Holi special Trains: होळीनिमित्त स्पेशल ट्रेन, मुंबईहून सोडण्यात येणार अतिरिक्त 26 विशेष गाड्या, पाहा संपूर्ण यादी

Holi special Trains: होळीनिमित्त स्पेशल ट्रेन, मुंबईहून सोडण्यात येणार अतिरिक्त 26 विशेष गाड्या, पाहा संपूर्ण यादी (प्रातिनिधिक फोटो) 

Holi Special Trains from Mumbai: होळी आणि धुलिवंदन या सणांसाठी मुंबईतून मोठ्या संख्येने नागरिक आपल्या गावाकडे जात असतात. नागरिकांच्या सुविधेसाठी मध्य रेल्वेने विशेष गाड्या चालवण्याचा निर्णय घेतला आहे. मुंबईतून कोकणात जाणाऱ्या प्रवाशांसाठी मध्य रेल्वेकडून 34 विशेष गाड्या सोडण्यात येणार आहेत. तर इतर राज्यात जाणाऱ्या प्रवाशांसाठी अतिरिक्त 26 गाड्या चालवण्यात येणार आहेत.

होळी निमित्त मध्य रेल्वेकडून अतिरिक्त 26 गाड्या सोडण्यात येणार आहेत. या गाड्या मुंबईतील लोकमान्य टिळक टर्मिनस ते वाराणसी, मंगळुरू, करमाळी या भागात सोडण्यात येणार आहेत. मध्यरेल्वेकडून यापूर्वीच 105 होळी स्पेशल ट्रेन्स चालवण्याची घोषणा करण्यात आली होती. त्यानंतर आता अतिरिक्त ट्रेन्स चालवण्याचा निर्णय घेतला आहे. यामुळे होळी निमित्त सोडण्यात येणाऱ्या स्पेशल ट्रेन्सची संख्या 131 इतकी झाली आहे.

हे पण वाचा : प्रीमॅच्युअर डिलिव्हरीची ही आहेत लक्षणे

मुंबई ते करमाळी एसी होळी स्पेशल ट्रेन

1. 01187 विशेष लोकमान्य टिळक टर्मिनसहून 09.03.2023 रोजी 22.15 वाजता सुटेल आणि 10.03.2023 रोजी सकाळी 10.00 वाजता करमाळीला पोहोचेल.
2. 01188 विशेष ट्रेन करमाळीहून 03.03.2023 आणि 10.03.2023 रोजी 16.20 वाजता सुटेल आणि पुढील दिवशी 03.45 वाजता लोकमान्य टिळक टर्मिनसला पोहोचेल.
3. कुठल्या स्थानकांवर थांबेल - ठाणे, पनवेल, रोहा, खेड, चिपळूण, संगमेश्वर रोड, रत्नागिरी, राजापूर रोड, वैभववाडी, कणकवली, सिंधुदुर्ग, कुडाळ, सावंतवाडी
4. ट्रेनमधील व्यवस्था - एक पहिला एसी, तीन एसी 2 टियर, 15 एसी - 3 टियर, एक पेंट्री कार आणि दोन जनरेटर व्हॅन

हे पण वाचा : रिकाम्या पोटी काकडी खाण्याचे फायदे तुम्हाला माहितीयेत का?

मुंबई ते वाराणसी होळी स्पेशल

1. 01467 सुपरफास्ट स्पेशल 04.03.2023 रोजी लोकमान्य टिळक टर्मिनसहून 12.15 वाजता सुटेल आणि दुसऱ्या दिवशी 16.05 वाजता वाराणसी येथे पोहोचेल.
2. 01468 सुपरफास्ट स्पेशल 05.03.2023 रोजी वाराणसीहून 18.10 वाजता सुटेल आणि पुढील दिवशी 20.50 वाजता लोकमान्य टिळक टर्मिनस येथे पोहोचेल, 
3. कुठल्या स्थानकांवर थांबेल - कल्याण, इगतपूरी, नाशिक रोड, भुसावळ, खंडवा, इटारसी, पिपारिया जबलपूर, कटनी, माही, सतना, मणिकपूर आणि प्रार्थना चौकी.
4. ट्रेनमधील व्यवस्था - 2 टियर, दोन एसी -3 टियर, 11 स्लिपर क्लास, 7 सामान्य सेकंड क्लास ज्यामध्ये दोन सामान्य द्वितीय श्रेणीसह गार्ड ब्रेक व्हॅनचा समावेश आहे.

हे पण वाचा : या व्यक्तींनी चुकूनही पिऊ नये ऊसाचा रस

मुंबई ते मंगळुरू एसी होळी स्पेशल ट्रेन

1. 01165 एसी स्पेशल लोकमान्य टिळक टर्मिनसहून 07.03 2023 रोजी 22.15 वाजता सुटेल आणि दुसऱ्या दिवशी 17.20 वाजता मंगळुरू जंक्शनला पोहोचेल. 
2. 01166 एसी स्पेशल मंगळुरू जंक्शनहून 08.03.2023 रोजी 18.45 वाजता सुटेल आणि दुसऱ्या दिवशी 11.45 वाजता लोकमान्य टिळक टर्मिनसला पोहोचेल. 

आरक्षण - स्पेशल ट्रेन्सच्या बुकिंगसाठी 01467, 01165/01166 आणि 01187/01188 सर्व कम्प्युटर आरक्षित केंद्रांवर आणि वेबसाईट www.irctc.co.in वर ओपन करा. या संदर्भातील अधिक माहितीसाठी www.enquiry.indianrail.gov.in ला भेट द्या.