Udayanraje Bhosale : .... तर काय आभाळं कोसळणार का?, पोलिसांच्या यु टर्नमुळे उदयनराजे संतापले

Udayanraje Bhosale : .... तर काय आभाळं कोसळणार का? उदयनराजेंचा सरकारला सवाल  |  फोटो सौजन्य: Times Now

सातारा : उत्सव काळात सातारा जिल्ह्यात डॉल्बी वाजवली पाहिजे, या मागणीसाठी भाजपचे आमदार शिवेंद्रसिंहराजे भोसले यांनी दोन दिवसांपूर्वी पोलिस प्रशासनाकडे मागणी केली. त्यानंतर पोलीस प्रशासनाने सशर्त परवानगी दिली. दरम्यान, पोलिस अधीक्षक अजय कुमार बन्सल यांनी यू टर्न घेत डॉल्बीला परवानगी नाहीच, अशी भूमिका मांडली. त्यानंतर आज साता-यात माध्यमांशी बाेलताना खासदार उदयनराजे भाेसले प्रशासनावर चांगलेच संतापले. (MP Udayanraje Bhosale demanding Dolby system must be played)

अधिक वाचा : Jai Jawan Dahihandi Mandal : जय जवान मंडळाचा 10 थरांचा विक्रम थोडक्यात हुकला 

सातारा येथील शासकीय विश्रामगृहात काही कामानिमित्त खासदार उदयनराजे यांनी बैठका घेतल्यानंतर पत्रकारांशी संवाद साधला. खासदार उदयनराजे भाेसले यांनी डाॅल्बीबाबत त्यांची भूमिका स्पष्ट केली. ते म्हणाले डाॅल्बी व्यावसायिकांच्या कुटुंबाचा प्रशासनानं विचार केला पाहिजे. त्यांनी माेठ्या प्रमाणात गुंतवणुक केली आहे. डाॅल्बीवर बंदी घातल्यानं त्यांना आर्थिक फटका बसत आहे. का डाॅल्बीला परवानगी नाकारली जातेय असा सवाल उदयनराजेंनी केला.
 

बातमीची भावकी

Dahi Handi: मुख्यमंत्री एकनाथ शिंदेंच्या 'या' निर्णयावर अमोल कोल्हे आहेत सकारात्मक, जाणून घ्या काय आहे सीएम शिंदेंचा निर्णय

उद्धव ठाकरेंना आणखी एक धक्का? सेनेचा ४१ वा आमदार फुटणार अन् शिंदे गटात सहभागी होणार असल्याची चर्चा

"कुठल्या तोंडाने सांगू, घात झाला साहेब...." म्हणत खासदार राजन विचारेंनी एकनाथ शिंदेंना डिवचलं, VIDEO होतोय तुफान व्हायरल

उदयनराजे म्हणाले केवळ सातारा जिल्ह्यातीलच नव्हे तर महाराष्ट्रातील जिल्हा प्रशासनानं डाॅल्बीला परवानगी का नाही याचं पत्रक काढावं. प्रशासकीय अधिका-यांनी प्रत्येक घटकाचा विचार करुन निर्णय घेतले पाहिजेत. डाॅल्बी वाजलीच पाहिजे अशी माझी भुमिका आहे. दाेन तीन तासांनी काय आभाळ काेळसणार आहे का ? असा सवाल करीत उदयनराजे म्हणाले डाॅल्बी चालूच झाली पाहिजे या मताचा मी नाही सगळेच आहेत.