Raipur Train Blast : रायपूर रेल्वे स्टेशनवर ट्रेनमध्ये स्फोट, 6 सीआरपीएफ जवान जखमी

लोकल ते ग्लोबल
Updated Oct 16, 2021 | 13:31 IST | टाइम्स नाऊ मराठी

CRPF च्या 211 व्या बटालियनच्या जवानांना घेऊन रायपूरहून जम्मूला जाण्याच्या तयारीत ट्रेन होती. दरम्यान, इग्नाइटर सेट रेल्वेच्या एका बोगीतून दुसऱ्या बोगीमध्ये हलवले जात होते.शिफ्टिंग दरम्यान स्फोट झाला, एक जवान गंभीर जखमी झाला. 

Raipur Train Blast: 6 CRPF personnel injured in train blast at Raipur railway station
Raipur Train Blast : रायपूर रेल्वे स्टेशनवर ट्रेनमध्ये स्फोट, 6 सीआरपीएफ जवान जखमी।   |  फोटो सौजन्य: BCCL
थोडं पण कामाचं
  • रायपूर रेल्वे स्टेशनवर ट्रेनमध्ये स्फोट
  • CRPF च्या जवानांना रायपूरहून जम्मूला जाण्याच्या तयारीत
  • ट्रेनमधील इग्निटर सेट एका बोगीतून दुसऱ्या बोगीत हलवले जात होते. शिफ्टिंग दरम्यान स्फोट झाला,

रायपूर : सीआरपीएफच्या 211 व्या बटालियनच्या जवानांना घेऊन जाणारी ट्रेन रायपूरहून जम्मूला जाण्याची तयारी करत होती. या दरम्यान, इग्नाइटर  सेट ट्रेनच्या एका बोगीतून दुसऱ्या बोगीमध्ये हलवला जात असताना स्फोट झाला. सीआरपीएफचे सहा जवान जखमी झाले. (Raipur Train Blast: 6 CRPF personnel injured in train blast at Raipur railway station)

रायपूर रेल्वे स्थानकावर ट्रेनचा स्फोट होऊन सीआरपीएफचे सहा जवान जखमी झाले. गंभीर जखमी झालेल्या एका कॉन्स्टेबलला नारायण रुग्णालयात दाखल करण्यात आले आहे.  उर्वरित पाच जवानांना प्राथमिक उपचारानंतर जम्मूला पाठवण्यात आले. सैनिकांसह ट्रेन जम्मूसाठी रवाना झाली आहे. घटनेनंतर सीआरपीएफ आणि प्रशासनाचे अधिकारी घटनास्थळी पोहोचले.

त्याचवेळी रायपूर पोलिसांचे म्हणणे आहे की, या स्फोटात सीआरपीएफचे चार जवान जखमी झाले आहेत. सीआरपीएफ आणि जीआरपीचे अधिकारी रेल्वे स्टेशनवर उपस्थित आहेत आणि स्फोट कसा झाला हे शोधण्याचा प्रयत्न करत आहेत. नारायण हॉस्पिटलचे डॉक्टर सांगतात की जवानाच्या डोक्याला आणि पायाला जखमा झाल्या आहेत. डॉक्टरांनी जवान सुरक्षित असल्याचे सांगितले आहे. दारूगोळा हलवताना खूप काळजी घेतली जाते. इग्नाइटर  सेट बोगी क्रमांक 9 वरून 8 मध्ये का हलवला जात होता याची अधिकारी चौकशी करत आहेत.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी