COVID guidelines: कोरोनाचं वाढतं संकट, गृह मंत्रालयाकडून नव्या गाईडलाईन्स जाहीर

TAP TO UNMUTE

प्रातिनिधीक फोटो  |  फोटो सौजन्य: PTI

नवी दिल्ली : भारतीतील काही राज्यांत गेल्या काही दिवसांत कोरोना बाधितांची संख्या वाढत असल्याचं पहायला मिळत आहे. कोरोनाचा वाढता प्रादुर्भाव लक्षात घेता सरकारने काळजी आणि खबरदारी घेण्याचे आवाहन करत नव्या मार्गदर्शक सूचना जाहीर केल्या आहेत. या संदर्भात गृह मंत्रालयाने आदेश जारी केले आहेत. यानुसार नव्या मार्गदर्शक सूचना १ डिसेंबर २०२० पासून ३१ डिसेंबर २०२० पर्यंत लागू राहणार आहेत. केंद्रीय गृह मंत्रालयाकडून जाहीर करण्यात आलेली मार्गदर्शक तत्वांचे मुख्य लक्ष म्हणजे कोविड-१९चा वाढता प्रादुर्भाव रोखणे असा आहे. 

काही राज्यांत / केंद्रशासित प्रदेशांमध्ये गेल्या काही दिवसांत कोरोना बाधितांच्या संख्येत वाढ होताना दिसत आहे. सणासुदीच्या काळात तसेच हिवाळ्यात कोरोनावर पूर्णपणे मात करण्यासाठी सावधगिरी बाळगणे आणि विशेष काळजी घेण्यावर जोर देण्याची आवश्यकता आहे. तसेच नियमांचे काटेकोरपणे पालन करणे आवश्यक आहे.

गृह मंत्रालय आणि आरोग्य व कुटुंब कल्याण मंत्रालयाने जारी केलेल्या मार्गदर्शक सूचना / एसओपीमध्ये कोरोनावर नियंत्रण आणि नियमांची काटेकोर अंमलबजावणी, देखरेखीवर लक्ष केंद्रित केले आहे. ज्या क्षेत्रात प्रतिबंध लावण्यात आले आहे त्यामध्ये मार्गदर्शक तत्वांचे अतिशय काटेकोरपणे पालन करण्याची संपूर्ण जबाबदारी स्थानिक जिल्हा, पोलीस आणि महानगरपालिका प्रशासन यांच्यावर असणार आहे. याबाबत सर्व राज्य आणि केंद्रशासित प्रदेश सरकार संबंधित अधिकाऱ्यांची जबाबदारी निश्चित करतील आणि काळजी घेण्याविषयीही जबाबदारी राहतील.

1. कोविड १९ संदर्भात एसओपीचे कठोर पालन आवश्यक 
2. प्रतिबंधित क्षेत्रात केवळ अत्यावश्यक सेवा पुरवण्यासाठी परवानगी देण्यात यावी. 
3. प्रतिबंधित क्षेत्रात कोणत्याही कारणासाठी सामान्य नागरिकांची ये-जा होणार नाही याची सुनिश्चिती करणे. या भागामध्ये फक्त अत्यंत गरजेच्यावेळी वैद्यकीय सुविधा आणि अत्यावश्यक गरजेच्या वस्तूंची पूर्तता करण्यासाठीच नागरिकांना व्यवहार करण्याची परवानगी.
4. प्रत्येक घरा-घरात जाऊन निरीक्षण/चाचणी करण्यासाठी पथकांची नियुक्ती करण्यात यावी. 
5. कोरोना बाधित रुग्णाचा कोणा-कोणासोबत संपर्क आला त्याची माहिती गोळा करुन लक्ष ठेवणे, तसेच त्यांच्याशी १४ दिवसांपर्यंत सातत्याने संपर्क ठेवणे 
6. ज्या क्षेत्रात प्रतिबंध लावण्यात आले आहे त्यामध्ये मार्गदर्शक तत्वांचे अतिशय काटेकोरपणे पालन करण्याची संपूर्ण जबाबदारी स्थानिक जिल्हा, पोलीस आणि महानगरपालिका प्रशासन यांच्यावर असणार आहे. याबाबत सर्व राज्य आणि केंद्रशासित प्रदेश सरकार संबंधित अधिकाऱ्यांची जबाबदारी निश्चित करतील आणि काळजी घेण्याविषयीही जबाबदारी राहतील.
7. निर्धारित प्रोटोकॉलनुसार चाचणी करण्यात येईल 
8. फेस मास्क परिधान करणे अनिवार्य आहे 
9. सोशल डिस्टंसिंगचे पालन करणे अनिवार्य आहे 
10. कोविड-१९ बाधित आढळल्यास तात्काळ विलगिकरणात ठेवणे, उपचार सुरू करणे
11. आंतरराष्ट्रीय हवाई प्रवास, केवळ केंद्रीय गृहमंत्रालयाच्या परवानगीनेच करता येईल.
12. सिनेमा हॉल, थिएटर हे क्षमतेच्या ५० टक्के आसन व्यवस्थेनुसार सुरू राहतील. 
13. क्रीडापटूंना प्रशिक्षण देण्यासाठी जलतरण तलाव सुरू करण्यास परवानगी 
14. बंदिस्त जागांमध्ये सामाजिक, शैक्षणिक, क्रीडा, करमणूक, सांस्कृतिक, धार्मिक, राजकीय समारंभ आणि इतर संमेलनांसाठी सभागृहाच्या क्षमतेच्या जास्तीत जास्त ५० टक्के आणि कमाल २०० व्यक्तींची मर्यादा. खुल्या जागेत, मैदानाची जागा विचारात घेता नागरिकांची मर्यादा असेल.

एका राज्यातून दुसऱ्या राज्यात जाण्यास बंदी नाही 

व्यवसायासाठी एखादी व्यक्ती / वस्तू एका राज्यातून दुसऱ्या राज्यात जाण्यास कुठलीही बंदी नाही. अशा प्रकारच्या प्रवासासाठी कुठल्याही प्रकारच्या ई-पासचीही आवश्यकता नाहीये. 

वयोवृद्ध / लहान मुलांची विशेष काळजी 

वयोवृद्ध व्यक्ती अर्थात ६५ वर्षांहून अधिक वय असलेले व्यक्ती, गरोदर महिला आणि १० वर्षांहून कमी वय असलेल्या मुलांना घरीच थांबवण्याचा सल्ला देण्यात आला आहे.