CM Uddhav Thackeray : मुख्यमंत्री उद्धव ठाकरे यांच्या सभेला १६ अटींसह परवानगी, खडकेश्वर भागातील मराठवाडा सांस्कृतिक मैदानावर सभेचे आयोजन, 'या' आहेत अटी

Chief Minister Uddhav Thackeray's meeting allowed with 16 conditions : शिवसेना आमदार अंबादास दानवे (Ambadas Danve) यांच्याकडे पोलिसांनी हे परवानगी पत्र दिलं आहे. पोलिसांनी दिलेल्या या पत्रात १६ अट घालून देण्यात आल्या आहेत. दरम्यान, गेल्या काही दिवसांपूर्वी मनसे अध्यक्ष राज ठाकरे यांनी देखील औरंगाबाद येथे घेतलेल्या सभेत पोलिसांकडून १६ अट घालून देण्यात आल्या होत्या.

Chief Minister Uddhav Thackeray's meeting allowed with 16 conditions,
मुख्यमंत्री उद्धव ठाकरे यांच्या सभेला १६ अटींसह परवानगी,  |  फोटो सौजन्य: BCCL
थोडं पण कामाचं
  • येत्या ०८ जून रोजी औरंगाबादच्या शिवसेना शाखेचा वर्धापन दिना निमित्ताने उद्धव ठाकरे यांची ही जंगी सभा आयोजित करण्यात आली
  • उद्धव ठाकरे यांच्या सभेसाठी १६ अटी घालण्यात आल्या आहेत
  • खडकेश्वर भागातील मराठवाडा सांस्कृतिक मैदानावर ही सभा होत आहे

CM Uddhav Thackeray : औरंगाबाद : गेल्या काही दिवसांपासून मुख्यमंत्री  उद्धव ठाकरे (Uddhav Thackeray) यांची औरंगाबाद येथे होणाऱ्या सभेची चर्चा जोरात सुरु आहे. मुख्यमंत्री उद्धव ठाकरे यांच्या सभेला देखील परवानगी मिळण्यास अनेक अडथळे येत होते. मात्र, उद्धव ठाकरे यांच्या सभेला अखेर पोलिसांची परवानगी दिली आहे. खडकेश्वर भागातील मराठवाडा सांस्कृतिक मैदानावर ही सभा होत आहे. येत्या ०८ जून रोजी औरंगाबादच्या शिवसेना शाखेचा वर्धापन दिना निमित्ताने उद्धव ठाकरे यांची ही जंगी सभा आयोजित करण्यात आली आहे. त्यामुळे, उद्धव ठाकरे येत्या ८ जून रोजीच्या या जंगी सभेत नेमकं काय बोलणार याकडे सर्वांचे लक्ष लागले आहे.

अधिक वाचा ; वयाच्या ३० वर्षानंतर प्रत्येक पुरुषाने ही चाचणी करणे आवश्यक

उद्धव ठाकरे यांच्या सभेसाठी १६ अटी घालण्यात आल्या आहेत

शिवसेना आमदार अंबादास दानवे (Ambadas Danve) यांच्याकडे पोलिसांनी हे परवानगी पत्र दिलं आहे. पोलिसांनी दिलेल्या या पत्रात १६ अट घालून देण्यात आल्या आहेत. दरम्यान, गेल्या काही दिवसांपूर्वी मनसे अध्यक्ष राज ठाकरे यांनी देखील औरंगाबाद येथे घेतलेल्या सभेत पोलिसांकडून १६ अट घालून देण्यात आल्या होत्या. मात्र, त्यापैकी काहीं अटींचे उल्लंघन झाल्याप्रकरणी राज ठाकरेंवर गुन्हादेखील दाखल झाला आहे. त्यामुळे, शिवसेनेला पोलिसांनी घालून दिलेल्या अटींचे तंतोतंत पालन करणे बंधनकारक आहे, हे मात्र नक्की.

अधिक वाचा ; रोहित आणि विराटसाठी आगामी टी-२० वर्ल्डकप शेवटचा असू शकतो

नेमक्या आहेत पोलिसांनी घालून दिलेल्या १६ अटी?

  1. सदर सभा ०८ जून रोजी ०४ ते ९.३० या वेळेतच आयोजित करावी. कार्यक्रमाचे वेळ व ठिकाणात बदल करू नये.
  2. सभेपूर्वी संबंधित आयोजनासाठीचे ‘स्टेज स्टॅबिलिटी ‘ प्रमाणपत्र सार्वजनिक बांधकाम विभागाकडून मिळवावे.
  3. सभेसाठी कोणताही रस्ता बंद करण्यात येवू नये. अथवा वाहतुकीस अडथळा होणार नाही, याची दक्षता घ्यावी.
  4. सर्वोच्च न्यायालयाच्या निर्देशानुसार, ध्वनीच्या मर्यादेचं पालन व्हावं
  5. सभेच्या वेळी शहर बससेवा, अँब्युलन्स , दवाखाना, मेडिकल, वीजपुरवठा, पाणीपुरवठा, दळणवळण यांना बाधा येणार नाही, याची काळजी घ्यावी.
  6. कार्यक्रमादरम्यान कोणतेही शस्त्र, तलवारी इत्यादी बाळगू नये. त्याचं प्रदर्शन करू नये.
  7. सभास्थानी पोलिसांनी निर्देशित केल्या प्रमाणे बॅरीकेट्स असावेत. प्रत्येकाची सुरक्षेच्या कारणास्तव तपासणी करण्याचा अधिकार पोलिसांना राहील.
  8. सभेसाठी बोलावण्यात आलेल्या वाहनांना तशा योग्य सूचना द्याव्यात. आयोजकांनी सभेच्या ठिकाणी किंवा नंतर कोणतीही ऱॅली काढू नये.
  9. सभेच्या ठिकाणी येणाऱ्या नागरिकांनी स्वयंशिस्त पाळावी. जाताना किंवा येताना घोषणाबाजी, हुल्लडबाजी करू नये.
  10. सभेसाठी वाहतुकीचे घालून देण्यात आलेल्या नियमांचं पालन करावं.
  11. सभेच्या ठिकाणी वापरण्यात येणारी ध्वनीक्षेपण यंत्रणा, वीज यंत्रणा सुस्थितीत असल्याची खात्री करू घ्यावी.
  12. कार्यक्रमाच्या ठिकाणी सुसज्ज अँब्युलन्स ठेवावी.
  13. कार्यक्रमस्थळी स्वयंसेवक नेमावेत. त्यांची नावे, मोबाइल क्रमांक तसेच येणाऱ्या नागरिकांची अंदाजे संख्या, वाहनांची अंदाजे संख्या याची माहिती एक दिवस आधी पोलीस निरीक्षक, सिटी चौक यांना द्यावी.
  14. सभा स्थानाच्या कमाल मर्यादेपेक्षा जास्त लोकांना निमंत्रित करू नये. गर्दीत गोंधळ, चेंगराचेंगरी झाल्यास संयोजकांना जबाबदार धरले जाईल.
  15. कायदा व सुव्यवस्थेला बाधा येणार नाही, याची जबाबदारी संयोजकांवर असेल.
  16. वरील अटींचं उल्लंघन झाल्यास त्यासाठी सर्व संयोजक जबाबदार असतील. अशा प्रकारच्या अटी पोलिसांनी घालून दिल्या आहेत.

अधिक वाचा ; जळगावात महिलेच्या पोटातून काढला साडे चार किलोचा ट्युमर

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी