निवडणुकांचा कार्यक्रम जाहीर, ७ जानेवारीला मतदान, पाहा संपूर्ण कार्यक्रम

मुंबई

Updated Nov 19, 2019 | 22:34 IST | टाइम्स नाऊ मराठी

Election programme: राज्यात सत्तास्थापनेबाबत अद्याप कोणताही निर्णय झालेला नाहीये. सत्तास्थापनेसाठी राज्यात राजकीय पक्षांच्या हालचाली सुरु आहेत. आता राज्यातील पाच जिल्हा परिषदांच्या निवडणुकांचा कार्यक्रम जाहीर

maharashtra election announced zp nagpur akola washim dhule nandurbar panchayat samiti check full schedule

निवडणुकांचा कार्यक्रम जाहीर, ७ जानेवारीला मतदान, पाहा संपूर्ण कार्यक्रम

थोडं पण कामाचं

राज्यातील जिल्हा परिषद निवडणुकांचा कार्यक्रम जाहीर

नागपूर, अकोला, वाशिम, धुळे आणि नंदुरबार जिल्हा परिषदेसाठी निवडणूक

सोबतच ३६ पंचायत समित्यांच्याही निवडणूका होणार

येत्या ७ जानेवारी २०२० रोजी होणार मतदान

८ जानेवारी २०२० रोजी होणार मतमोजणी

मुंबई: राज्यातील विधानसभा निवडणुकीनंतर आता जिल्हा परिषद आणि पंचायत समित्यांच्या निवडणुकीचा कार्यक्रम जाहीर करण्यात आला आहे. राज्य निवडणूक आयोगाने राज्यातील नागपूर, अकोला, वाशिम, धुळे आणि नंदुरबार या पाच जिल्हा परिषदा आणि त्या अंतर्गत येणाऱ्या ३६ पंचायत समित्यांसाठीचा निवडणूक कार्यक्रम जाहीर केला आहे.

जिल्हा परिषद आणि पंचायत समित्यांचा निवडणूक कार्यक्रम

निवडणुकीच्या तारखेची सूचना आणि निवडणुकीचा कार्यक्रम जिल्हाधिकाऱ्यांनी प्रसिद्ध करण्याची तारीख - बुधवार, १८ डिसेंबर २०१९
नामनिर्देशनपत्र सादर करण्याचा कालावधी - बुधवार, १८ डिसेंबर २०१९ (सकाळी ११ ते दुपारी ३ वाजेपर्यंत) ते सोमवार, २३ डिसेंबर २०१९ (सकाळी ११ ते दुपारी ३ वाजेपर्यंत)
नामनिर्देशनपत्राची छाननी आणि त्यावर निर्णय - मंगळवार, २४ डिसेंबर २०१९
वैध उमेदवारांची यादी प्रसिद्ध करणे - मंगळवार, २४ डिसेंबर २०१९ (छाननीनंतर लगेचच)
उमेदवारी अर्ज मागे घेणे - सोमवार, ३० डिसेंबर २०१९ (सकाळी ११ ते दुपारी ३ वाजेपर्यंत)
उमेदवरांची यादी प्रसिद्ध करणे - सोमवार, ३० डिसेंबर २०१९ (दुपारी ३.३० नंतर)
मतदानाची तारीख - मंगळवार, ७ जानेवारी २०२० (सकाळी ७.३० ते सायंकाळी ५.३० वाजेपर्यंत)
मतमोजणीची तारीख - बुधवार, ८ जानेवारी २०२० (सकाळी १० वाजल्यापासून)
निवडून आलेल्या सदस्यांची नावे प्रसिद्ध करणे - शुक्रवार, १० जानेवारी २०२० पर्यंत