Mahavikas Aghadi Rally : महाविकास आघाडीच्या सभेसाठी छत्रपती संभाजीनगरमधील वाहतूक मार्गांमध्ये बदल

मविआच्या सभेसाठी संभाजीनगरमधील वाहतूक मार्गांमध्ये बदल  |  फोटो सौजन्य: Representative Image

Change in traffic routes in Chhatrapati Sambhajinagar for Mahavikas Aghadi rally : महाविकास आघाडीची 'वज्रमूठ' जाहीर सभा छत्रपती संभाजीनगर (औरंगाबाद) येथील सांस्कृतिक मंडळ मैदान या ठिकाणी आज (रविवार 2 एप्रिल 2023) आहे. या सभेसाठी मराठावाड्यातील सर्व जिल्ह्यांतून मोठ्या संख्येन नागरिकांना आणण्याचे प्रयत्न सुरू आहेत. सभा संध्याकाळी 6 वाजता सुरू होईल. या सभेकरिता होणाऱ्या गर्दीचा विचार करून  छत्रपती संभाजीनगरमधील वाहतूक मार्गांमध्ये बदल करण्यात आला आहे. 

वाहतुकीसाठी बंद असलेले मार्ग

1. मिलकॉर्नर ते खडकेश्वर टी मार्ग
2. महात्मा फुले चौक
3. आयटीआय ते खडकेश्वर टी पॉइंट
4. जुनी मल्टीपर्पज शाळा ते नारळीबाग
5. ज्युबली पार्क ते मराठवाडा सांस्कृतिक मंडळ मैदानाकडे जाणारा मार्ग
6. आशा ऑप्टीकल ते मराठवाडा सांस्कृतिक मंडळ मैदानाकडे जाणारा मार्ग

पर्यायी मार्ग

1. मिलकॉर्नर ते भडकलगेट
2. मिलकॉर्नर ते वरद गणेश मंदिर मार्गे सावरकर चौक

सभेला उद्धव ठाकरे, अजित पवार, अंबादास दानवे यांच्यासह महाविकास आघाडीचे सर्व प्रमुख नेते उपस्थित राहणार आहेत. सभेत कोण काय बोलणार याकडे अनेकांचे लक्ष आहे. महाविकास आघाडीचे पदाधिकारी आणि कार्यकर्ते यांनी स्थानिक पातळीवर ठिकठिकाणी बैठका घेऊन आणि मंडळे तसेच स्थानिक समूह, संघटना यांच्याशी समन्वय राखून सभेला गर्दी जमविण्याचे नियोजन केले आहे. 

वजन कमी करण्यासाठी उन्हाळ्यात प्या ही समर ड्रिंक्स

उन्हाळ्यात हेल्दी आणि फिट राहण्यासाठी खा ही 7 फळे

बातमीची भावकी

Increase in accidents in Pune : पुण्यातील वाहनांच्या आणि अपघातांच्या संख्येत मोठी वाढ

Heat Wave in Mumbai : सावधान, मुंबई आणि कोकणात एप्रिल महिन्यात येणार उष्णतेची लाट

Mumbai Electricity Price Hike : मुंबईकरांना लागला ४४० व्होल्टचा झटका, घरगुती विजेचे 5-10 टक्क्यांनी वाढणार