धक्कादायक ! लातुरात तरुणावर कोयत्याने सपासप वार , भरदिवसा रक्ताचा पडला सडा
latur crime news , The young man was stabbed : दिवसाढवळ्या एका युवकावर कोयत्याने सपासप वार केल्याच्या घटनेने लातूरमध्ये मोठी खळबळ उडाली आहे. शहरातीलचं विशाल नगर परिसरात एका महाविद्यालयीन तरुणावर हल्ला करण्यात आला आहे.
लातुरात तरुणावर कोयत्याने सपासप वार , भरदिवसा रक्ताचा सडा | फोटो सौजन्य: BCCL
थोडं पण कामाचं
- अज्ञात मारेकऱ्यांनी महाविद्यालयीन विद्यार्थ्यावर कोयत्याने वार केले
- विध्यार्थ्यावर उपचार सुरू असून त्याची प्रकृती चिंताजनक असल्याची माहिती पोलिसांकडून देण्यात आली
- पोलिसांनी घटनेची दखल घेतली असून मारेकऱ्यांचा शोध घेतला जात आहे.
लातूर : मराठवाड्यात गुन्ह्याच्या घटनेत मोठी वाढ होताना दिसत आहे. गुन्हेगारांना कायद्याचा धाक राहिला आहे की नाही असा प्रश्न सामान्य नागरिकांना पडत आहे. दरम्यान, दिवसाढवळ्या एका युवकावर कोयत्याने सपासप वार केल्याच्या घटनेने लातूरमध्ये मोठी खळबळ उडाली आहे. शहरातीलचं विशाल नगर परिसरात एका महाविद्यालयीन तरुणावर हल्ला करण्यात आला आहे. हल्ला करताना आरोपीने कोयत्याने सपासप वार (Attack on college student with scythe)केल्याची धक्कादायक घटना घडली आहे.
अज्ञात मारेकऱ्यांनी महाविद्यालयीन विद्यार्थ्यावर कोयत्याने वार केले
सदर घटना ही आज दुपारी बाराच्या सुमारास घडली आहे. ही घटना घडल्यानंतर परिसरात मोठी खळबळ उडाली होती. या घटनेचा माहिती मिळताच अवघ्या काही मिनिटातच पोलिसांनी घटनास्थळी धाव घेतली आहे. लातूर शहरातील अत्यंत गजबजलेल्या आणि रहदारीचा भाग असलेल्या विशाल नगर परिसरात काही अज्ञात मारेकऱ्यांनी महाविद्यालयीन विद्यार्थ्यावर कोयत्याने वार करत त्याला रक्ताच्या थारोळ्यात पाडलं आहे.
विध्यार्थ्यावर उपचार सुरू असून त्याची प्रकृती चिंताजनक असल्याची माहिती पोलिसांकडून देण्यात आली
पोलिसांकडून मिळालेल्या माहितीनुसार सदर विध्यार्थ्याचे नाव राहुल सुरेश उजळंबे असं आहे. पोलिसांनी गंभीररित्या जखमी झालेल्या राहुल सुरेश उजळंबे या तरुणाला स्थानिक रुग्णालयात उपचारासाठी दाखल केलं आहे. याठिकाणी त्याच्यावर उपचार सुरू असून त्याची प्रकृती चिंताजनक असल्याची माहिती पोलिसांकडून देण्यात आली आहे. हल्ला झाल्यावर परिसरातील अनेक नागरिकांनी घटनास्थळी गर्दी केली होती. भरदिवसा झालेल्या या हल्ल्यामुळे परिसरात तणाव निर्माण झाला होता. हा हल्ला झाल्यानंतर घटनास्थळी बघ्यांनी गर्दी केल्याचा व्हिडीओ समोर आला आहे. पोलिसांनी दिलेल्या माहितीनुसार, विशाल नगर परिसरातील साई मंदिरा शेजारील चौकात हा हल्ला झाला आहे. या घटनेचा तपास पोलीस करत आहेत.
बातमीची भावकी
पोलिसांनी घटनेची दखल घेतली असून मारेकऱ्यांचा शोध घेतला जात आहे.
दरम्यानं, पोलिसांनी सदर घटनेची दखल घटली असून, संबंधित तरुणावर कोणी आणि कोणत्या कारणातून हा हल्ला केला आहे याची तत्काळ चौकशी करत तपास अत्यंत वेगाने सुरु केला आहे. अद्याप पर्यंत पोलिसांना मारेकरी कोण आहेत याची माहिती मिळाली नाही.