Anandacha Shidha from Gudi Padwa : गुढीपाडव्यापासून महाराष्ट्रातल्या पात्र शिधापत्रिकाधारकांना मिळेल आनंदाचा शिधा
Eligible ration card holders in Maharashtra will get Anandacha Shidha from Gudi Padwa : आनंदाचा शिधा गुढीपाडवा या मराठी नवीन वर्षांपासून पुढील एक महिन्याच्या कालावधीसाठी वितरीत करण्यात येणार आहे. यंदा गुढीपाडवा बुधवार 22 मार्च 2023 रोजी आहे. यामुळे बुधवार 22 मार्चपासूनच ‘आनंदाचा शिधा’ वितरीत करण्याचे नियोजन आहे.
आनंदाचा शिधा | फोटो सौजन्य: Representative Image
थोडं पण कामाचं
- गुढीपाडव्यापासून महाराष्ट्रातल्या पात्र शिधापत्रिकाधारकांना मिळेल आनंदाचा शिधा
- महाराष्ट्र शासनाने काढला शासन निर्णय
- शासकीय पातळीवर केले नियोजन
Eligible ration card holders in Maharashtra will get Anandacha Shidha from Gudi Padwa : महाराष्ट्रातील सार्वजनिक वितरण व्यवस्थेअंतर्गत पात्र शिधापत्रिकाधारकांना येत्या गुढीपाडवा, डॉ. बाबासाहेब आंबेडकर जयंती या सण, उत्सवानिमित्त ‘आनंदाचा शिधा’ वितरीत करण्याबाबत शासनाने निर्णय घेतला आहे. हा आनंदाचा शिधा गुढीपाडवा या मराठी नवीन वर्षांपासून पुढील एक महिन्याच्या कालावधीसाठी वितरीत करण्यात येणार आहे. यंदा गुढीपाडवा बुधवार 22 मार्च 2023 रोजी आहे. यामुळे बुधवार 22 मार्चपासूनच ‘आनंदाचा शिधा’ वितरीत करण्याचे नियोजन आहे.
गुढी पाडव्यात काढा ही आकर्षक रांगोळी
मराठी नववर्ष गुढी पाडवा साजरा करण्यासाठी घराच्या दारासमोर काढा ही आकर्षक रांगोळी, बघा व्हिडीओ
राज्यातील अंत्योदय अन्न योजना, प्राधान्य कुटुंब तसेच औरंगाबाद व अमरावती विभागातील सर्व जिल्हे आणि नागपूर विभागातील वर्धा अशा शेतकरी आत्महत्याग्रस्त 14 जिल्ह्यातील दारिद्रय रेषेवरील (एपीएल) केशरी शेतकरी शिधापत्रिकाधारकांना ‘आनंदाचा शिधा’ वाटप करण्यात येणार आहे. ‘आनंदाचा शिधा’ वाटप कार्यक्रम सर्व जिल्ह्यांत एकाच वेळी सर्व ठिकाणी आयोजित करण्याच्यादृष्टीने नियोजन करण्याच्या सूचना मुख्यमंत्री एकनाथ शिंदे यांनी अन्न व नागरी पुरवठा विभागाला दिल्या आहेत.
Gudi Padwa, Gudhi Padwa, Horoscope : कोणत्या राशीसाठी कसा असेल गुढी पाडव्याचा दिवस?
राज्यातील शेतकरी आत्महत्याग्रस्त जिल्ह्यातील दारिद्रय रेषेवरील (एपीएल) केशरी शेतकरी शिधापत्रिकाधारकांना प्रत्येकी एक किलो या परिमाणात रवा, चणाडाळ, साखर व एक लिटर या परिमाणात पामतेल हे शिधाजिन्नस देण्यात येणार आहे. हा ‘आनंदाचा शिधा’ गुढीपाडवा या मराठी नवीन वर्षापासून पुढील एक महिन्याच्या कालावधीकरिता ई-पॉस प्रणालीद्वारे 100 रुपये प्रतिसंच या सवलतीच्या दराने वितरीत करण्यास मान्यता देण्यात आली आहे.
शिधाजिन्नस खरेदी करण्याकरिता 455.94 कोटी रुपये व इतर अनुषंगिक खर्च 17.64 कोटी रुपये अशा एकूण 473.58 कोटी रुपये इतक्या अंदाजित खर्चास मान्यता देण्यात आली आहे. याबाबतचा शासन निर्णय यापूर्वीच अन्न, नागरी पुरवठा व ग्राहक संरक्षण विभागाकडून जारी करण्यात आला आहे.
ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.
Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा.