Dahi Handi 2022: रायगडमध्ये AK-47, काडतुसं असलेली बोट आढळल्याने दहीहंडीच्या पार्श्वभूमीवर राज्यात हायअलर्ट; मुंबईसह पुण्यात सुरक्षा यंत्रणा सतर्क

रायगडात एके- 47 रायफल असलेली बोट आढळल्यानं राज्यात हायअलर्ट   |  फोटो सौजन्य: Times Now

Dahi Handi 2022: दहीहंडी सणाच्या (Dahi Handi 2022) आदल्या दिवशी रायगडमधील समुद्र किनाऱ्यावर संशयास्पद बोट (Suspicious Boat In Raigad ) आढळली असून या बोटीमध्ये तीन एके- 47 रायफल आढळून आल्या त्यामुळे एकच खळबळ उडाली.  ही संशयास्पद बोट हरिहरेश्वर किनाऱ्यावर आढळल्यानंतर राज्यामध्ये हायअलर्ट (High Alert ) देण्यात आला आहे. राज्यातील सर्व प्रमुख ठिकाणी, महत्वाची शहरे आणि सागरी महामार्गावरील सुरक्षा वाढवण्यात आली आहे. ठिक-ठिकाणी नाकाबंदी केली जात आहे.

बातमीची भावकी

Suspicious boat in Raigad: हरिहरेश्वरमध्ये सापडलेल्या बोटीचं ओमान कनेक्शन? मोठी माहिती आली समोर

हरिहरेश्वर किनाऱ्यावरील बोटीवर फडणवीसांचं निवेदन, पण AK-47 बद्दल काहीच बोलले नाही!

मुंबईतील प्रसिद्ध गणपती मंडळांच्या सहलीचे आयोजन, मुंबई-पुण्यातील आवडत्या बाप्पांचे करता येणार दर्शन

तब्बल दोन वर्षांनंतर देशभरात दहीहंडी साजरी केली जाणार असल्याने सणाचा उत्साह शिगेला पोहचला आहे अशामध्ये या संशयास्पद बोटी आढळल्यामुळे पोलिसांना (Mumbai Police) सतर्क राहण्याचे आदेश देण्यात आले आहेत. मुंबईत दहहंडीचा मोठा उत्साह असतो. या सणाच्या दिवशी कोणताही अनुचित प्रकार घडू नये यासाठी मुंबईमध्ये सुरक्षाव्यवस्थेत वाढ करण्यात आली आहे. 

Read Also : Horoscope Today : पाहा तुमच्यासाठी आजचा दिवस कसा जाईल

मुंबई पोलिसांनी शहराच्या सुरक्षिततेच्या दृष्टीने दिल्या सूचना 

• पोलीस स्थानकाच्या हद्दीतील महत्वाच्या ठिकाणी पुढील आदेशापर्यंत नाकाबंदीचे आयोजन करण्यात येणार आहे. नाकाबंदीकरता कमीत कमी 10 पोलीस अंमलदारांसह एका पोलीस उप निरीक्षक दर्जाच्या अधिकारी यांची नेमणूक करावी. नाकाबंदीच्या ठिकाणी आवश्यक संख्येमध्ये शस्त्र, दारुगोळा, बुलेटप्रुफ जॅकेट यांचा वापर करण्यात येणार आहे. 
• पोलीस ठाण्याच्या हद्दीमध्ये परिणामकारक कोंबिंग ऑपरेशनचे आयोजन करून अभिलेखावरील पाहिजे आणि फरारी आरोपी तसेच अभिलेखावरील हिस्ट्री शीटर गुन्हेगारांची तपासणी करावी. 
• गुन्हे प्रकटीकरण अधिकारी, तडीपार कक्ष अधिकारी यांनीही आपल्या पथकासमवेत पोलिस ठाण्याच्या हदीमध्ये सतर्क आणि परिणामकारक गस्त करून कारवाई करण्यात येणार आहे.
• दहशतवाद विरोधी पथकाचे अधिकारी पोलिस ठाण्याच्या हद्दीतील सर्व हॉटेल, लॉज, धर्मशाळा तसेच महत्वाच्या आस्थापना आणि संवेदनशील ठिकाणांची कसून तपासणी करावी. तसेच आवश्यकतेप्रमाणे घातपात विरोधी तपासणी करून घ्यावी. मुंबईमध्ये सागरी कवच अभियान राबविण्यात यावे. याकरीता जास्तीत जास्त मनुष्यबळ आणि आवश्यक त्या साधन सामग्रीचा वापर करावा. सागरी गस्तीमध्ये वाढ करावी. 
• वेस्टर्न एक्स्प्रेस हायवेवर पोलिसांकडून नाकाबंदी करून प्रत्येक वाहनाची तपासणी केली जात आहे. पोलीस गाडीत बसलेल्या लोकांची चौकशी करत आहेत, त्यानंतरच त्यांना येथून पुढे जाण्यासाठी सोडण्यात येत आहे.
• पोलीस स्टेशनच्या हद्दीतील मिश्र लोकवस्ती, गर्दीची ठिकाणे, संवेदनशील ठिकाणांची तपासणी करावी.
•  महत्त्वाच्या आणि संवेदनशील ठिकाणी पुढील आदेशापर्यंत जास्तीत जास्त पोलिस कर्मचारी तैनात करावे तसेच पंचतारांकित हॉटेल्सच्या सुरक्षेचा आढावा घ्यावा.
• सशस्त्र पोलीस दलातील शस्त्रागार विभाग यांनी त्यांचेकडील सर्व शस्त्र, दारूगोळा, बुलेटप्रूफ जॅकेटस्, गॅसगन, गॅस ग्रेनेड, रबर बुलेट व गन, आरआयव्ही आदी सुस्थितीत ठेवावे.

Read Also : उद्यापासून मुंबईत धावणार आणखी १० लोकल एसी गाड्या

 पुण्यातही हाय अलर्ट 

रायगडच्या पार्श्वभूमीवर पुण्यातही हाय अलर्ट जारी करण्यात आला आहे. पुणे पोलीस आयुक्त अभिताभ गुप्ता यांनी तात्काळ अधिकाऱ्यांची बैठक बोलावून सतर्कतेच्या सूचना दिल्या. याच पार्श्वभूमीवर शहरात प्रमुख चौकात नाकाबंदीही लावण्यात आली आहे.

रत्नागिरीतील सागरी महामार्गावरील गस्त वाढवली

हरिहरेश्वमध्ये संशयास्पद बोट सापडल्याच्या पार्श्वभूमीवर रत्नागिरी जिल्ह्यात सुद्धा अलर्ट जारी करण्यात आला आहे. रत्नागिरीच्या पोलीस अधीक्षकांनी आदेश दिले आहेत. सागरी महामार्गावरील गस्तही वाढवण्यात आली आहे. 20 हून अधिक सागरी महामार्गावरील चेक पोस्ट अलर्टवर आहेत. सागरी किनाऱ्यावरील लँडिंग पॉईंट वर 24 तास पोलिसांची नजर असणार आहे.