघाडीवर आहे. 

रशियाकडून भारताला S-400च्या दुसऱ्या स्क्वाड्रनचा पुरवठा होणार

रशिया आणि युक्रेन यांच्यात लढाई सुरू आहे. ही लढाई सुरू असली तरी रशियाकडून भारताला करारानुसार शस्त्रपुरवठा सुरळीत सुरू आहे. नियोजीत वेळापत्रकानुसार रशियाकडून एप्रिल (एप्रिल २०२२) महिन्याच्या अखेरपर्यंत भारताला S-400च्या दुसऱ्या स्क्वाड्रनशी संबंधित महत्त्वाच्या यंत्रणेचा पुरवठा होईल.

उत्तर कोल्हापूरच्या पोटनिवडणुकीत काँग्रेसच्या जयश्री जाधव विजयी

उत्तर कोल्हापूर विधानसभा मतदारसंघाच्या पोटनिवडणुकीत काँग्रेसच्या उमेदवार जयश्री जाधव यांचा विजय झाला. जयश्री जाधव यांना ९६ हजार २२६ मते मिळाली तर भारतीय जनता पार्टीचे उमेदवार सत्यजित कदम यांना ७७ हजार ४२६ मते मिळाली.

मध्य रेल्वे मुख्य मार्गावरील वाहतूक रविवारच्या वेळापत्रकानुसार सुरू, अपघाताचा फटका

दादर आणि माटुंगा दरम्यान शुक्रवार १५ एप्रिल २०२२ रोजी रात्री चालुक्य एक्सप्रेस आणि गदग एक्सप्रेस यांची धडक झाली. या अपघातात चालुक्य एक्सप्रेसचे तीन डबे रुळावरून उतरले. अपघातामुळे मध्य रेल्वे मुख्य मार्गावरील वाहतूक विस्कळीत झाली. मध्य रेल्वे प्रशासनाने छत्रपती शिवाजी महाराज टर्मिनस ते कर्जत/खोपोली आणि छत्रपती शिवाजी महाराज टर्मिनस ते कसारा ही मुख्य मार्गावरील वाहतूक आज (शनिवार १६ एप्रिल २०२२) आणि उद्या (रविवार १७ एप्रिल २०२२) असे सलग दोन दिवस रविवारच्या वेळापत्रकानुसार चालविण्याचा निर्णय घेतला आहे.

एसटी महामंडळाच्या ३४ हजार कर्मचाऱ्यांचा संप अद्याप सुरू

एसटी महामंडळाच्या ८१ हजार ६८३ कर्मचाऱ्यांपैकी ३४ हजार कर्मचारी अद्याप संपावर आहेत. यात चालक आणि वाहक कर्मचारी यांची संख्या लक्षणीय आहे.

कोल्हापूर उत्तर विधानसभा मतदारसंघाच्या पोटनिवडणुकीत अठराव्या फेरीअखेर जयश्री जाधवांकडे १३ हजार ८५५ मतांची आघाडी

कोल्हापूर उत्तर विधानसभा मतदारसंघाच्या पोटनिवडणुकीत चौदाव्या फेरीअखेर जयश्री जाधवांकडे १२ हजार २६६ मतांची आघाडी

कोल्हापूर उत्तर विधानसभा मतदारसंघाच्या पोटनिवडणुकीत अकराव्या फेरीत जयश्री जाधव ११४ मतांनी आघाडीवर. अकराव्या फेरीत जयश्री जाधव यांना २८७० तर सत्यजित कदमांना २७५६ मते.

आसनसोलमध्ये शत्रुघ्न सिन्हा सध्या भाजप आणि तृणमूल काँग्रेस यांच्यातील निकराच्या लढतीत पुढे आहेत. दुसरीकडे भाजपच्या अग्निमित्र पॉल आता मागे पडले आहेत. काही काळापूर्वी पॉल शत्रुघ्न सिन्हा यांच्यावर आघाडीवर होता. तर बल्लीगंगेमध्ये बाबुल आघाडीवर आहे तर कीया घोष पिछाडीवर आहे.

कोल्हापूर : सातव्या फेरीत काँग्रेसच्या जयश्री जाधव यांना ३६३२ मते तर भाजपच्या सत्यजीत कदम यांना २४३१ मते मिळाली असून सातव्या फेरीअखेर जयश्री जाधव यांना १७१७ मतांची आघाडी आहे. .

पाचव्या फेरीअखेर काँग्रेसच्या जयश्री जाधव ६७५८ मतांनी आघाडीवर

कोल्हापूर : कोल्हापूर उत्तरच्या पोट निवडणुकीच्या मतमोजणीत दुसऱ्या फेरीमध्ये भाजपच्या उमेदवाराला २५१३ मते तर काँग्रेसच्या उमेदवाराला ५५१५ मते...

कोल्हापूर : कोल्हापूर उत्तर विधानसभा पोटनिवडणुकीची मतमोजणी सरनोबतवाडी येथील शासकीय गोदामात सकाळी आठ वाजता सुरुवात झाली. एकूण पंधरा टेबलवर मतमोजणी होत आहे. १४ टेबलवर ईव्हीएमची तर एका टेबलवर टपाली मतमोजणी सुरु झाली आहे.

कोल्हापूर : संपूर्ण राज्याचे लक्ष लागून राहिलेल्या कोल्हापूर उत्तर विधानसभा पोटनिवडणुकीसाठी आज मतदानाला सुरुवात झाली आहे. या निवडणुकीत पालकमंत्री सतेज पाटील आणि भाजपचे प्रदेशाध्यक्ष चंद्रकांत पाटील यांची प्रतिष्ठा पणाला लागली आहे. मतमोजणी १६ एप्रिल रोजी होणार आहे. चंद्रकांत जाधव यांच्या निधनामुळे होत असलेल्या या पोटनिवडणुकीत महाविकास आघाडीने जयश्री जाधव, तर भाजपने सत्यजित कदम यांना उमेदवारी दिली आहे.

मुंबई : निवडणूक आयोगाने एक लोकसभा आणि चार विधानसभा जागांच्या पोटनिवडणुकीतील मतमोजणी सकाळी ८ वाजल्यापासून सुरू होणार आहे. निकालापूर्वी जागांचे कल समोर येतील. सीट ट्रेंड आणि निकाल https://results.eci.gov.in/ वर पाहता येतील.

मुंबई : सर्वांच्या नजरा पश्चिम बंगालमधील आसनसोल लोकसभा आणि बालीगंगे विधानसभा जागा, छत्तीसगडमधील खैरागड विधानसभा जागा, बिहारमधील बोचाहा विधानसभा जागा आणि महाराष्ट्रातील कोल्हापूर उत्तर विधानसभा मतदारसंघावर आहेत. विशेष म्हणजे पश्चिम बंगालमध्ये टीएमसीसाठी दोन्ही जागा महत्त्वाच्या आहेत, तर भाजपसाठी त्या महत्त्वाच्या आहेत कारण बाबुल सुप्रियो यांनी भाजपच्या तिकिटावर निवडणूक जिंकली होती. पण आता ते भाजपचा भाग नाहीत. तसेच बोचहान जागेवर मुकेश साहनी यांची प्रतिष्ठा पणाला लागली आहे.