Eknath Shinde : आनंद सेना स्थापन करणार एकनाथ शिंदे? वाचा सविस्तर

एकनाथ शिंदे  |  फोटो सौजन्य: BCCL

Eknath Shinde : मुंबई : शिवसेना नेते आणि सार्वजनिक मंत्री एकनाथ शिंदे यांनी बंड केले असून ते ३५ आमदारांसोबत सूरतच्या एका हॉटेलमध्ये थांबले आहेत. काँग्रेस राष्ट्रवादीसोबतच्या सरकारला त्यांनी विरोध केला असून भाजपसोबत सरकार स्थापन करण्याची त्यांनी अट घातली आहे. असे न केल्यास एकनाथ शिंदे ३५ आमदारांची आनंद सेना स्थापन करू शकतात असे सांगण्यात येत आहे.

एकनाथ शिंदे यांच्या बंडखोरीच्या पार्श्वभूमीवर मुख्यमंत्री उद्धव ठाकरे राष्ट्रवादी काँग्रेसचे अध्यक्ष शरद पवार यांची भेट घेणार आहेत.

जर उद्धव ठाकरे यांनी एकनाथ शिंदे यांची अट मान्य केली नाही तर एकनाथ शिंदे हे स्वतःची आनंद सेना स्थापन करू शकतात. आनंद दिघे हे एकनाथ शिंदे यांचे गुरू होते. त्यांच्या नावाने हे एकनाथ शिंदे आपल्या गटाला नाव देऊ शकतात.

आनंद दिघे शिवसेनेचे कट्टर नेते

आनंद दिघे ठाण्यातील शिवसेनेचे कट्टर नेते होते. दिघे यांना ठाण्यातील बाळासाहेब ठाकरे म्हणू ओळखले जात होते. आनंद दिघे ठाण्यात समांतर न्यायालय चालवायचे आणि लोकांची कामे करायचे असे सांगितले जायचे. नुकतंच त्यांच्या आयुष्यावर आधारित धर्मवीर चित्रपटातील गद्दारांना क्षमा नाही असा डायलॉगही गाजला होता.