आदित्य ठाकरेंनी आजच हटविले नाही ट्विटरवरून मंत्रीपद, फिरणाऱ्या बातमी मागचे सत्य जाणून घ्या

मुंबई
रोहन जुवेकर
Updated Jun 22, 2022 | 14:36 IST

Aditya Thackeray changes Twitter bio in 2020 : आदित्य ठाकरे यांनी त्यांच्या ट्विटर बायो मधून स्वतःच्या मंत्रीपदाचे उल्लेख काढले आहेत. पण हा बदल आदित्य यांनी २०२० मध्येच केला आहे.

Aditya Thackeray changes Twitter bio in 2020
आदित्य ठाकरेंनी २०२० मध्येच बदलला ट्विटर बायो  |  फोटो सौजन्य: Representative Image
थोडं पण कामाचं
  • आदित्य ठाकरेंनी २०२० मध्येच बदलला ट्विटर बायो
  • बदल आदित्य यांनी २०२० मध्येच केला
  • शिंदे यांच्या बंडाचा आणि आदित्य ठाकरे यांच्या ट्विटर बायोचा संबंध नाही

Aditya Thackeray changes Twitter bio in 2020 : मुंबई : महाराष्ट्राचे पर्यावरणमंत्री आदित्य ठाकरे यांनी एकनाथ शिंदे यांच्या बंडानंतर ट्विटर बायोमधील स्वतःचे मंत्रीपदाचे उल्लेख काढून टाकल्याचे वृत्त सोशल मीडियावर व्हायरल होत आहे. पण हे वृत्त चुकीचे आहे, असेच म्हणावे लागले. आदित्य ठाकरे यांनी त्यांच्या ट्विटर बायो मधून स्वतःच्या मंत्रीपदाचे उल्लेख काढला आहे. पण हा बदल आदित्य यांनी २०२० मध्येच केला आहे. एकनाथ शिंदे यांच्या बंडाचा आणि आदित्य ठाकरे यांच्या ट्विटर बायोचा संबंध नाही.

बॉलिवूड अभिनेता सुशांत सिंह आणि दिशा सालियान (दिशा सालिअन) या दोघांच्या मृत्यूचा आणि आदित्य ठाकरे यांचा काही तरी संबंध असल्याची ओरड सोशल मीडियातून सुरू झाली. यानंतर आदित्य ठाकरे यांनी राजीनामा देतो आणि आरोपमुक्त झाल्यानंतरच मंत्रीपद स्वीकारेन अशी भूमिका घेतल्याची बातमी निवडक माध्यमांनी दिली. आदित्य ठाकरे यांनी स्वतःच्या ट्विटर बायोमधून त्यांच्या मंत्रीपदाचे उल्लेख काढून टाकला. बायो बदलण्यात आल्याचीही बातमी संबंधित माध्यमांनी दिली. यामुळे एकनाथ शिंदे यांच्या बंडानंतर आदित्य ठाकरेंनी ट्विटर बायोमध्ये बदल केल्याच्या वृत्तात तथ्य नाही.

बायो बदलला पण राजीनामा दिला नाही

सोशल मीडियात २०२० मध्ये आदित्य ठाकरे विरोधी ओरड सुरू झाली. यानंतर आदित्य यांनी ट्विटरमधील बायोतून स्वतःच्या मंत्रीपदाचे उल्लेख काढून टाकले. पण ते मंत्रीपदावर कायम आहेत. मुख्यमंत्र्यांनी आदित्य यांनी दिलेला राजीनामा फेटाळला अशा स्वरुपाची बातमी निवडक माध्यमांनी दिली. यानंतर आदित्य यांच्या राजीनाम्याचा विषय माध्यमांतून मागे पडला. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी