देवेंद्र फडणवीसांच्या मर्जीतल्या IPS अधिकाऱ्यावर मोठी जबाबदारी, मुंबईत पहिल्यांदाच विशेष पोलीस आयुक्त नियुक्त

मुंबई
रोहन जुवेकर
Updated Jan 04, 2023 | 19:31 IST

IPS Deven Bharti appointed as Mumbai first special commissioner of police : महाराष्ट्राचे उपमुख्यमंत्री, गृहमंत्री आणि अर्थमंत्री असलेल्या देवेंद्र फडणवीस यांच्या मर्जीतले आयपीएस अधिकारी देवेन भारती यांच्याकडे मोठी जबाबदारी देण्यात आली आहे.

mumbai police
मुंबई पोलीस  |  फोटो सौजन्य: Representative Image
थोडं पण कामाचं
  • देवेंद्र फडणवीसांच्या मर्जीतल्या IPS अधिकाऱ्यावर मोठी जबाबदारी
  • देवेन भारती यांची मुंबई पोलीस दलाच्या विशेष पोलीस आयुक्त पदावर नियुक्ती
  • महाविकास आघाडी सरकारच्या काळात देवेन भारती मुंबई पोलीस दलाच्या वाहतूक विभागाचे सहआयुक्त

IPS Deven Bharti appointed as Mumbai first special commissioner of police : महाराष्ट्राचे उपमुख्यमंत्री, गृहमंत्री आणि अर्थमंत्री असलेल्या देवेंद्र फडणवीस यांच्या मर्जीतले आयपीएस अधिकारी देवेन भारती यांच्याकडे मोठी जबाबदारी देण्यात आली आहे. ही जबाबदारी देण्यासाठी मुंबईच्या पोलीस आयुक्तालयात पहिल्यांदाच एक नवे पद तयार करण्यात आले आहे. देवेन भारती यांना मुंबईचे विशेष पोलीस आयुक्त या पदावर नियुक्त करण्यात आले आहे. आधी मुंबईच्या पोलीस आयुक्तालयात पोलीस आयुक्त आणि सहपोलीस आयुक्त अशी पदे होती. पण देवेन भारती यांच्या नियुक्तीसाठी नव्या पदाची निर्मिती करण्यात आली आहे. यामुळे राजकीय वर्तुळात आणि पोलीस वर्तुळात चर्चेला उधाण आले आहे.

फोन टॅपिंग प्रकरणात आयपीएस अधिकारी रश्मी शुक्ला यांना क्लीनचिट देण्यात आली. यानंतर देवेन भारती यांना मुंबईच्या विशेष पोलीस आयुक्त पदावर नियुक्त करण्यात आले. या दोन मोठ्या निर्णयांमुळे राज्याच्या राजकारणातले फडणवीसांचे महत्त्व अधोरेखित झाल्याची चर्चा राजकीय वर्तुळात आहे.

देवेंद्र फडणवीस मुख्यमंत्री असताना देवेन भारती पोलीस दलात महत्त्वाच्या पदावर होते. महाविकास आघाडीचे सरकार आल्यावर देवेन भारती यांची वाहतूक विभागात सहआयुक्तपदी नियुक्ती झाली. आता शिंदे-फडणवीस सरकारला सहा महिने झाल्यानंतर देवेन भारती यांच्याकडे एकदम मोठी जबाबदारी आली आहे. याआधी देवेंद्र फडणवीस मुख्यमंत्री असताना देवेन भारती हे मुंबईचे सहपोलीस आयुक्त (कायदा आणि सुव्यवस्था) होते. 

पुढील काही महिन्यांत मुंबई महानगरपालिकेच्या निवडणुकीचा कार्यक्रम जाहीर होण्याची शक्यता आहे. याआधीच देवेन भारती मुंबईचे विशेष पोलीस आयुक्त झाले आहेत. 

Paush Purnima : कधी आहे नव्या वर्षातील पहिली पौर्णिमा? जाणून घ्या पौर्णिमेचे व्रत आणि उपाय

January 2023 : जानेवारी 2023 मधील व्रत, सण, जयंती, पुण्यतिथी, महत्त्वाचे दिवस

देवेन भारती यांची कारकिर्द

  1. देवेन भारती १९९४ सालच्या बॅचचे IPS अधिकारी
  2. देवेन भारती यांची मुंबई पोलीस दलाच्या विशेष पोलीस आयुक्त पदावर नियुक्ती (2023).
  3. महाविकास आघाडी सरकारच्या काळात देवेन भारती मुंबई पोलीस दलाच्या वाहतूक विभागाचे सहआयुक्त.
  4. देवेन भारती यांनी महाराष्ट्र राज्य दहशतवाद विरोधी पथकाचे (एटीएस) नेतृत्व केले होते. एटीएसचे नेतृत्व करण्याआधी देवेन भारती अतिरिक्त पोलीस आयुक्त (गुन्हे) होते.
  5. २६/११ च्या दहशतवादी हल्ल्यासह शहरातील अनेक मोठ्या गुन्ह्यांच्या तपासात देवेन भारती यांचा सहभाग.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी