17 omicron cases in maharashtra महाराष्ट्रात आढळले ओमायक्रॉनचे १७ रुग्ण

महाराष्ट्रात आढळले ओमायक्रॉनचे १७ रुग्ण 

17 omicron cases found in maharashtra मुंबईः महाराष्ट्रात आतापर्यंत ओमायक्रॉनची बाधा झालेले १७ रुग्ण आढळले. यापैकी सहा जण बरे झाले तर ११ जणांवर उपचार सुरू आहेत. आज (शुक्रवार १० डिसेंबर २०२१) ओमायक्रॉनची बाधा झालेले तीन रुग्ण मुंबईत तर चार रुग्ण पिंपरी चिंचवडमध्ये आढळले. यामुळे सध्या मुंबईत उपचार घेत असलेल्या ओमायक्रॉनबाधितांची संख्या दोनवरुन पाचवर पोहोचली तर पिंपरी चिंचवडमधील ओमायक्रॉनबाधितांची संख्या दोनवरुन सहावर पोहोचली. 

मुंबईत आज आढळलेल्या चार ओमायक्रॉनबाधितांपैकी पहिला रुग्ण ४८ वर्षांचा असून टांझानियातून आला आहे. दुसरा रुग्ण २५ वर्षांचा असून लंडनमधून आला आहे. पहिल्या रुग्णाचे लसीकरण पूर्ण झालेले नाही तर दुसऱ्याचे लसीकरण झाले होते. तिसरा रुग्ण ३७ वर्षांचा असून मूळचा गुजरातचा रहिवासी आहे. ही व्यक्ती दक्षिण आफ्रिकेतून मुंबईत आली आहे. याचे लसीकरण झाले आहे.

बातमीची भावकी

Deciosion about School शाळा सुरू कराव्या की नाही, महाराष्ट्र शासन ठरवणार

rtpcr every week for student professor लसीचा २ डोस घेतले असले तरी दरमहा आरटीपीसीआर चाचणी बंधनकारक , एक डोस घेतलेल्यांसाठी 'हा' आहे नियम

Health Dept Exam Scam : आरोग्य विभागातील परीक्षा भ्रष्टाचार प्रकरणी आरोग्य मंत्र्यांनी राजीनामा द्या, भाजपची मागणी

महाराष्ट्रातील ओमायक्रॉनबाधीत

आज मुंबईत आढळलेले ३ रुग्ण हे ४८, २५ आणि ३७ वर्षांचे पुरुष असून त्यांनी अनुक्रमे टांझानिया, इंग्लंड आणि द. आफ्रिका-नैरोबी या देशांमध्ये प्रवास केलेला आहे तर पिंपरी चिंचवडमध्ये आढललेले ४ ही रुग्ण हे नायजेरियावरुन आलेल्या ओमायक्रॉन बाधित आढळलेल्या महिलेचे येथील नातेवाईक आहेत. 

आज आढळलेल्या ७ रुग्णांपैकी ४ जणांचे लसीकरण पूर्ण झाले आहे.  एका रुग्णाने लसीचा एकच डोस घेतला आहे तर एका रुग्णाचे लसीकरण झालेले नाही. एका रुग्णाचे वय साडे तीन वर्षे असल्याने लसीकर्ण झालेले नाही. ४ रुग्ण लक्षणेविरहित आहेत तर  ३ रुग्ण सौम्य स्वरुपाचे आहेत.