maharashtra indefinite strike : महाराष्ट्र शासनाचे 18 लाख कर्मचारी संपावर

महाराष्ट्र शासनाचे 18 लाख कर्मचारी संपावर  |  फोटो सौजन्य: Representative Image

18 lakh maharashtra government employees on indefinite strike, stop work, indefinite band in maharashtra : जुनी पेन्शन योजना लागू करा, अशी मागणी करत महाराष्ट्र शासनाच्या कर्मचाऱ्यांनी संपाची हाक दिली आहे. महाराष्ट्र शासनाचे 18 लाख कर्मचारी मध्यरात्रीपासून संपावर जात आहेत. राज्य सरकार जोपर्यंत जुनी पेन्शन योजना लागू करण्याचा निर्णय घेत नाही तोपर्यंत संप करू असे कर्मचारी संघटनांनी जाहीर केले आहे. कर्मचारी संघटनांनी सोमवारच्या मध्यरात्रीपासून बेमुदत संप सुरू होत असल्याची घोषणा केली आहे. संपात शासकीय रुग्णालये, शाळा, कॉलेज, नगरपालिका, जिल्हा परिषद, म्हाडा, तहसीलदार कार्यालये येथे कार्यरत असलेले सरकारी कर्मचारी सहभागी होणार आहेत.

राज्य सरकारी - निमसरकारी, शिक्षक, शिक्षकेतर कर्मचारी संघटना समन्वय समितीने मुंबई प्रेस क्लब येथे पत्रकार परिषद घेऊन संपाची घोषणा केली. सरकारी कर्मचाऱ्यांबरोबर मुंबई महापालिका कर्मचाऱ्यांचा आम्हाला पाठिंबा आहे. मंगळवारी आझाद मैदान येथे मोर्चा काढून ते आपला संप जाहीर करणार असल्याचे समितीचे निमंत्रक काटकर यांनी सांगितले. 

मंत्रालय आणि इतर सरकारी कार्यालयांतील कर्मचारी बेमुदत संपाला पाठींबा देत आहेत. शिवाय चतुर्थ श्रेणी कर्मचारी संघटनेच्या प्रमुखांचा सुद्धा पाठिंबा या संपाला आहे. त्यामुळे उपहारगृहांवर अवलंबून राहणाऱ्यांच्या जेवणाचे मोठे हाल होणार आहेत; असे काटकर म्हणाले.

राज्यातील एकूण कर्मचाऱ्यांची संख्या
 
सरकारी कर्मचारी  -                    4 लाख दहा हजार 
शिक्षक शिक्षकेतर कर्मचारी -        7 लाख नव्वद हजार 
महामंडळे/ नगरपरिषद कर्मचारी - 3 लाख पन्नास हजार 
रिक्त पदे -                                2 लाख 37 हजार 

1. 31 ऑक्टोबर 2005 पर्यत जुनी पेन्शन योजना (ओ पी एस) लागू होती. 
2. 1 नोव्हेंबर 2005 पासून नवीन पेन्शन योजना (  एन पी एस ) लागू केली. त्यात एकूण पेन्शनधारक 3 लाख 14 हजार 900 आहेत. 

प्रमुख मागण्या 

1. जुनी पेन्शन योजना लागू करा
2. कंत्राटी कामगार पद्धत बंद करा 
3. रिक्त पदे तात्काळ भरा 
4. अनुकंपा नियुक्त्या विनाशर्त करा
5. निवृत्तीचे वय 60 वर्ष करा

अधिवेशनाचे काय होणार?

महाराष्ट्राच्या विधीमंडळात अर्थसंकल्पीय अधिवेशन सुरू आहे. हे अधिवेशन 24 मार्च 2023 पर्यंत आहे. अधिवेशनाच्या कामात मोठ्या संख्येने सरकारी अधिकारी आणि कर्मचारी गुंतले आहेत. संपाला या अधिकारी आणि कर्मचाऱ्यांचा पाठिंबा मिळाला तर सरकारी कामकाज पुरते कोलमडणार आहे. यामुळे संप सुरू झाल्यावर काय घडते याकडे अनेकांचे लक्ष आहे.

परीक्षांचे काय होणार?

महाराष्ट्रात दहावी बारावी बोर्डाच्या परीक्षा सुरू आहेत. संपामुळे परीक्षेवर परिणाम होणार की नाही याबाबत संभ्रम आहे. 

संपाचे स्वरुप

संघटनेचे अठरा लाख कर्मचारी कामावर म्हणजे कार्यालयात येणार नाहीत. जेव्हा संघटनेकडून आदेश दिले जातील तेव्हा कर्मचारी निर्दर्शने, सभा यात सहभागी होणार आहेत. जिल्हा स्तरावर काळ्या फिती लावून संप केला जाईल.

समोसा विकून नशीब घडवलं

या ब्रँडची मूळ नावं माहिती आहेत का?

बातमीची भावकी

Bhushan Desai : सुभाष देसाईंचे कुल'भूषण' एकनाथ शिंदेंच्या छत्रछायेत, शिवसेनेत प्रवेश

बीड - धक्कादायक! परळीत 16 वर्षीय दहावीच्या मुलीचा लावला बालविवाह

Onion Farmers: राज्यातील कांदा उत्पादक शेतकऱ्यांना प्रति क्विंटल 300 रुपये सानुग्रह अनुदान