Heavy Rain Alert : पुढील 4 दिवस कोकण, मध्य महाराष्ट्रात अतिवृष्टीचा इशारा; अनेक भागात पूरसदृश परिस्थिती निर्माण होण्याची शक्यता

मुंबई
भरत जाधव
Updated Aug 08, 2022 | 09:10 IST

पावसानं (rain) पुन्हा एकदा संपूर्ण राज्यभरात धुमशान घातलं आहे. हवामान विभागाने (India Meteorological Department, IMD) पुढच्या 5 दिवसांसाठी देशातील विविध राज्यांसाठी पावसाचा अलर्ट जारी केला आहे. कोकण (Konkan) आणि मध्य महाराष्ट्रातील (Central Maharashtra) अनेक भागांत मुसळधार पावसाची शक्यता आहे.

Maharashtra Heavy Rain Alert
पुढील 4 दिवस कोकण, मध्य महाराष्ट्रात अतिवृष्टीचा इशारा  |  फोटो सौजन्य: Times Now
थोडं पण कामाचं
  • पावसामुळे अनेक भागांत पूरसदृश परिस्थिती निर्माण होऊ शकते.
  • सध्या राज्यातील विविध भागात चांगला पाऊस कोसळत आहे.
  • बंगालच्या उपसागरातील कमी दाबाचे क्षेत्र पुढील 48 तासांत अधिक तीव्र होणार असल्याने राज्यात मुसळधार पावसाचा अंदाज

Maharashtra Heavy Rain Alert : पावसानं (rain) पुन्हा एकदा संपूर्ण राज्यभरात धुमशान घातलं आहे. हवामान विभागाने (India Meteorological Department, IMD) पुढच्या 5 दिवसांसाठी देशातील विविध राज्यांसाठी पावसाचा अलर्ट जारी केला आहे. कोकण (Konkan) आणि मध्य महाराष्ट्रातील (Central Maharashtra) अनेक भागांत मुसळधार पावसाची शक्यता आहे. पावसामुळे अनेक भागांत पूरसदृश (Flood) परिस्थिती निर्माण होऊ शकते. यासोबतच हवामान खात्याने नदीच्या किनाऱ्यावर राहणाऱ्या लोकांना सतर्कतेचा इशारा दिला आहे. 

दरम्यान, सध्या राज्यातील विविध भागात चांगला पाऊस कोसळत आहे. विशेषत: मराठवाड्यातील औरंगाबाद, लातूर, नांदेड यासह कोकणातील सिंधुदुर्ग, रत्नागिरी याठिकाणी पाऊस पडत आहे. मुंबईतही पावसानं चांगली हजेरी लावली आहे. तसेच यवतमाळ जिल्ह्यातील घाटंजी तालुक्यातील पारवा आणि साखरा या सर्कलमध्ये अतिवृष्टी झाली आहे. अनेक ठिकाणी घरांमध्ये पाणी शिरलं असून शेतीचं मोठे नुकसान झाले आहे.

Read Also : ग्रहांचे दुष्परिणाम दूर करण्यासाठी मोरपंख ठरेल फायद्याचे

मान्सून देशाच्या बहुतांश भागात सक्रिय झाला आहे आणि त्याच्या सामान्य स्थितीच्या दक्षिणेस स्थित आहे. यासोबतच उत्तर-पश्चिम बंगालच्या उपसागरावर कमी दाबाचं क्षेत्रही कायम आहे. तसेच पूर्व-मध्य आणि लगतच्या ईशान्य अरबी समुद्राच्या मध्यभागी समुद्रसपाटीपासून 3.1 किमी आणि 5.8 किमी दरम्यान Cyclonic Circulation आहे. म्हणूनच या हवामान हालचालींमुळे देशातील अनेक राज्यांमध्ये मुसळधार पाऊस पडू शकतो

मुंबईत पुढील तीन दिवस ऑरेंज अलर्ट जारी 

बंगालच्या उपसागरातील कमी दाबाचे क्षेत्र पुढील 48 तासांत अधिक तीव्र होणार असल्याने राज्यात मुसळधार पावसाचा अंदाज वर्तवण्यात आला आहे. महाराष्ट्रातील जिल्ह्यांसोबतच मुंबईसाठीही 8, 9 आणि 10 ऑगस्टला ऑरेंज अलर्ट जारी करण्यात आला आहे. तिन्ही दिवस 100 मिमीहून अधिक पावसाचा अंदाज वर्तवण्यात आहे. दरम्यान, सध्या कोकणात देखील मुसळधार पाऊस कोसळत आहे. विविध ठिकाणी पावसामुळे जनजीव विस्कळीत झाले आहे. अनेक ठिकाणी नदी नाल्यांना पूर आला आहे. 

Read Also : Shravan Somvar: आर्थिक प्रगतीसाठी करा शिवपुराणातील 'हे' उपाय

विदर्भातही मुसळधार पावसाचा इशारा

विदर्भात पुढील तीन दिवसांसाठी अलर्ट जारी करण्यात आला आहे. दरम्यान काही ठिकाणी अतिमुसळधार पावसाचा अंदाज वर्तवण्यात आला आहे. तर 10 ऑगस्ट रोजी काही ठिकाणी अतिवृष्टीची शक्यता वर्तवण्यात आली आहे. विदर्भासाठी यलो अलर्ट जारी करण्यात आला असून काही ठिकाणी विजांच्या कडकडाटासह पाऊस पडण्याचा इशारा देण्यात आला आहे. मराठवाड्यात 9 आणि 10 ऑगस्ट रोजी काही ठिकाणी अतिमुसळधार पावसाचा अंदाज वर्तवण्यात आला आहे. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी