Ajit Pawar । अजितदादांनी भर सभेत काढला मास्क आणि दिले सासुरवाडीचे कारण 

बीड । अजितदादांनी भर सभेत काढला मास्क दिले हे कारण 

बीड :  राज्याचे उपमुख्यमंत्री अजित पवार नेहमी आपल्या मास्क घालून दिसतात. गेल्या दोन वर्षात त्यांनी क्वचितच मास्क काढला असेल. सभा असो समारंभ असो किंवा त्यांनी नुकतेच दिलेले अर्थसंकल्पीय भाषण असो. मास्क सतत त्यांचे नाक तोंड झाकत असतात. पण आज बीडमध्ये एका कार्यक्रमात कार्यकर्त्यांनी मागणी केल्यानंतर काही काळाच अजितदादांनी मास्क उतरविला. (Bead Ajit Pawar removed the mask and gave this reason)

मास्क काढताना अजितदादा म्हणाले, सहसा मी मास्क काढत नाही आणि कोणाचं ऐकतही नाही. पण माझी सासरवाडी ही मराठवाड्याची असल्यामुळे मला ऐकावं लागतं आहे आणि म्हणून मास्क खाली काढत आहे. असे म्हणून अजितदादांनी आपला मास्क तोंडावरून काढला आणि कॉलरच्या दिशेने मागे सरकवला. दादांनी मास्क मागे घेतात. एकच जल्लोष झाला. टाळ्या आणि शिट्ट्या वाजू लागल्या. 

अजित पवार यांची पत्नी सुनेत्रा पवार या उस्मानाबाद जिल्ह्यातील आहे. उस्मानाबादचे नेते पद्मसिंग पाटील यांच्या त्या भगिनी आहेत. त्यामुळे हा संदर्भ देऊन अजित पवारांनी आपली सासरवाडी मराठवाड्याची आहे असे म्हटले. 

मास्क मागे केल्यानंतर  दादा थोडंसे हसले आणि त्यांनी पुन्हा आपल्या भाषणाला सुरूवात केली. काय केले भाषण वाचा यातील काही ठळक मुद्दे.... 

1. वैद्यनाथ कारखाना मुंडे साहेबांच्या काळात चांगला सुरू होता, आज अवस्था बघा काय झालीय, कारखाना चालविण्यासाठी कर्तृत्व लागते, येऱ्या गबाळ्याचे काम नाही, पंकजा मुंडे यांचे नाव न घेता टीका
2. मराठवाड्यातील कारखाना दारांनी संपूर्ण ऊस घेऊन जावा
3. शेतकऱ्यांचे ऊस शिल्लक राहिला नाही पाहिजे
4. उशीर झाला तर कारखान्याची सबसिडी देऊ, मात्र शेतकऱ्याला त्रास झाला नाही पाहिजे
5. युक्रेन रशिया आणि श्रीलंकेची काय परिस्थिती बघा
6. तिथं खायला काहीही नाही
7. इथं वेगवेगळे नेते येतील भाषण करून जातील, त्यांचं ऐकू नका
8. गुढी पाडव्याला सर्व नियम शिथिल केले, मात्र कोरोना संपला नाही, मुंबईत कोरोनाचे दोन वेगळे रुग्ण आढळले आहेत, सर्वांनी काळजी घ्या
9. सध्या राज्यातील वातावरण गढूळ करण्याचे काम सुरू आहे, सर्व सण आपण एकमेकांत शुभेच्छा देतो, भोंगे बंद करण्याचे काय काम आहे हे, राज ठाकरे यांच्यावर निशाणा
10. सांगलीत 0 टक्के व्याज दराने पीक कर्ज मिळते
11. बीडमध्ये परिस्थिती वेगळे आहे
12. नांदेड बँकेला  100 कोटी दिले, कुठे गेले माहीत नाही
13. उस्मानाबाद औरंगाबादची स्थिती अशीच आहे
14. लातूर बँकेची परिस्थिती थोडी चांगली आहे
15. स्टीलचे भाव वाढले आहेत, दुप्पट वाढ झाली
16. केंद्र सरकारने यात पुढाकार घ्यायला हवा
17. डिझेल पेट्रोल महागले आहे
18. माझे आणि गोपीनाथ मुंडे यांचे राजकीय मतभेद होते
19. हे मान्य आहे
20. यंदा कारखान्याच्या दुपट्टीपेक्षा रक्कम राज्य सरकार देईल
21. मजुरांच्या मुलाला शिक्षणाचा अधिकार आहे
22. ज्या भागात सर्वात जास्त ऊस आहे , तिथे हार्वेस्तर पाठविणार
23. ट्रान्सपोर्ट सबसिडी देखील कारखान्याला माफ करणार
24. दहा जिल्ह्यातील 41 तालुक्यात ऊसतोड मजुरांच्या मुलांसाठी वसतिगृह बांधणार आहोत
25. बाकीच्या पुढाऱ्यांनी भाषणे करतील
26. हे आमचच होत असे म्हणतील
27. मग तुम्ही का केला नाहीत 
28. पंकजा यांच्यावर निशाणा
29. गोपीनाथ मुंडे उसतोड महामंडळ लवकरच सुरू होणार आहे
30. या मंडळातून ज्याला गरज आहे अशाच लोकांना मदत झालं पाहिजे
31. लोकसभेला मायनस लीड मिळाली
32. विधानसभेला सहा पैकी चार जागा मिळाल्या
33. येणाऱ्या सर्वच निवडणुका ताब्यात घ्या
34. नगरपंचायत निवडणुकीत यश मिळालं नाही
35. समाधानकारक  निकाल नाही
36. आता भरून काढण्याचे काम करा
37. पाहुणे  माझ्या जवळचा मित्र म्हणून कोणालाही उमेदवारी देऊ नका
38. मागासवर्गीय आदिवासी समाजाला प्रतिनिधित्व मिळतेय, मात्र ओबीसी समाजाला मिळत नाही
39. जोपर्यंत ओबीसीला न्याय मिळणार नाही तोपर्यंत निवडणुका घेण्याचा आमचा निर्णय नाही