INS Ranvir Blast : मुंबईत नौदलाच्या आयएनएस रणवीर युद्धनौकेत स्फोट, तीन जवान शहीद, ११ जखमी

Representational Image 

INS Ranveer Blast : मुंबई : मुंबईतील नवल डॉकयार्ड येथे युद्धनौका रणवीरवर मोठा स्फोट झाला आहे. या स्फोटात भारतीय नौदलाचे तीन जवान शहीद झाले आहेत. स्फोट झाल्यानंतर उपस्थित कर्मचार्‍यांनी परिस्थिती आटोक्यात आणली, त्यामुळे पुढील अनर्थ टळला. या स्फोटात ११ जण जखमी झाले आहेत.

एएनआय वृत्तसंस्थेने याबाबत वृत्त दिले आहे. आयएनएस रणवीर ईस्टर्न नेव्हल कमांडकडून क्रॉस कोस्ट ऑपरेशनल तैनातीवर होते आणि ते लवकरच बेस पोर्टवर परतणार होते, त्यावेळी ही घटना निदर्शनास आल्याचे भारतीय नौदलाच्या अधिकाऱ्यांनी सांगितले असल्याची माहिती एएनआय या वृत्तसंस्थेने दिली आहे. तसेच  नौदल रुग्णालयात जखमी झालेल्या 11 जणांवर उपचार सुरू आहेत.