New guidlnes : आज रात्रीपासून राज्यात नवी नियमावली? टास्क फोर्सची बैठक संपली
lockdown news in marathi राज्यातील वाढता कोरोना रुग्णसंख्या पाहता प्रशासन अॅक्शन मोडवर आले आहे. काल राज्यात दररोज 18 हजारांच्या जवळपास रुग्ण आढळले आहेत.
आज रात्रीपासून राज्यात नवी नियमावली?
थोडं पण कामाचं
- राज्यातील वाढता कोरोना रुग्णसंख्या पाहता प्रशासन अॅक्शन मोडवर आले आहे.
- काल राज्यात दररोज 18 हजारांच्या जवळपास रुग्ण आढळले आहेत.
- सध्या मुंबई, ठाणे आणि पुण्यातील पहिली ते नववी आणि ११ वीच्या ऑफलाइन शाळा बंद करण्यात आल्या आहेत.
Maharashtra Mini Lockdown news । मुंबई : राज्यातील वाढता कोरोना रुग्णसंख्या पाहता प्रशासन अॅक्शन मोडवर आले आहे. काल राज्यात दररोज 18 हजारांच्या जवळपास रुग्ण आढळले आहेत. त्यामुळे राज्य सरकारने या संदर्भात पाऊले उचलण्यास सुरुवात केली आहे. ओमायक्रॉनसह कोरोनाच्या तिसऱ्या लाटेचे संकटाचा सामना करण्याासाठी सध्या मुंबई, ठाणे आणि पुण्यातील पहिली ते नववी आणि ११ वीच्या ऑफलाइन शाळा बंद करण्यात आल्या आहेत. ( ajit pawar holds Urgent meeting in Mantralaya with task force on maharashtra lockdown)
राज्यात संध्याकाळी 9 ते सकाळी 6 पर्यंत जमावबंदी आहे. मात्र, परिस्थिती नियंत्रणात येण्यासाठी राज्य सरकार कडक निर्बंध लावण्याच्या तयारीत आहे. या पार्श्वभूमीवर उपमुख्यमंत्री अजित पवारांनी (ajit pawar ) मंत्रालयात तातडीची बैठक बोलवली. या बैठकीत महत्वपूर्ण निर्णय घेण्यात आले आहेत.
राज्यात सध्या तरी लॉकडाऊन लावण्याच्या सरकार विचारात नाही (Maharashtra Mini Lockdown Updates)
- लॉकडाऊनऐवजी राज्यात कडक निर्बंध लावण्याचा सरकारचा विचार
- राज्यातील सरकारी कर्मचार्‍यांच्या उपस्थिती ७५ ते ५० टक्क्यांवर आणली जाण्याची शक्यता
- शक्य असेल त्या खासगी कार्यालयात वर्क फ्रॉम होम लागू करण्याची शक्यता
- दुकाने, हॉटेल, रेस्टॉरंटच्या वेळा कमी केल्या जाण्याची शक्यता
- राजकीय, धार्मिक कार्यक्रमांवर आणखी निर्बंध
- आरोग्यसेवा सज्ज ठेवण्याची सरकारची तयारी
- मुख्यमंत्र्यांशी चर्चा करून निर्णय घेतला जाणार
- चित्रपटगृह ५० टक्क्यांच्या क्षमतेने सुरू राहण्याची शक्यता
- सरकारी कार्यालकात केवळ ५० टक्के कर्मचार्‍यांना प्रवेश
- राजकीय, धार्मिक आणि सांस्कृतिक कार्यक्रमांना ५० टक्के उपस्थितीची अट
- लग्नकार्य ५० पाहुण्यांच्या उपस्थितीत होण्याची शक्यता
- पर्यटनास्थळावर निर्बंध किंवा बंदी
- रात्रीची संचारबंदी, नियमांचे उल्लंघन केल्यास १४४ नुसार कारवाई
- हॉटेल, बारच्या वेळांमध्ये बदल करून होम डिलिव्हरी आणि पार्सल नेण्याची मुभा
- बाजारात गर्दी कमी करण्यासाठी कडक नियम
- मेट्रो आणि बस ५० टक्के क्षमतेने सुरू राहण्याची शक्यता
वीकेंड लॉकडाऊनची शक्यता
राज्यात आणि मुंबईत कोरोनाचे संकट वाढताना दिसत आहे. त्यामुळे राज्य सरकार वीकेंड लॉकडाऊन लावण्याची शक्यता आहे. सोमवार ते शुक्रवार नियमांप्रमाणे सर्व सुरू राहणार आहे. तर वीकेंड लॉकडाऊनमध्ये गार्डन्स, पार्क, चौपाट्या, पर्यटन स्थळे आणि धार्मिक स्थळे पुन्हा बंद करण्याची शक्यता आहे.
ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.
Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा.