shakti bill : शक्ती विधेयक विधीमंडळाच्या दोन्ही सभागृहात मंजूर

मुंबई
रोहन जुवेकर
Updated Dec 23, 2021 | 20:20 IST

shakti bill passed in maharashtra assembly : महिला अत्याचाराच्या विरोधात तातडीने आणि कठोर शिक्षा बजावण्यासाठी तयार करण्यात आलेले शक्ती विधेयक महाराष्ट्राच्या विधीमंडळाच्या दोन्ही सभागृहात मंजूर झाले. राज्यपालांच्या स्वाक्षरीने या विधेयकाचे लवकरच कायद्यात रुपांतर होईल. 

shakti bill passed in maharashtra assembly
शक्ती विधेयक विधीमंडळाच्या दोन्ही सभागृहात मंजूर 
थोडं पण कामाचं
  • शक्ती विधेयक विधीमंडळाच्या दोन्ही सभागृहात मंजूर
  • महिला आणि बालकांवरील अत्याचाराच्या घटना थांबाव्या यासाठी शक्ती विधेयकात कठोर तरतुदी
  • शक्ती कायद्याच्या कक्षेत पुरुष, महिला आणि तृतीयपंथी यांचा समावेश

shakti bill passed in maharashtra assembly : मुंबईः महिला अत्याचाराच्या विरोधात तातडीने आणि कठोर शिक्षा बजावण्यासाठी तयार करण्यात आलेले शक्ती विधेयक महाराष्ट्राच्या विधीमंडळाच्या दोन्ही सभागृहात मंजूर झाले. राज्यपालांच्या स्वाक्षरीने या विधेयकाचे लवकरच कायद्यात रुपांतर होईल. 

राज्यातील महिला आणि बालकांवरील अत्याचाराच्या घटना थांबाव्या यासाठी शक्ती विधेयकात कठोर तरतुदी आहेत. बलात्कार, ॲसिड हल्ला, सोशल मीडियातून होणारी बदनामी, बालकांवरील खालच्या पातळीची टीका, आक्षेपार्ह मजकूर आणि फोटो प्रसिद्ध करुन केली जाणारी बदनामी अशा गुन्ह्यांसाठी कठोर शिक्षेची तरतूद शक्ती विधेयकात आहे. 

शक्ती कायद्याच्या कक्षेत पुरुष, महिला आणि तृतीयपंथी यांचा समावेश आहे. शक्ती कायद्यांतर्गत गुन्हा नोंदविल्यास ३० दिवसांत तपास पूर्ण करण्याचे बंधन पोलिसांवर असेल. तसेच ३० दिवसांत तपास पूर्ण झाला नाही तर पोलिसांना आणखी ३० दिवसांची मुदतवाढ न्यायालयात अर्ज करुन घेता येईल. लैंगिक गुन्ह्यांच्या संदर्भात खोटी तक्रार केल्याचे सिद्ध झाले अथवा खोटी तक्रार करुन त्रास दिल्याचे सिद्ध झाले तर तक्रारदारास अटक होऊ शकते. अशी अटक झाल्यास जामीन मिळणार नाही आणि खोटी तक्रार नोंदविल्याचे न्यायालयात सिद्ध झाल्यानंतर शिक्षा होईल. 

शक्ती कायद्यांतर्गत दोषी ठरलेल्या ॲसिड हल्ल्यातील गुन्हेगाराला १५ वर्षांची कोठडी आणि जन्मठेप अशा शिक्षेची तरतूद शक्ती कायद्यात आहे. सोबत दंडाची तरतूदही आहे. दंडाच्या रकमेतून अॅसिड हल्ल्यातील पीडितेला वैद्यकीय उपचारांसाठी आर्थिक मदत दिली जाईल.

ठळक वैशिष्ट्ये: 

  1. बलात्कार प्रकरणी अजामीनपात्र गुन्हा Rarest of rare प्रकरणात फाशी शिक्षा तरतूद, अथवा जन्मठेप आणि दंड
  2. ओळखीच्या व्यक्तीने बलात्कार केल्यास जन्मठेप किंवा मरेपर्यंत जन्मठेप आणि दंडाची तरतूद
  3. अतिशय क्रूर महिला अत्याचार गुन्ह्याप्रकरणी मृत्युदंडाच्या शिक्षेची तरतूद
  4. वय वर्ष 16 पेक्षा कमी असलेल्या मुलींवर अत्याचार झाल्यास मरेपर्यंत जन्मठेप
  5. सामूहिक बलात्कार 20 वर्ष कठोर जमठेप शिक्षेची तरतूद किंवा मरेपर्यंत जन्मठेप 10 लाख रुपये दंड किंवा मृत्युदंड
  6. 16 वर्षाखालील मुलीवर सामूहिक बलात्कार प्रकरणी कठोर जन्मठेप किंवा मरेपर्यंत जन्मठेप दहा लाख रुपये दंड
  7. बारा वर्षाखालील मुलीवर अत्याचार मरेपर्यंत कठोर जन्मठेप शिक्षा आणि दहा लाख रुपये दंड
  8. पुन्हा पुन्हा महिला अत्याचार करणाऱ्या गुन्हेगारांना मरेपर्यंत जन्मठेप शिक्षा
  9. सगळे गुन्हे अजामीनपात्र असतील
  10. बलात्कार प्रकरणी तपसास सहकार्य न करणाऱ्या सरकारी सेवकाला दोन वर्षापर्यंत तुरुंगवास आणि दंड
  11. अॅसिड अटॅक केल्यास किमान दहा वर्षांची किंवा मरे पर्यंत जन्मठेप शिक्षा, पीडित व्यक्तीला दंड रक्कम द्यावी लागणार
  12. अॅसिड हल्ला हा गुन्हा अजामीनपात्र
  13. सोशल मीडिया, मेल, मेसेज, इलेक्ट्रॉनिक मीडिया माध्यमातून महिलांवर कमेंट करणे, धमकी देणे, चुकीची माहिती पसरवणे यासाठी पण शिक्षेची तरतूद

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी