ट्रेंडिंग:

Mumbai Crime: गिफ्ट व्हाउचरच्या नावाखाली कोट्यवधीचा गंडा, मुंबईत मोठ्या सायबर रॅकेटचा पर्दाफाश

Mumbai Crime: सायबर गुन्हातील आरोपी रियाझ उद्दीन अब्दुल सुभान अहमद हा अ‍ॅमेझॉन गिफ्ट व्हाउचर देण्याच्या बहाण्याने लोकांची फसवणूक करत होता. आरोपींनी शेअर केलेली लिंक जपानशी जोडलेली असल्याने हे मोठे आंतरराष्ट्रीय रॅकेट असल्याचं बोलल जात आहे. आरोपीच्या खात्यात मोठी रक्कम सापडल्याने अशा किती लोकांची फसवणूक झाली आहे, याचा तपास केला जात आहे.

Updated Sep 10, 2023 | 08:32 AM IST

cyber crime

फोटो साभार : TNN

Mumbai Crime: अ‍ॅमेझॉन गिफ्ट व्हाउचर देण्याच्या बहाण्याने लोकांची फसवणूक करत कोट्यवधी रुपयांचा गंडा घातल्याचा प्रकार घडला. या प्रकरणात मुंबई पोलिसांनी लक्ष घालत या संपुर्ण प्रकरणाचा पर्दाफाश केला आहे. ओशिवरा पोलिसांनी एकाला अटक केली आहे. या सायबर गुन्हेगाराच्या बँक खात्यात 1 कोटी 36 लाख रुपये सापडले आहेत. रियाझ उद्दीन अब्दुल सुभान अहमद असं वय 22 वर्षीय आरोपीचं नाव असून तो मूळ आसाम येथील रहिवाशी आहे. ओशिवरा पोलिसांनी त्याला वरळी येथून अटक केली.

या प्रकरणात तक्रारदार इस्माईल नूर मोहम्मद शेख हा व्यापारी, जोगेश्वरी पश्चिम येथील रहिवासी आहे. आरोपीने अ‍ॅमेझॉनचे 150 रुपयांचे गिफ्ट व्हाउचर इस्माईल नूर मोहम्मद शेख यांना ऑफर केले आणि सोबत एक लिंक शेअर केली. इस्माईल शेखने लिंकवर क्लिक केल्यावर, त्याने वैराग सेंथिल नावाचे टेलीग्राम चॅट उघडले, ज्याने शेखच्या पेटीएम खात्यात 150 रुपये जमा झाल्याचा मेसेज मिळाला. फसवणूक करणाऱ्याने इस्माईल शेखला गुंतवणूक दुप्पट करण्याचे आश्वासन देऊन बिटकॉइनमध्ये पैसे गुंतवण्यास सांगितले. शेखने लिंकवर क्लिक केले आणि त्याच्याकडे रक्कमेची मागणी केली.

त्यामुसार, इस्माईल शेखने 5,000 गुंतवणूक केली आणि त्याला बदल्यात 6,500 रुपये मिळाले. मात्र, फसवणूक करणार्‍याने इस्माईल शेख यांचा विश्वास संपदन करुन त्यांची तब्बल 6.75 लाख रुपयेची फसवणूक केली, इस्माईल शेखला यामध्ये कोणतेही परतावा मिळत आपली फसवणूक झाल्याचे लक्षात आल्यानंतर अखेर इस्माईल शेख यांनी पोलीस स्टेशन गाठत फिर्याद दाखल केली होती. त्यानुसार पोलिसांनी तपास करुन या सायबर रॅकेटचा पर्दाफाश केला.

आरोपीच्या बँक खात्यात कोट्यवधी रुपये

ओशिवरा पोलिसांनी त्वरीत कारवाई करत आरोपीचा खाते क्रमांक आणि बँक ओळखली आणि त्याचे आयसीआयसीआय बँक खाते गोठवले. या खात्यात 1 कोटी 36 लाख रुपये होते. पोलिसांनी आरोपींकडून दोन मोबाईल, तीन वेगवेगळ्या बँकांचे डेबिट कार्ड, एक लॅपटॉप, तीन वेगवेगळ्या बँकेचे चेकबुक, एक पासबुक, एक आधार कार्ड आणि एक पॅन कार्ड जप्त केलं आहे.

गिफ्ट व्हाउचरच्या नावाखाली फसवणूक

सायबर गुन्हातील आरोपी रियाझ उद्दीन अब्दुल सुभान अहमद हा अ‍ॅमेझॉन गिफ्ट व्हाउचर देण्याच्या बहाण्याने लोकांची फसवणूक करत होता. आरोपींनी शेअर केलेली लिंक जपानशी जोडलेली असल्याने हे मोठे आंतरराष्ट्रीय रॅकेट असल्याचं बोलल जात आहे. आरोपीच्या खात्यात मोठी रक्कम सापडल्याने अशा किती लोकांची फसवणूक झाली आहे, याचा तपास केला जात आहे.

ताज्या बातम्या

Nashik City Link Bus : सिटी लिंक बस सेवा फसवी, शंभर टक्के सेवा देण्याचा दावा फोल

Maharashtra Politics: एकनाथ खडसेंच्या कार्यकाळात 6.60 कोटींचे नुकसान - मंगेश चव्हाण

Mahaparinirvan Din 2023 : डॉ. बाबासाहेब आंबेडकर महापरिनिर्वाण दिनी मराठी संदेश, Whatsapp Messages द्वारे महापुरुषाला करा विनम्र अभिवादन

Mahaparinirvan Din 2023 Whatsapp Messages

सनरुफ, क्लासिक लुकसह Yakuza Karishmaची इलेक्ट्रिक कार लॉन्च, किंमत 1.70 लाख रुपये!

Nagpur Crime : नाश्ता मिळाला नाही, रागाच्या भरात सोडलं घर; रेल्वे स्थानकाजवळ झाडाला...

Lion Attack: बोट दाखवणाऱ्याला सिंहाने शिकवला धडा, Video पाहून तुम्हालाही वाटेल भीती

Pune Crime : विद्येच्या माहेरघरात धक्कादायक प्रकार, पैशांचा पाऊस पाडण्यासाठी घातला लाखोंचा गंडा

Airoli-Katai Naka Freeway: डोंबिवली-नवी मुंबई प्रवास होणार सुसाट; ऐरोली-काटई बोगद्यामुळे 45 मिनिटांचा प्रवास 10 मिनिटांत पूर्ण होणार

बातमी समाप्त

व्हिडिओ