Daily News Update: दिवसभरातील महत्वाच्या घडामोडी; रोहित पाटलांना राष्ट्रवादीत मोठी जबाबदारी मिळणार?

अवघ्या 23 वर्षाच्या रोहित पाटील यांनी विरोधकांनाही धोबीपछाड देत कवठे-महाकाळ नगर पंचायत आपल्या ताब्यात मिळवली. त्यामुळे राजकीय वर्तुळात आणि सर्वसामान्यांना रोहित पाटील यांची ओळख झाली आहे. नगर पंचायतीत केलेल्या कामगिरीमुळे रोहित पाटील यांना पक्षाकडून मोठी जबाबदारी दिली जाण्याचे संकेत आमदार रोहित पवार यांनी आज दिले आहेत.

रोहित पाटीलसारखी मुलं विधानसभेत येणं गरजेचं आहे. त्यांचं वय कमी असेल त्यामुळे गेल्यावेळी त्यांना संधी दिली नसेल. मात्र, वय झालं की पक्ष नक्की विचार करेल, येत्या काळात पक्ष संधी देईल असा मला विश्वास आहे, असे रोहित पवार यांनी एका वृत्तवाहिनीशी बोलताना म्हटले आहे. 

   राणीच्या बागेतील पेंग्वीनचे नाव ऑस्कर ठेवल्यावर आता राज्यात राजकारण रंगत आहे. मराठीचा कळवळा असलेल्या शिवसेनेने पेंग्वीनचे नाव ऑस्कर ठेवल्यावरून भाजपने मुंबईच्या महापौर किशोरी पेडणेकर यांना चिमटा काढला. त्यावर लगेच महापौरांना प्रत्युत्तर दिले आहे. 

वाचा सविस्तर : Kishori Pednekar । मुंबई महापौर संतापल्या, भाजपवर पलटवार

       गोवा विधानसभेच्या ४० पैकी ३४ जागांसाठीचे भारतीय जनता पार्टीचे उमेदवार जाहीर झाले. पक्षाने ३४ उमेदवारांची यादी जाहीर केली. भाजपच्या ३४ उमेदवारांच्या यादीत नऊ अल्पसंख्यांक उमेदवार आहेत.

वाचा अधिक : गोव्यातील ४० पैकी ३४ जागांसाठी भाजपचे उमेदवार जाहीर

आता राज्यातील कॉलेज  कधी सुरू होणार हा प्रश्न उपस्थित केला जात आहे. यावर राज्याचे उच्च व तंत्रशिक्षणमंत्री उदय सामंत यांनी लवकरच हा निर्णय घेण्यात येईल असे संकेत दिले आहेत.

वाचा सविस्तर : Collages Reopening । शाळांनंतर आता कॉलेजदेखील सुरू होणार

CNG Car : टाटा टिअॅगो (Tata Tiago CNG)आणि टाटा टिगोर (Tata Tigor CNG) या दोन नव्या वाहनांसह, टाटा मोटर्सने भारतातील फॅक्टरी-फिटेड सीएनजी पॅसेंजर कारच्या श्रेणीत प्रवेश केला आहे. या श्रेणीत आधाच मारुती सुझुकी आणि ह्युंदाई आधीच त्यांचे संबंधित उत्पादन विकत आहेत. 

वाचा सविस्तर : टाटांच्या दोन नव्या सीएनजी कार उडवणार धमाल...पाहा खासियत

Gold Jewellery : डॉलरच्या तुलनेत रुपयाचे मूल्य घसरल्यामुळे दिल्लीच्या सराफा बाजारात बुधवारी चांदीच्या किमतीत (Silver Price) १,६०३ रुपयांची उसळी दिसून आली, तर स्थानिक बाजारात सोन्याच्या दरात (Gold Price)किंचित वाढ झाली. सोन्याच्या दरात १६ रुपयांनी वाढ झाली आहे. तज्ज्ञांच्या म्हणण्यानुसार, रुपयाच्या कमजोरीमुळे सोन्याच्या किमतीत किंचित वाढ झाली आहे. आंतरराष्ट्रीय परकीय चलन बाजारात सुरुवातीच्या व्यापारात डॉलरच्या तुलनेत रुपया १२ पैशांनी घसरून ७४.७० रुपये झाला.

रेल्वे रुळालगतच्या (Railway tracks) सर्व झोपड्या(Hut) हटविण्याचा प्रयत्न केला तर लाखो लोकांचे संसार उघड्यावर येतील. त्यामुळे एकही झोपडी मी पाडू देणार नाही.  मी मंत्री नंतर आहे; प्रथम मी लोकांचा कार्यकर्ता आहे. त्या एकाही माणसाला मी घराच्या बाहेर पडू देणार नाही. निवारा हा त्यांचा हक्क आहे. त्यांचा हक्क कोणी हिरावून घेणार असेल तर हिरावणार्‍यांसमोर मी छातीचा कोट करुन उभा राहीन. गरीबाला (Poor) न्याय दिल्याशिवाय मी गप्प बसणार नाही, असा इशारा गृहनिर्माण मंत्री डॉ.जितेंद्र आव्हाड (Housing Minister Dr. Jitendra Awhad) यांनी दिला. 

गोसेखुर्दच्या बॅक वॉटरमधून नावेतून जात असताना एक मोठी दुर्घटना घडली आहे. ज्यामध्ये ५ महिला पाण्यात बुडाल्या आहेत.

 महाराष्ट्राचे माजी गृहमंत्री आणि राष्ट्रवादी काँग्रेस पक्षाचे नेते अनिल देशमुख यांच्या न्यायालयीन कोठडीत आणखी चौदा दिवसांची वाढ करण्यात आली. १०० कोटींच्या मनी लाँड्रिंग अर्थात आर्थिक अफरातफरीच्या प्रकरणात अनिल देशमुख अटकेत आहेत. विशेष पीएमएलए कोर्टाने अनिल देशमुखांच्या न्यायालयीन कोठडीत वाढ केली. यामुळे अनिल देशमुखांचा मुंबईच्या आर्थर रोड जेलमधील मुक्काम वाढला आहे. 

महाराष्ट्राच्या शालेय शिक्षण मंत्री वर्षा गायकवाड (Varsha Gaikwad) यांनी शाळा सुरू करण्याच्या निर्णयासंदर्भात माहिती दिली.  शाळा सुरू (School Reopen) करण्याचे अधिकार स्थानिक स्तरावर द्यावेत, असं सगळ्यांचं मत होतं. कालचं त्यासंदर्भातील फाईल मुख्यमंत्री उद्धव ठाकरे  (Uddhav Thackeray) यांना दिली होती. शाळा 24 जानेवारीपासून सुरू करण्याची विनंती त्यांना केली होती. त्यांनी त्या फाईलला मंजुरी दिली आहे. ज्या ठिकाणी कोरोना संसर्ग कमी असेल तेथे 24 जानेवारी पासून शाळा सुरू होतील. 
 

ओडिशा : येथील किनारपट्टीवर भारताने ब्रह्मोस सुपरसॉनिक क्रूझ क्षेपणास्त्राच्या नवीन आवृत्तीची यशस्वी चाचणी घेतली.

पणजी: गोवा विधानसभा निवडणुकीसाठी (Goa Assembly Election) भारतीय जनता पक्षाने आपल्या उमेदवारांची यादी जाहीर  केली आहे. या यादीत एकूण 34 उमेदवारांची नावे आहेत.  उमेदवारांच्या यादीत माजी मुख्यमंत्री मनोहर पर्रिकर यांचा मुलगा उत्पल पर्रिकर याच्या नावाचा समावेश होणार असणार का? याकडे सर्वांच्या नजरा लागल्या होत्या. मात्र आज जाहीर केलेल्या यादीत उत्पल पर्रिकर यांच्या नावाचा समावेश नाहीये.

जिल्ह्यातील 9 नगरपंचायतीमध्ये मतमोजणी सुरू
अहेरीच्या मतमोजणी केंद्रावर पोलिसांचा कडेकोट बंदोबस्त
गडचिरोली हा भाग संवेदनशील असल्याने काही शस्त्रधारी पोलीससुद्धा तैनात
 

मुंबईमध्ये (Mumbai) पसरणाऱ्या कोरोनाच्या (Corona) तिसऱ्या लाटेमध्ये गानसम्राज्ञी लता मंगेशकर (Lata Mangeshkar) यांनाही कोरोना संसर्ग (Corona infection) झाल्याचे समोर आले होते, त्या ९२ वर्षांच्या आहेत. त्यांना वैद्यकीय देखरेखीसाठी ब्रीच कँडी रुग्णालयात (Breach Candy Hospital) अतिदक्षता विभागात दाखल करण्यात आले होतं. सविस्तर बातमीसाठी येथे क्लिक करा. 

राज्यात झालेल्या नगरपंचायतींच्या (Nagar Panchayat) निवडणुकांचा (Election) निकाल (Result) काल हाती आला. या निकालात महाविकास आघाडीने  (Maha Vikas Aghadi) भाजपाला (BJP) चांगलेच मागे फेकलं आहे. महाविकास आघाडी सरकारनं 62 नगरपंचायतीवर आपला झेंड फडकवला आहे. या निकालावरुन महाविकास आघाडीने टीका करणाऱ्या अनेक भाजपच्या नेत्यांना त्यांचा रस्ता दाखवला आहे. सविस्तर बातमीसाठी येथे  लिंकवर क्लिक करा. 

राज्यातील कोरोनाची (Corona) तीव्रता नियंत्रणात आल्यानंतर गेल्या २० दिवसांपासून बंद असलेली शाळा (School)- महाविद्यालये (Colleges) सोमवारपासून सुरू करण्याचा निर्णय राज्य सरकारने (State Government) घेतला आहे. मुख्यमंत्री उद्धव ठाकरे (Chief Minister Uddhav Thackeray) यांनी याबाबतच्या प्रस्तावास हिरवा कंदील दाखविला असून स्थानिक परिस्थितीनुसार बालवाडी ते महाविद्यालय असे संपूर्ण शिक्षण सुरू होणार असल्याची माहिती मंत्रालयातील उच्चपदस्थ सूत्रांनी दिली. 
 

राज्यभरातील नगरपंचायतींचे निकाल काल जाहीर झाले. त्यामध्ये धुळे जिल्ह्यातील साक्री नगरपंचायत निवडणूक निकाल जाहीर झाला असून या निकालात भाजपने बाजी मारत 11 जागांवर विजय मिळवला आहे. तर शिवसेनेला 4 जागा व कॉंग्रेसला एकाच जागेवर समाधान मानावे लागले आहे. तर एक जागेवर अपक्ष उमेदवाराने बाजी मारली आहे. दरम्यान, निवडणूक निकालानंतर दोन गटात झालेल्या धुमश्चक्रीत एकाचा मृत्यू झाल्याची धक्कादायक घटना घडली आहे.