PM modi यांनी फुंकले मुंबई मनपा निवडणुकीचे रणशिंग, महाविकास आघाडीवर निशाणा

PM modi यांनी फुंकले मुंबई मनपा निवडणुकीचे रणशिंग, महाविकास आघाडीवर निशाणा   |  फोटो सौजन्य: BCCL

मुंबई : मुंबई महानगरपालिका कोणत्याही परिस्थितीत जिंकायचीच, असा निर्धार केलेल्या भाजप आणि शिवसेनेच्या शिंदे गटाने केला असून पंतप्रधान नरेंद्र मोदी यांच्या मुंबई दौऱ्यात भेटीत आगामी बीएमसी निवडणुकीचे रणशिंग फुंकले आहे. यावेळी भाजप आणि शिंदे गटाकडून जोरदार शक्तिप्रदर्शन करण्यात आले. पंतप्रधान मोदींनी गुरुवारी मुंबईत दोन नवीन मेट्रो मार्ग 2A आणि 7 चे उद्घाटन केले. बीएमसी निवडणुकीपूर्वी मुंबईकरांना ही मोठी भेट मिळाली आहे. (Narendra Modi's Maha Vikas Aghadivar target when he visited Mumbai)

अधिक वाचा :  Sleeping Tips in Marathi: तुम्ही सुद्धा रात्री लाईट सुरू ठेवूनच झोपता? मग या समस्यांचा वाढू शकतो धोका, स्टडीत झाला खुलासा

पंतप्रधान नरेंद्र मोदी यांनी गुरुवारी मुंबईत पीएम-स्वनिधी अंतर्गत अनेक विकास प्रकल्पांचे लोकार्पण केले. यावेळी त्यांनी अप्रत्यक्षपणे मागील महाविकास आघाडी सरकारवर टीकास्त्र सोडले. डबल इंजिन सरकारची विकासकामे मध्यंतरी रखडल्याचे त्यांनी सांगितले.

अधिक वाचा :  Horoscope 20 January : धनु राशीतील शुभ योगाने या राशींना होणार फायदा, जाणून घ्या तुमचे राशीभविष्य

पीएम मोदी म्हणाले, "म्हणून मुंबईला भविष्यासाठी सज्ज राहण्याची गरज आहे. 2014 पर्यंत. मुंबई मेट्रो 10-11 किमी होती, पण दुहेरी इंजिन सरकार आल्याने वेग वाढला. भारतीय रेल्वेचे जाळे विस्तारण्यासाठी मिशन मोडवर काम सुरू आहे. मुंबईकरांनाही याचा फायदा होईल. जे काही वर्षांपूर्वी त्यांच्या आवाक्याबाहेर होते. त्यामुळेच आम्ही विमानतळांसारखी रेल्वे स्थानके विकसित करत आहोत."

अधिक वाचा :  ​WFI Controversy: ब्रिजभूषण सिंग हॉटेलच्या रुममध्ये नेमकं काय करायचे... प्रेस कॉन्फ्रेंसमध्ये रडत-रडत विनेश फोगाटने सांगितली आपबिती

स्थानिक प्रशासन (BMC) त्या प्रगतीसाठी तयार असल्याशिवाय मुंबईची प्रगती होऊ शकत नाही, असे ते म्हणाले. मुंबईसाठी पैशांची कमतरता नाही, मात्र तो पैसा भ्रष्टाचार न करता वापरला पाहिजे, असे पंतप्रधान मोदी म्हणाले.