Vinayak Mete Death: 3 ऑगस्टलाही मेटेंचा अपघात करण्याचा झाला होता प्रयत्न; ऑडिओ क्लिप व्हायरल
विनायक मेटे यांच्या अपघाताच्या घटनेनंतर हा अपघात की घातपात याबाबत अनेक शंका उपस्थित केल्या जात आहे.
- विनायक मेटे यांच्या अपघाताच्या घटनेनंतर हा अपघात की घातपात याबाबत अनेक शंका उपस्थित केल्या जात आहे.
- तर असे काही तथ्य आणि दावे समोर येत आहेत की त्यातून हा घात असल्याचे समोर येत आहे.
- एक ऑडिओ क्लिप सद्या सोशल मीडियावर व्हायरल होत आहे.
Vinayak Mete Death: विनायक मेटे यांच्या अपघाताच्या घटनेनंतर हा अपघात की घातपात याबाबत अनेक शंका उपस्थित केल्या जात आहे. तर असे काही तथ्य आणि दावे समोर येत आहेत की त्यातून हा घात असल्याचे समोर येत आहे. अशातच एक ऑडिओ क्लिप सद्या सोशल मीडियावर व्हायरल होत आहे. बीड येथील स्थानिक पत्रकार उद्धव मोरे आणि शिवसंग्रामचे कार्यकर्ते अण्णासाहेब मायकर यांच्यात फोनवरून संवाद झाला, त्यात मेटेंचा अपघात करण्याचा प्रकार गेल्या 3 ऑगस्ट रोजी झाल्याचे म्हटले आहे.
अपघाताच्या आधी मेटेंच्या पाच-सहा दिवस सोबत असलेले आणि त्यांचे जवळचे समजले जाणारे अण्णासाहेब मायकर यांची ही ऑडिओ क्लिप असल्याचा दावा केला जात आहे. ज्यात तीन ऑगस्टला सुद्धा मेटे यांच्या गाडीला अपघात करण्याचा प्रयत्न केला गेल्याचा दावा केला जात आहे. मात्र या ऑडिओ क्लिपची टाइम्स नाऊ मराठी पृष्टी करत नाही.