दहावी, बारावी सवलतीच्या कलागुणांसाठी ऑनलाइन परीक्षा!, क्रीडागुणांचा तिढा कायम

SSC HSC Exam 2022 : दहावीच्या अंतर्गत मूल्यमापनामध्ये विद्यार्थ्यांच्या कलागुणांचा समावेश करण्याचा निर्णय झाला आहे. पण क्रीडा गुणांबाबत अद्याप राज्य माध्यमिक मंडळाकडून कोणताही निर्णय झालेला नाही. यामुळे विविध प्रकारच्या क्रीडा स्पर्धांमध्ये खेळलेल्या विद्यार्थ्यांना गुण मिळणार का, असा प्रश्न निर्माण झाला.

SSC HSC Exam discount online test for discounted art points !, sports marks remain sharp
दहावी, बारावी सवलतीच्या कलागुणांसाठी ऑनलाइन परीक्षा!, क्रीडागुणांचा तिढा कायम   |  फोटो सौजन्य: BCCL
थोडं पण कामाचं
  • शाळाच बंद असल्याने शालेय क्रिडा स्पर्धांवर बंधने
  • विद्यार्थ्यांना कोणत्याही क्रीडाप्रकारात भाग घेणे शक्य झाले नाही
  • दहावी व बारावीच्या विद्यार्थ्यांना क्रिडा गुणांपासून वंचित राहण्याची परिस्थिती

मुंबई  : काही दिवसांवर आलेल्या एसएससी आणि एचएससीच्या परीक्षांमध्ये यंदा सवलतीच्या कलागुणांचा पेच सुटला असून, शासकीय चित्रकला परीक्षा ऑनलाइन होणार आहे. या परीक्षेचे वेळापत्रकही जाहीर झाले आहे. दरम्यान सवलतीच्या क्रीडा गुणांसंदर्भात अद्यापही काही निर्णय झालेला नाही, त्यामुळे विद्यार्थ्यांसह पालकांमध्ये संभ्रम निर्माण झाला आहे. (SSC HSC Exam discount online test for discounted art points !, sports marks remain sharp)

कोरोना आणि लाॅकडाऊनमुळे गेल्या २ वर्षांत शाळाच बंद असल्याने दहावी व बारावीच्या या विद्यार्थ्यांना कोणत्याही क्रीडाप्रकारात भाग घेणे, सहभाग दर्शविणे शक्य झाले नाही. महाराष्ट्र राज्यात शिक्षण घेणाऱ्या प्रत्येक विद्यार्थ्याला इयत्ता सहावीपासून जिल्हास्तरीय आणि इतर क्रीडा स्पर्धांमध्ये प्रतिनिधित्व करणाऱ्या विद्यार्थ्यांना स्पर्धांमधील सहभाग आणि स्पर्धेतील यशासाठी गुण दिले जातात. त्यामध्ये सहावी, सातवीतील जिल्हा लेव्हलवरील सहभागासाठी पाच गुण, राज्य लेव्हलवर दहा गुण, राष्ट्रीय लेव्हलवर सहभागासाठी दहा आणि उत्कृष्ट कामगिरीसाठी १५ गुण दिले जातात. आंतरराष्ट्रीय लेव्हलवर विद्यार्थी खेळला, तर त्याला २० ते २५ गुण दिले जातात. या गुणांमुळे हजारो विद्यार्थ्यांना दर वर्षी लाभ मिळतो. 

राज्यभरात कोरोना आणि त्यानंतर आलेल्य ओमिक्राॅनमुळे शाळा बंद असल्याने विद्यार्थी प्रत्यक्ष क्रीडास्पर्धांत, प्रकारांत सहभागी होऊ शकले नाहीत. मात्र यामुळे ते दहावी बारावीच्या वर्षांत सवलतीच्या क्रीडागुणांपासून वंचित राहू नयेत अशी अपेक्षा क्रीडा व युवक सेवा विभागाकडून व्यक्त करण्यात आली आहे. याच पार्श्वभूमीवर त्यांनी यंदाच्या दहावी बारावी परीक्षांमध्ये, विद्यार्थ्यांना यापूर्वी राज्य, राष्ट्रीय, आंतरराष्ट्रीय पातळीवरील क्रीडाप्रकारांत सहभागी झालेल्या खेळाडू विद्यार्थ्यांना सवलतीचे वाढीव गुण द्यावेत आणि तयातही नियमावली जाहीर करावी अशी मागणी शालेय शिक्षण विभागाकडे केली आहे.


या पार्श्वभूमीवर क्रीडा व युवक सेवा विभागाचे आयुक्त ओमप्रकाश बकोरिया यांनी हे नियम शिथिल करावेत अशी विनंती शालेय शिक्षण विभागाकडे पत्र लिहून केली आहे. मागील वर्षी विद्यार्थ्यांच्या यापूर्वीच्या शालेय शिक्षणातील वर्षांत आयोजित क्रीडास्पर्धांतील त्यांचा सहभाग विचारात घेऊन २०२०-२१ करिता सवलतीचे क्रीडागुण देण्याचे निर्देश राज्य माध्यमिक व उच्च माध्यमिक शिक्षण मंडळाला देण्यात आले होते. त्याचप्रमाणे ते निर्देश २०२१-२२ साठीही द्यावेत अशी विनंती त्यांनी शालेय शिक्षण विभागाच्या अपर मुख्य सचिवांना केली आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी