Aslam Shaikh : काँग्रेस आमदार अस्लम शेख यांनी घेतली देवेंद्र फडणवीस यांची भेट, काही दिवसांपूर्वी सोमय्यांनी केले होते आरोप

ईडीच्या रडावर असलेले माजी मंत्री आणि काँग्रेसचे आमदार अस्लम शेख यांनी काल भाजप नेते आणि उपमुख्यमंत्री देवेंद्र फडणवीस यांची भेट घेतली आहे. शिवसेनेतील बंडखोरीनंतर आता काँग्रेसचे नेतेही भाजपमध्ये जाण्याची शक्यता आहे. अशी शक्यता वर्तवली जात असताना काँग्रेस आमदार अस्लम शेख यांनी भाजप नेते फडणवीस यांची भेट घेतल्याने राजकीय वर्तुळात चर्चांना उधाण आले आहे.

aslam shaikh and devendra fadanvis
अस्लम शेख, देवेंद्र फडणवीस   |  फोटो सौजन्य: BCCL
थोडं पण कामाचं
  • ईडीच्या रडावर असलेले माजी मंत्री आणि काँग्रेसचे आमदार अस्लम शेख यांनी काल भाजप नेते आणि उपमुख्यमंत्री देवेंद्र फडणवीस यांची भेट घेतली आहे.
  • शिवसेनेतील बंडखोरीनंतर आता काँग्रेसचे नेतेही भाजपमध्ये जाण्याची शक्यता आहे.
  • अशी शक्यता वर्तवली जात असताना काँग्रेस आमदार अस्लम शेख यांनी भाजप नेते फडणवीस यांची भेट घेतल्याने राजकीय वर्तुळात चर्चांना उधाण आले आहे.

Aslam Shaikh : मुंबई : ईडीच्या (Enforcement Directorate) रडावर असलेले माजी मंत्री (Ex minister) आणि काँग्रेसचे आमदार (Congress MLA) अस्लम शेख (Aslam Shaikh) यांनी काल भाजप नेते (BJP Leader) आणि उपमुख्यमंत्री देवेंद्र फडणवीस (Deputy CM Devendra Fadanvis) यांची भेट घेतली आहे. शिवसेनेतील (Shivsena) बंडखोरीनंतर आता काँग्रेसचे नेतेही भाजपमध्ये जाण्याची शक्यता आहे. अशी शक्यता वर्तवली जात असताना काँग्रेस आमदार अस्लम शेख यांनी भाजप नेते फडणवीस यांची भेट घेतल्याने राजकीय वर्तुळात चर्चांना उधाण आले आहे. एका बाजूला संजय राऊत (Sanjay Raut) यांना ईडीने अटक केली आहे तर दुसरीकडे काँग्रेस आमदार शेख यांनी फडणवीसांची भेट घेतली आहे. (Maharashtra Former Minister And Congress Mla Aslam Sheikh Met Devendra Fadnavis after kirit somaiya scam allegation)

अधिक वाचा : ....म्हणून संजय राऊतांवर ईडीची कारवाई, काँग्रेसने उपस्थित केली भलतीच शंका

रविवारी अस्लम शेख यांनी देवेंद्र फडणवीस यांची सागर या बंगल्यावर भेट घेतली. यावेळी भाजप नेते मोहित कंबोजही उपस्थित होते. आता अस्लम शेख भाजपमध्ये प्रवेश करणार का? अशी चर्चा सुरू आहे. या भेटीनंतर अस्लम शेख आणि फडणवीस यांनी काहीच  प्रतिक्रिया दिलेली नाही.  


अधिक वाचा :  Sanjay Raut: भावाच्या अटकेनंतर आमदार सुनील राऊतांची पहिली प्रतिक्रिया समोर; म्हणाले, ''आम्ही न्यायालयीन...''

ईडीच्या रडावर अस्लम शेख

३० जुलै रोजी भाजप नेते किरीट सोमय्या यांनी पत्रकार परिषद घेऊन अस्लम शेख यांच्यावर ३०० कोटी रुपयांचा घोटाळा केल्याचा आरोप केला होता. सोमय्या म्हणाले होते. मालवणी आणि मढ भागात २९ फिल्म स्टुडियोंचे काम सुरू आहे. यातील ५ स्टुडीयो हे सीआरझेड क्षेत्रात येत आहेत. २०१९ साली ही जागा हिरवगार होती, परंतु पर्यटन विभागाने ही भागा सीआरझेड भागात येत नसल्याचे म्हटले होते. कागदावर या भागात जमीन तर समुद्र दूर दाखवण्यात आला होता. या भागातील खारफुटीची झाडे तोडून हे स्टुडियो उभारण्यात आले होते असा आरोप सोमय्या यांनी केला होता. या प्रकरणी पर्यावरण आणि वन मंत्रालयाला तक्रार मिळाली आहे. त्यानंतर ईडीनेही याबद्दल चौकशी सुरू केली आहे. 

अधिक वाचा : संजय राऊत अटकेत, ईडीची कारवाई

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी