Covid-19: देशात सर्वाधिक अॅक्टिव्ह रुग्ण असलेल्या 10 जिल्ह्यांपैकी 8 जिल्हे महाराष्ट्रात

लोकल ते ग्लोबल
Updated Mar 11, 2021 | 18:10 IST

Coronavirus updates: महाराष्ट्रासोबतच देशातील इतरही राज्यांत कोरोना बाधितांच्या संख्येत वाढ होताना दिसत आहे. मात्र, अॅक्टिव्ह रुग्णांची सर्वाधिक संख्या ही महाराष्ट्रात असल्याचं पहायला मिळत आहे. 

थोडं पण कामाचं

  • महाराष्ट्र, पंजाब, मध्यप्रदेश, गुजरात, हरियाणात कोविड रुग्णांत होतेय सातत्याने वाढ
  • सक्रीय रुग्णसंख्या जास्त असलेल्या जिल्ह्यांपैकी 8 जिल्हे महाराष्ट्रातील

नवी दिल्ली : देशातील काही राज्यांत कोरोनाचा प्रादुर्भाव पुन्हा एकदा वाढताना दिसत आहे. त्यातच महाराष्ट्रात कोरोना बाधितांच्या संख्येत दिवसेंदिवस वाढ होत आहे. केंद्रीय आरोग्य मंत्रालयाच्या सचिवांनी आज पत्रकार परिषद घेत देशभरातील कोरोना परिस्थिती संदर्भात माहिती दिली आहे. या पत्रकार परिषदेत जी माहिती समोर आली आहे ती महाराष्ट्रासाठी चिंताजनक असल्याचं दिसत आहे. (coronavirus updates 8 districts of maharashtra state has covid-19 active cases in India check full data)

देशात सर्वाधिक अॅक्टिव्ह रुग्ण महाराष्ट्रातील या 8 जिल्ह्यांत

केंद्रीय आरोग्य मंत्रालयाच्या आकडेवारीनुसार देशात सर्वाधिक अॅक्टिव्ह रुग्ण असलेल्या टॉप 10 जिल्ह्यांत महाराष्ट्रातील 8 जिल्ह्यांचा समावेश आहे. पाहूयात कुठले आहेत हे जिल्हे आणि काय आहे स्थिती. 

  1. पुणे - 18,474 
  2. नागपूर - 12,724
  3. ठाणे - 10,460 
  4. मुंबई - 9,973 
  5. अमरावती - 5,259 
  6. जळगाव - 5,029 
  7. नाशिक - 4,525 
  8. औरंगाबाद - 4,354 

देशात सर्वाधिक अॅक्टिव्ह रुग्ण असलेले 10 जिल्हे 

(फोटो सौजन्य: PIB Youtube screengrab)

'या' राज्यांत कोरोनाचा प्रादुर्भाव

महाराष्ट्रासोबतच इतरही राज्यांत कोरोना बाधितांच्या संख्येत वाढ होताना दिसत आहे. 

  1. महाराष्ट्र 
  2. पंजाब 
  3. मध्यप्रदेश 
  4. गुजरात 
  5. हरियाणा

कोरोना प्रतिबंधक लसीकरण 

11 मार्च 2021 दुपारी 1 वाजेपर्यंतच्या आकडेवारीनुसार, आतापर्यंत एकूण 2.56 कोटी कोविड प्रतिबंधक लसींचे डोस देण्यात आले आहेत. यामध्ये 67 लाख व्यक्ती 60 वर्षांहून अधिक वयाचे आणि 45-60 वयोगटातील सहव्याधी असलेल्या आहेत. खासगी क्षेत्राच्या सहकार्याने लसीकरणाला वेग आला आहे. 71% लसीकरण सार्वजनिक आरोग्य सुविधा केंद्रांवर झाले आहे आणि 29% लसीकरण खासगी केंद्रांवर करण्यात आले आहे अशी माहिती आरोग्य विभागाच्या सचिवांनी दिली आहे. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी