Sanjay Raut : सोमय्या देशद्रोही? किरीट सोमय्यांचा 'आयएनएस विक्रांत' निधीत घोटाळा; संजय राऊतांचा आरोप

किरीट सोमय्यांचा 'आयएनएस विक्रांत' निधीत घोटाळा?  |  फोटो सौजन्य: Times Now

INS Vikrant :  मुंबई :  शिवसेना (Shiv Sena) आणि महाविकास आघाडीच्या (Mahavikas Aghadi) नेत्यांवर सातत्याने भ्रष्टाचाराचे (Corruption) आरोप करणारे भाजपचे माजी खासदार (Former MP) किरीट सोमय्या (Kirit Somaiya) अडचणीत येऊ शकतात. कारण संजय राऊत (Sanjay Raut) यांनी पत्रकार परिषदेत (press conference) 'आएनएस विक्रांत फाइल्स' उघड केली. आयएनएस विक्रांत (INS Vikrant) जहाज वाचवण्यासाठी जमा केलेले पैसे राज्यपाल कार्यालयात पोहचलेच नसल्याचे समोर आले आहे.

संजय राऊत यांनी पत्रकार परिषदेत म्हटले की, आयएनएस विक्रांत वाचविण्यासाठी जमा करण्यात आलेला निधी हा राज्यपालांकडे सुपूर्द करण्यात येणार असल्याचे सोमय्यांनी म्हटले होते. दरम्यान संजय राऊतांना याविषयीची माहिती माहिती अधिकार कायद्यांतर्गत मिळाली आहे. सोमय्यांचा हा देशद्रोहीपणा असून त्याचा तपास केंद्रीय संस्थांनी करावा असे आवाहन राऊतांनी या पत्रकार परिषदेत केले आहे. 

बातमीची भावकी

Sanjay Raut ED Action : राऊतांची 'ती' कृती म्हणजे घोटाळ्यात सहभागी असल्याची कृती; सोमय्या आक्रमक

Raj Thackeray : पुणे, मुंबई नंतर ठाण्यात होणार राज ठाकरे यांची सभा, भाजपसोबत युतीबद्दल काय बोलणार याची उत्सुकता

6 जनपथवर काय शिजलं?, NCP अध्यक्ष शरद पवारांच्या निवासस्थानी महाराष्ट्रातील नेत्यांना डिनर

आरटीआय कार्यकर्ते विरेंद्र उपाध्ये यांनी राज्यपाल कार्यालयाकडून याबाबत ही माहिती मागवली होती. मात्र, राज्यपाल कार्यालयात असा कोणताही निधी मिळाला नसल्याची माहिती राज्यपाल कार्यालयाने दिली असल्याचे राऊत यांनी म्हटले आहे. ही माहिती मागील महिन्यात आली असल्याचे राऊत यांनी सांगितले.  दरम्यान, आयएनएस विक्रांत भंगारात काढण्याविरोधात किरीट सोमय्या यांनी आंदोलन केले होते. आयएनएस विक्रांत वाचवण्यासाठी त्यांनी लोकांकडून निधी जमवला होता. मुंबईमध्ये अनेक ठिकाणी किरीट सोमय्या यांनी निधी गोळा करायला सुरुवात केली होती. या दरम्यान 57 ते 58 कोटी रुपयांचा निधी जमा करण्यात आला होता. सोमय्या यांच्यासह इतर भाजप नेतेदेखील सहभागी होते. मात्र, या भ्रष्टाचाराच्या कटाचे प्रमुख सोमय्या होते असा आरोप संजय राऊत यांनी केला. 

केंद्रीय तपास यंत्रणांनी चौकशी करावी

किरीट सोमय्या यांनी विक्रांतच्या नावाखाली जमवलेला निधी हा आपल्या मुलाच्या कंपनीत गुंतवला आणि त्यांच्या निवडणुकीतही वापरला असल्याचा आरोप राऊत यांनी केला. या प्रकरणाची आयकर विभाग, ईडी, सीबीआयने चौकशी करावी अशीही मागणी राऊत यांनी केली. देशाच्या नागरिकांच्या भावनांशी खेळून, देशाच्या संरक्षणाच्या मुद्यावर हा निधी जमवण्यात आला आणि त्याचा अपहार करण्यात आला. त्यामुळे सोमय्यांवर देशद्रोहाचा गुन्हा दाखल होऊ शकतो असेही राऊत यांनी म्हटले. 

काय आहे प्रकरण?

‘आयएनएस विक्रांत’ या युद्धनौकेने १९७१ सालच्या भारत-पाकिस्तान युद्धामध्ये मोलाची भूमिका बजावली होती. सन १९६१ मध्ये नौदलात दाखल झालेल्या “आयएनएस विक्रांत’ची देखभाल करण्यास महाराष्ट्र सरकारने यापूर्वीच असमर्थता दर्शविली होती. ‘आयएनएस विक्रांत’चा लिलाव न करता या युद्धनौकेचे संग्रहालयात रूपांतर करण्यात यावे, अशी मागणी करण्यात आली होती. 'विक्रांत' वाचवण्यासाठी सोमय्या यांनी सामान्य नागरिकांपासून सर्वच स्तरातील व्यक्तींकडून निधी जमवला होता.