Mumbai Water Cut: मुंबईकरांसाठी महत्त्वाची बातमी, 'या' भागात 29 मार्चपर्यंत पाणी कपात
Water cut in Mumbai : मुंबईतील काही भागात पाणी कपात करण्यात येत आहे. 29 मार्च 2023 रोजी रात्री 10 वाजेपर्यंत ही पाणीकपात सुरू राहणार आहे.
प्रातिनिधिक फोटो | फोटो सौजन्य: BCCL
थोडं पण कामाचं
- मुंबईकरांसाठी महत्त्वाची बातमी
- 29 मार्च 2023 रोजी रात्री 10 वाजेपर्यंत पाणी कपात
- जाणून घ्या कोणत्या भागात आणि का होतेय ही पाणी कपात
BMC announced water cut in some area of Mumbai: मुंबईतील पूर्व उपनगरात मुलुंड जकात नाक्याजवळ जलवाहिनीतू पाणी गळती होत आहे. या घटनेची माहिती मिळताच मुंबई मनपाकडून तात्काळ दुरुस्तीचे काम सुरू करण्यात आले आहे. मात्र, हे दुरुस्तीचे काम पूर्ण होईपर्यंत म्हणजेच 27 मार्च 2023 रोजी रात्री 10 वाजल्यापासून ते 29 मार्च 2023 रोजी रात्री 10 वाजेपर्यंत पाणी कपात करण्यात येणार आहे.
15 टक्के पाणी कपात
पूर्व द्रुतगती महामार्गावर महाराष्ट्र राज्य रस्ते विकास महामंडळ (एमएसआरडीसी) तर्फे पर्जन्य जलवाहिनीसाठी बॉक्स कल्वर्हटचे काम सुरू असताना मुलुंड जकात नाका परिसरात हरिओम नगर येथील बृहन्मुंबई महानगरपालिकेच्या 2345 मिलिमीटर व्यासाच्या मुंबई-2 जलवाहिनीस हानी पोहोचून पाणी गळती होत असल्याचे 27 मार्च 2023 रोजी निदर्शनास आले.
हे पण वाचा : कलिंगडच्या बिया वाढवतात शुक्राणूंची संख्या, तुम्ही ट्राय केलं का?
पिसे-पांजरापूर संकुलातून पाणी वाहून आणणाऱ्या या जलवाहिनीच्या गळती दुरुस्तीचे काम तातडीने हाती घेण्यात आले. हे दुरुस्तीचे काम सोमवार 27 मार्च 2023 रोजी रात्री 10 वाजल्यापासून बुधवार दिनांक 29 मार्च 2023 रोजी रात्री 10 वाजेपर्यंत होणार आहे. या काळात पूर्व उपनगर आणि शहरातील विविध परिसरात 15 टक्के पाणी कपात करण्यात येणार आहे.
हे पण वाचा : हे उपाय करा अन् डास चावल्यावर येणारी खाज पळवा
कोणत्या भागात पाणीकपात?
पूर्व उपनगरे
- टी विभाग - मुलुंड पूर्व आणि पश्चिम विभाग
- एस विभाग - भांडूप, नाहूर, कांजूरमार्ग, विक्रोळी येथील पूर्व विभाग
- एन विभाग - विक्रोळी, घाटकोपर येथील (पूर्व) आणि पश्चिम विभाग
- एल विभाग - कुर्ला (पूर्व) विभाग
- एम / पूर्व विभाग - संपूर्ण विभाग
- एम / पश्चिम विभाग - संपूर्ण विभाग
हे पण वाचा : 6 सेकंदात Google शोधून दाखवा, 95 टक्के होतात फेल
शहर विभाग
- ए विभाग - संपूर्ण विभाग
- बी विभाग - संपूर्ण विभाग
- ई विभाग - संपूर्ण विभाग
- एफ / दक्षिण विभाग - संपूर्ण विभाग
- एफ / उत्तर विभाग - संपूर्ण विभाग
पाणी कपात होत असल्याने नागरिकांना आवाहन करण्यात येते की, या काळात पाण्याचा आवश्यक साठा करुन ठेवावा. तसेच पाणी कपातीच्या कालावधीत काटकसरीने पाणी वापरुन सहकार्य करावे असंही मुंबई मनपाकडून सांगण्यात आले आहे.
ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.
Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा.