CM Uddhav Thackeray : खोटं बोलणं आमचे हिंदुत्व नाही, संभाजीनगरची शान वाढविणारे काम करणार आणि मगच नाव बदलणार...

औरंगाबाद : हृदयात राम आणि हाताला काम हे आमचे हिंदुत्व आहे. शिवसेनेच्या हिंदुत्वला बदनाम करुन शिवसेना बदनाम होणार नाही. आमचे हात ढकणं चिरडण्यासाठी नाही. तर हिंदुत्वाच रक्षण करण्यासाठी आहे, असे उध्दव ठाकरे यांनी ठणकावून सांगितले.

औरंगाबाद : एक जमाना होता की देशाच्या कानाकोपर्‍यात शिवसेना-भाजप राजकारणात अस्पृश्य होतो, कारण हिंदुत्ववादी. 25-30 वर्षे तुम्हीं आमचा उपयोग करुन घेतला. प्रत्येक आंदोलनात खांद्याला खांद्या लावून रस्त्यावर उतरत होते. मग आज केंद्रात सत्ता आल्यावर शिवसेना खुपायला लागली?, असा सवाल उध्दव ठाकरे यांनी केला

औरंगाबाद : काश्मीरमध्ये दिवसाढवळ्या हिंदूची हत्या होतेय. त्यांचा जीव वाजवा. तिथे जावून हनुमान चालिसा म्हणा किंवा दुग्धाभिषेक करा, तेव्हा कळेल तुमचे हिंदुत्व, अशी टिका मुख्यमंत्री उध्दव ठाकरे यांनी भाजपवर केली.

औरंगाबाद : कोणाला हिंदूत्व शिकवताय. बाबरी मशीद पडली तेव्हा अडवाणी आणि वाजपेयींनी माघार घेतली. तेव्हा शिवसेनाप्रमुखांनी ठणकावून सांगितले होते. बाबरी पाडणारा शिवसैनिकच होता, असे उध्दव ठाकरे यांनी सांगितले

औरंगाबाद : संभाजीनगर करण्याचे वचन हिंदूहृदयसम्राट बाळासाहेब ठाकरे  यांनी दिले होते. ते मी विसलो नाही. ते संभाजीनगर केल्याशिवाय राहणार नाही. नाव का आता बदलू शकतो. नावाला सार्थ असं शहर असले पाहिजे. पहिल्यांदा विमानतळ नाव केंद्राकडून बदलून आणा. आक्रोश करायचा तो तिकडे करा, अशी टिका मुख्यमंत्री उध्दव ठाकरे यांनी भाजपवर केली.

औरंगाबाद : उध्दव ठाकरे यांच्या नेतृत्वाखाली महाविकास आघाडी सरकारने चांगली दिशा दिली आहे. देशाभरातील लोक उध्दव ठाकरे यांच्याकडे आशेने बघत आहेत. शिवसेनेची संभाजीनगरची सभा ही हिंदुत्वाची गर्जना करणारी सभा आहे, असे मत शिवसेनेचे खासदार संजय राऊत यांनी यांनी व्यक्त केले. 

औरंगाबाद : औरंगाबाद मराठवाडा सांस्कृतिक मैदानावर जाहीर सभास्थळी मुख्यमंत्री उद्धव ठाकरे दाखल झाले. त्यांनी व्यासपीठावरील छत्रपती शिवाजी महाराज आणि संभाजी महाराजांच्या पुतळ्यास पुष्पहार अर्पण केले. या सभेसाठी महाराष्ट्राभरातून शिवसैनिक मोठ्या संख्येने उपस्थित आहेत.

मुख्यमंत्री उद्धव ठाकरे आपल्या शासकीय निवासस्थान वर्षाहून औरंगाबादसाठी रवाना झाले आहेत. 
 

औरंगाबादचे संभाजीनगर या संदर्भात बोलताना पालकमंत्री सुभाष देसाई म्हणाले की, औरंगाबाद शहराचे नाव स्वर्गीय बाळासाहेब ठाकरे यांनी संभाजीनगर केलेले असून आताही संभाजीनगरच आहे. कागदोपत्री काही गोष्टी राहिल्या असून त्याही गोष्टी लवकरात लवकर पूर्ण होतील. मात्र आता औरंगाबाद शहराचे नाव हे संभाजीनगरच. मुख्यमंत्री उद्धव ठाकरे यांची सभा मोठी विराट होणार असून या सभेला हे मैदान पुरणार नसल्याने औरंगाबाद शहरातील विविध मैदानामध्ये मोठ्या स्क्रीनद्वारे सभेचे प्रक्षेपण करण्यात येणार असल्याचीही माहिती यावेळी पालकमंत्री सुभाष देसाई यांनी दिली आहे.
 

उद्धव ठाकरे यांच्यासभेसाथी उस्मानाबाद जिल्ह्यातुन साधारण ६०० ते ७०० वाहनांतून हजारो शिवसैनिक औरंगाबादकडे रवाना झाले आहेत.  शिवसैनिकांच्या उपस्थितीने औरंगाबाद चक्काजाम होईल असा दावा उस्मानाबादचे तालुकाप्रमुख सतीश सोमाणी यांना व्यक्त केला आहे.
 

औरंगाबादमध्ये पावसाची हजेरी, मुख्यमंत्री उद्धव ठाकरे यांच्या सभेवर पावसाचे सावट