Fire: राज्यातील अनेक शहरात फटाक्यांनी लावली आग; पुण्यात 17 तर वसईत सहा ठिकाणी लागली आग

मुंबई
भरत जाधव
Updated Oct 25, 2022 | 10:01 IST

नागरिकांनी मोठ्या थाटामाट्यात दिवाळी साजरी केली, निर्बंध असतानाही अनेक ठिकाणी फटाके फोडत आपला आनंद व्यक्त केला. पण फटाके फोडण्याच्या नादात आग लागल्याच्या घटना घडल्या असून एकट्या पुण्यात आग लागल्याच्या 17 घटना समोर आल्या.

Firecrackers set fire in many cities of the state
राज्यातील अनेक शहरात फटाक्यांनी लावली आग  |  फोटो सौजन्य: Times Now
थोडं पण कामाचं
  • वसईतील सहा ठिकाणी, तर यवतमाळ येथे 3 ठिकाणी आग लागल्याची घटना घडल्या आहेत.
  • पुण्यात आग लागल्याच्या 17 घटना समोर आल्या.
  • सुदैवाने या घटनांमध्ये कोणतीही जीवितहानी झाली नाही.

मुंबई :  देशभरासह राज्यभरात मोठ्या उत्साहात दिवाळी (Diwali) सण (festival) साजरा करण्यात आला. तब्बल दोन वर्षांनी देशात  (country) निर्बंधमुक्त दिवाळी साजरी होत आहे. यावेळी नागरिकांकडून जोरदार फटाक्यांची आतिषबाजी (fireworks) देखील झाल्याचे पाहायला मिळाले. परंतु या उत्साहाला मात्र आगीचे गालबोट लागले. पुण्यासह राज्यभरात ठिकठिकाणी आगीच्या घटना घडल्या आहेत. एकट्या पुण्यात (Pune) 17 ठिकाणी  आग लागल्याच्या घटना समोर आल्या आहेत. वसईतील (Vasai) सहा ठिकाणी, तर यवतमाळ(Yavatmal)येथे 3 ठिकाणी आग लागल्याची घटना घडली.  (Firecrackers set fire in many cities of the state; Fire broke out at 17 places in Pune and six places in Vasai)

अधिक वाचा  :  'या' लोकांसाठी घातक आहे पोषक असलेला फणस

नागरिकांनी मोठ्या थाटामाट्यात दिवाळी साजरी केली, निर्बंध असतानाही अनेक ठिकाणी फटाके फोडत आपला आनंद व्यक्त केला. पण फटाके फोडण्याच्या नादात आग लागल्याच्या घटना घडल्या असून एकट्या पुण्यात 17 ठिकाणी आग लागली. तर वसई, विरार आणि नायगावमध्ये आगीच्या 6 घटना घडल्या.  सुदैवाने या दुर्घटनांमध्ये कुठेही जीवितहानी झाल्याचे वृत्त नाही. 

अधिक वाचा  : स्वानंदी बेर्डेचं ग्लॅमरस रुप पाहिलं का?

 पुण्यातील औंधमधील डिपी रोड येथे एका इमारतीलामध्ये पहिल्या मजल्यावर फटाक्यामुळे मोठी आग लागली होती. पुणे व पीएमआरडीए एकूण ७ फायरगाड्या, २ वॉटर टँकर व शासकीय २ आणि अग्निशमनची १ रुग्णवाहिका दाखल झाली होती, त्यानंतर आगीवर नियंत्रण मिळवण्यात आले. सुदैवाने कोणतीही जीवितहानी झाली नाही. 

अधिक वाचा  : एकनाथ शिंदेचं पंतप्रधान मोदींच्या पावलावर पाऊल

वसईत कुठे- कुठे घडल्या घटना

वसई पश्चिमच्या अंबाडी रोड येथील सत्यम बंगल्यात राहणाऱ्या शाह कुटुंबियांच्या घरातील एसीला आग लागली. अग्निशमन केंद्राच्या कर्मचा-यांनी तातडीने धाव घेत मोठी दुर्घटना होण्यापासून वाचवलं. यात सुदैवानं कोणतीही जीवितहानी झाली नाही.आगीची घटना घरातील सीसीटीवी कॅमेऱ्यात कैद झाली आहे.

  • एकट्या विरारमध्ये सोमवारी फटाक्यांच्या ठिणगीमुळे तीन ठिकाणी आग लागल्याच्या घटना घडल्या होत्या. विरार पूर्वेच्या गोपचर पाडा येथे कापसाच्या गाळ्याला फटाक्याची ठिणगी लागून आग लागली होती. गोदामातील संपूर्ण कापूस जळून खाक झाला.
  •  विरार पूर्वेच्या मोहक सिटी येथे इमारतीच्या कन्स्ट्रक्शनसाठी वापरण्यात येणाऱ्या बांबूच्या स्टोरेजला रॉकेटची ठिणगी पडून आग लागली होती. 
  • विरार पश्चिमेच्या नवापूर येथे ही रॉकेटच्या ठिणगीमुळे एका नारळाच्या झाडाला आग लागली होती. तिथेही वसई विरार अग्निशमन विभागाच्या कर्मचाऱ्यांनी तात्काळ घटनास्थळी पोहोचत आग नियंत्रणात आणली.
  •  वसई फाटा येथील एका चप्पल गोदामाला रात्री 10.30 च्या सुमारासभीषण आग लागली होती.  
  • नायगांवच्या टिवरी येथे नक्षत्र प्रिमायसेस या टॅावरमधील 11 व्या मजल्यावर एका घराला रॅाकेटमुळे आग लागली होती.

 यवतमाळमध्ये फटाक्यांमुळे तीन दुकाने जळून खाक 

यवतमाळ जिल्ह्यातील राळेगाव शहरातील क्रांती चौकात रात्री ही घटना घडली. फटाक्यांमुळे आग लागल्याची माहिती मिळताच घटनास्थळी अग्निशमन दलाचे बंब दाखल झाले आणि आग आटोक्यात आणली.

ठाण्यात पाच घटना

 ठाण्यात फटाके फोडल्यामुळे वेगवेगळ्या ठिकाणी आगीच्या पाच घटना घडल्या आहेत.  या घटनेत कोणतीही जीवितहानी झाली नाही.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी