Maharashtra farmers : बळीराजाचं ठाकरे सरकार शेतकऱ्यांना मोफत देणार भाज्या, कडधान्यांचे 10 वाण

सरकार शेतकऱ्यांना मोफत देणार भाज्या, कडधान्यांचे 10 वाण  |  फोटो सौजन्य: फेसबुक

मुंबई :  कांदा, कापूस, ऊस, यासह अन्य उत्पादनाच्या बाबतीत महाराष्ट्र नेहमीच अग्रेसर राहिला आहे. राज्यात शेतीपुरक वातावरण असल्याने शेतीला प्रोत्साहन देण्यासाठी राज्य शासनाकडून (State Government) विविध सुविधा आणि मोफत योजना (Free Scheme) राबवल्या जातात.  दरम्यान मुख्यमंत्री उद्धव ठाकरे (cm uddhav Thackeray) यांनी राज्यातील खरीप हगांमाबाबत (Kharif season) आढावा बैठक घेतली यामध्ये भारतात महाराष्ट्र हे शेतकरी बांधवांच्या आरोग्यासाठी पोषक गुणधर्म असणाऱ्या भाज्या, कडधान्यांचे दहा वाण मोफत देणार आहे. 

बातमीची भावकी

Ajit Pawar : शेतकऱ्यांचे आर्थिक बळकटीकरण करण्याचा शासनाचा प्रयत्न - उपमुख्यमंत्री अजित पवार

BOM vs Farmer : कर्ज न फेडणाऱ्यांना मोठ्या लोकांना सोडता, अन् शेतकऱ्यांना पिडता - सर्वोच्च न्यायालयाने बँक ऑफ महाराष्ट्रला सुनावलं

शेतकऱ्यांचे नुकसान टाळण्यासाठी संपूर्ण ऊस गाळप होईपर्यंत साखर कारखाने सुरु ठेवावे – मुख्यमंत्री उद्धव ठाकरे यांचे निर्देश

यावेळी बोलताना मुख्यमंत्री म्हणाले की, शेतकरी बांधवांच्या आरोग्याचा विचार करणारे महाराष्ट्र देशातले पहिले राज्य असल्याचेही त्यांनी यावेळी स्पष्ट केले. ते पुढे म्हणाले की, राज्याच्या सर्वांगीण प्रगतीत कृषी क्षेत्राचे मोठे योगदान आहे. राज्य शासनाने विकासाची पंचसूत्री स्वीकारली असून कृषी क्षेत्राला प्रथम प्राधान्य दिले आहे. त्यामुळे शेतीला आधुनिकतेची जोड देण्याचे आवाहन करत यंदाचा खरीप हंगाम यशस्वी करण्यासाठी कृषी विभागाने नियोजनाची काटेकोर अंमलबजावणी करण्याचे निर्देश मुख्यमंत्री उद्धव ठाकरे यांनी दिले. 

शेतकरी बांधव आपल्या कुटुंबातले घटक आहेत. त्यामुळे यंत्रणेने आपुलकीने कुटुंबासारखे काम करावे. ‘विकेल ते पिकेल’ अभियान यशस्वी करण्यासाठी कृषी विभागाने शेतकरी बांधवांना मार्गदर्शन केले पाहिजे.  रोग, कीडींचा प्रादुर्भाव रोखण्याबरोबरच अतिवृष्टीचा सामना करण्यासाठी सतर्कता बाळगली पाहिजे. शेतमालाला हमी भाव आहे, पण हमखास भाव मिळाला पाहिजे, असेही मुख्यमंत्र्यांनी यावेळी स्पष्ट केले.