Maharashtra vidhan parishad election 2022: महाराष्ट्राच्या विधानपरिषदेतील १० जागांसाठी आज निवडणूक होत आहे. भाजपनं या निवडणुकीत ५ जणांना उमेदवारी दिली आहे. प्रविण दरेकर, राम शिंदे, उमा खापरे, श्रीकांत भारतीय, प्रसाद लाड विधानपरिषद निवडणूक लढवत आहेत. तर महाविकास आघाडीचे ६ उमेदवार रिंगणात आहेत.
विधान परिषद निकालाच्या पार्श्वभूमीवर शिवसेनेच्या आमदारांची उद्या बैठक, मुख्यमंत्री उद्धव ठाकरे करणार मार्गदर्शन
विधान परिषदेच्या अत्यंत उत्कंठावर्धक निवडणुकीत काँग्रेसच्या पहिल्या पसंतीच्या उमेदवार चंद्रकांत हंडोरे यांचा धक्कादायक पराभव झाला आहे. भाजपकडून राम शिंदे (३०), श्रीकांत भारतीय (३०), प्रविण दरेकर (२९) प्रसाद लाड (२८) आणि उमा खापरे (२७) मते मिळवून विजयी झाले. तर शिवसेनेचे आमशा पडवी (२६) आणि सचिन अहिर (२६) मते, राष्ट्रवादी काँग्रेसकडून रामराजे निंबाळकर (२८) आणि एकनाथ खडसे (२९) काँग्रेसकडून भाई जगताप (२६) मते मिळवून विजयी झाले. चंद्रकात हंडोरे यांना २२ मते मिळाली. त्यामुळे ते पराभूत झाले.
भाजपने खूप छळ केला. मला रोखण्याचा अतोनात प्रयत्न केला. मला बेघर करण्याचा प्रयत्न - एकनाथ खडसे
अतिरिक्त मिळालेली मते भाजपच्या मित्रांनी केली - एकनाथ खडसे
काँग्रेसच्या भाई जगताप, चंद्रकांत हंडोरे, आणि प्रसाद लाड यांच्यात लढत
चंद्रकांत हंडोरे यांना २२, भाई जगताप यांना पहिल्या पसंतीची १९ मते तर प्रसाद लाड यांना १७ मते पडली आहेत. आता दुसऱ्या पसंतीच्या मतांवर अवलंबून आहे.
राम शिंदे, श्रीकांत भारतीय, उमा खापरे, प्रविण दरेकर, एकनाथ खडसे, आमशा पाडवी, सचिन आहिर, रामराजे निंबाळकर, चंद्रकांत हंडोरे विजयी
भाई जगताप आणि प्रसाद लाड यांच्यात काटें की टक्कर, भाजप भाई जगताप यांना १५ मते तर प्रसाद लाड यांना १२ मते पडली आहे.
एकनाथ खडसे आणि राम शिंदे यांचा विजय
आक्षेप घेतलेली दोन मते बाजुला ठेऊन मतमोजणी सुरू, रामराजे निंबाळकर आणि उमा खापरे यांच्या मतावर आक्षेप नोंदविण्यात आला आहे.
रामराजेंचे मत बाद करण्यावर राष्ट्रवादीचा आक्षेप घेतला आहे. याविरुद्ध केंद्रीय निवडणूक आयोगाकडे दाद मागितली जाणार आहे.
उमा खापरेंना मिळालेले मत चुकीच्या पद्धतीने बाद केल्याचा भाजपचा दावा, या संदर्भात केंद्रीय निवडणूक आयोगाकडे दाद मागणार असल्याचे भाजपने स्पष्ट केले आहे.
विधान परिषदेच्या १० जागांसाठी सुरू असलेल्या मतदानात २८५ पैकी २ मते बाद ठरल्याने २८३ मते वैध ठरली आहे. त्यामुळे विजयी उमेदवाराला २५.७३ मते लागणार आहेत.
दोन मते बाद झाली, एक भाजप तर एक मविआचे मत, उमा खापरे यांना पडलेले पहिले मत आणि रामराजे यांना पडलेली पहिले मत बाद
उमा खापरेंच्या पहिल्या पसंतीच्या मतावर मविआचा आक्षेप, भाजपने यापूर्वी तिसऱ्या पसंतीच्या मतावर आक्षेप घेतला होता.
शेवटच्या २५ मतपत्रिकांची छाननी सुरू, तिसऱ्या पसंतीच्या मताबद्दल आक्षेप, ते मत बाद
खडाजंगी झालेले मत बाजूला ठेवलं आहे, भाजपचे आमदार आशिष शेलार यांनी या मतावर आक्षेप घेतला होता. या मतपत्रिकेवर पहिल्या पसंतीसाठी राष्ट्रवादीचे उमेदवार रामराजे निंबाळकर यांना देण्यात आले होते. त्यानंतर तिसऱ्या पसंतीसाठी मत देताना ओव्हर रायटिंग झाल्यामुळे आक्षेप घेतला आहे.
मत बाद करण्यावरून भाजप आणि महाविकास आघाडीमध्ये खडाजंगी सुरू
